چباتے ہی موسیقی بجانے والی لولی پاپ متعارف، قیمت کیا ہوگی؟
اشاعت کی تاریخ: 9th, January 2026 GMT
عالمی ٹیکنالوجی میلے CES 2026 میں اس سال ایک منفرد پروڈکٹ نے توجہ حاصل کی ایک لولی پاپ جو صارف کے سر میں گانے بجاتا ہے۔
اس پروڈکٹ کا نام Lollipop Star ہے، اور یہ ہڈی کے ذریعے آواز پہنچانے (bone conduction) ٹیکنالوجی سے چلتا ہے جو صارف کو گانے سننے کی اجازت دیتا ہے جن میں آئس اسپائس، آکون اور آرمانی وائٹ جیسے فنکار شامل ہیں۔ کمپنی کی ترجمان کیسی لارنس نے بتایا کہ موسیقی لولی پاپ کو چاٹنے یا چبانے کے دوران ہڈیوں کے ذریعے کان کے اندر پہنچتی ہے۔
یہ بھی پڑھیں: چوری کا انوکھا واقعہ: واردات کے دوران چور ایگزاسٹ فین کے سوراخ میں پھنس گیا
کمپنی کی ویب سائٹ کے مطابق ’ہم عالمی پاپ آئیکونز کے ساتھ مل کر آپ کی ٹافی کو منہ میں کنسرٹ میں بدل رہے ہیں۔ ہر Lollipop Star کا اپنا بیٹ، ذائقہ اور ماحول ہے۔ چبائیں، اور موسیقی محسوس کریں‘۔ ویب سائٹ پر محدود ایڈیشن پری-لانچ کے لیے ویٹ لسٹ میں شامل ہوا جا سکتا ہے۔
کمپنی کا کہنا ہے کہ CES 2026کے بعد ایک لولی پاپ $8.
یہ بھی پڑھیں: دنیا کی سب سے مہنگی مچھلی کا ریکارڈ، جاپان میں بلیو فِن ٹونا 92 کروڑ روپے میں فروخت
لولی پاپ کے اس لانچ پر سوشل میڈیا صارفین زیادہ متاثر نہیں ہوئے، کچھ نے یہ بات بھی کی کہ اسی ٹیکنالوجی کا استعمال 2000 کی دہائی کے شروع میں بچوں کے ٹوتھ برشز میں بھی ہوتا تھا۔
ایک صارف نے کہا کہ میں نہیں چاہتا کہ ٹافیاں کھاتے وقت اشتہارات چلائیں۔ ایک اور نے کہا میرے پاس بچپن میں ایک ٹوتھ برش تھا جس میں یہ ٹیکنالوجی تھی۔ یہ صرف دو منٹ کے لیے ہانا مونٹانا کا تھیم سانگ بجاتا تھا۔
یہ بھی پڑھیں: زمین کے اندر چھپا پانی، وہ راز جس نے دنیا کو عالمگیر آگ سے بچایا
تیسرا صارف لکھتا ہے ’یقیناً یہ سب سے بے معنی چیزوں میں سے ایک ہے۔ یہ ہڈی کے ذریعے انتہائی کم معیار میں گانا بجاتا ہے، جو لولی پاپ کھانے کے دوران چند منٹ ہی چلتا ہے۔ اگر آپ جلدی کھائیں تو پورا گانا نہیں سنتے، اور اگر آہستہ کھائیں تو ایک ہی گانا بار بار سنتے ہیں، شاندار‘۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
CES 2026 لولی پاپ لولی پاپ میوزک
ذریعہ
ذریعہ: WE News
پڑھیں:
خیبرپختونخوا میں لوکل گورنمنٹ کا نیا قانون لاگو، گزٹ نوٹیفکیشن جاری
خیبر پختونخوا میں لوکل گورنمنٹ ترمیمی ایکٹ 2026 کا گزٹ نوٹیفکیشن جاری کردیا گیا، جس کے بعد صوے میں لوکل گورنمنٹ کا نیا قانون لاگو ہوگیا۔
نوٹیفکیشن میں بتایا کہ صوبے میں لوکل گورنمنٹ کا نیا قانون لاگو ہوگیا، نئے قانون کے تحت ہرویلج اور نیبرہڈ کونسل کی آبادی 30 ہزار سے 40 ہزار ہوگی۔
اعلامیے میں کہا گیا کہ ویلج کونسل عملی طور پر یونین کونسل کی حیثیت اختیار کر جائے گی اور نئی حدبندی ڈیجیٹل مردم شماری 2023 کی بنیاد پر ہوگی۔
اعلامیے میں مزید کہا گیا کہ آبادی میں 10 فیصد تک کمی بیشی کی اجازت ہوگی۔
ترمیمی ایکٹ کے مطابق خصوصی حالات میں الیکشن کمیشن صوبائی حکومت سے مشاورت کے بعد اس شرط سے استثنیٰ دے سکے گا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا