جنگ مقبول ہورہی ہے، جنگی جنون بڑھ رہا ہے، پوپ لیو کا عالمی منظرنامے پر تشویش کا اظہار
اشاعت کی تاریخ: 9th, January 2026 GMT
پوپ لیو نے جمعہ کے روز اپنے سالانہ غیر ملکی پالیسی خطاب میں سفارتی مقاصد کے حصول کے لیے فوجی طاقت کے استعمال کی سخت مذمت کی اور کہا کہ دنیا میں مکالمے اور اتفاقِ رائے پر مبنی سفارتکاری کی جگہ طاقت پر مبنی حکمتِ عملی لے رہی ہے۔
یہ بھی پڑھیے: پوپ لیو کی یورپ میں پھیلتے اسلاموفوبیا پر کڑی تنقید، لبنان میں امن کی اپیل
پوپ لیو، جو پہلے امریکی نژاد پوپ ہیں، نے کہا کہ عالمی تنازعات کے تناظر میں بین الاقوامی اداروں کی کمزوری ایک سنجیدہ تشویش کا باعث ہے۔ ویٹیکن میں موجود 184 سفیروں سے خطاب کرتے ہوئے انہوں نے کہا کہ ‘جنگ دوبارہ مقبول ہو رہی ہے اور جنگ کے لیے جنون بڑھ رہا ہے۔’
وینیزویلا کے عوام کی مرضی کا احترام کرنے پر زورپوپ لیو نے وینیزویلا کے صدر نکولس مادورو کی امریکی افواج کے ہاتھوں گرفتاری کا حوالہ دیتے ہوئے عالمی حکومتوں سے مطالبہ کیا کہ وہ وینیزویلا کے عوام کی مرضی کا احترام کریں اور وہاں کے شہریوں کے انسانی اور شہری حقوق کا تحفظ یقینی بنائیں۔
یہ پوپ لیو کا پہلا ایسا خطاب تھا جسے پوپ کا ‘اسٹیٹ آف دی ورلڈ’ خطاب کہا جاتا ہے، جو انہوں نے پوپ فرانسس کے انتقال کے بعد دیا۔ اس موقع پر امریکا اور وینیزویلا کے سفیر بھی موجود تھے۔
یہ بھی پڑھیے: پوپ لیو کی پہلے غیرملکی دورے کے دوران استنبول کی مشہور سلطان احمد مسجد آمد
پوپ لیو، جو پہلے امریکی کارڈینل رابرٹ پریووسٹ تھے، کئی دہائیوں تک پیرو میں مشنری خدمات انجام دیتے رہے۔ انہوں نے اپنے خطاب میں امریکی صدر کا نام لیے بغیر کچھ پالیسیوں، بالخصوص امیگریشن سے متعلق فیصلوں پر ماضی میں تنقید کا پس منظر بھی رکھتے ہیں۔
تقریباً 43 منٹ کے خطاب میں پوپ لیو نے اس بار نسبتاً سخت لہجہ اختیار کیا۔ انہوں نے خبردار کیا کہ مغربی ممالک میں آزادیِ اظہار تیزی سے محدود ہو رہی ہے اور ایک ایسا طرزِ گفتگو فروغ پا رہا ہے جو بظاہر شمولیت کے نام پر اختلاف رکھنے والوں کو خارج کر دیتا ہے۔
پوپ لیو نے یورپ اور امریکا میں عیسائیوں کو درپیش ‘نرم مگر واضح مذہبی امتیاز’ پر بھی تشویش کا اظہار کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا پوپ لیو جنگ خطاب عیسائیت وینزویلا.
ذریعہ
ذریعہ: WE News
کلیدی لفظ: امریکا پوپ لیو عیسائیت وینزویلا وینیزویلا کے پوپ لیو نے انہوں نے
پڑھیں:
پنجاب کے وزیر تعلیم رانا سکندر حیات کا اسکولوں میں خود پڑھانے کا اعلان
لاہور : پنجاب کے وزیر تعلیم رانا سکندر حیات نے ٹیچر بننے کا اعلان کردیا۔رانا سکندر حیات نے ستمبر کے پہلے ہفتے سے انگلش اور کیمسٹری سمیت دیگر مضامین کی تدریس کا اعلان کیا۔انہوں نے کہا کہ لاہور میں ستمبر کے پہلے ہفتے سے کلاس کو پڑھاناشروع کروں گا، انگلش اور کیمسٹری میرے پسندیدہ مضمون ہیں لہٰذا ان ہی مضامین سے شروع کروں گا۔وزیر تعلیم نے کہنا ہےکہ پرائمری اسکولوں میں انگلش اور ہائی اسکولوں میں کیمسٹری سے آغاز کروں گا جب کہ انگلش اور کیمسٹری کے علاؤہ دیگرمضامین کی بھی تدریس کروں گا۔انہوں نے مزید کہا کہ ہر ہفتے کسی ایک اسکول میں بغیر پیشگی اطلاع پڑھانے جاؤں گا، اساتذہ کی عزت کرتا ہوں، استاد بن کر فخر محسوس کروں گا۔ان کا کہنا تھا کہ اس اقدام سے تعلیمی معیار کو جانچ کر تدریسی کمزوریاں دور کرنے میں مدد ملے گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار