ترکی بھی سعودی، پاکستان دفاعی معاہدے میں شمولیت کا خواہاں، بلومبرگ
اشاعت کی تاریخ: 9th, January 2026 GMT
ترکی بھی سعودی، پاکستان دفاعی معاہدے میں شمولیت کا خواہاں، بلومبرگ WhatsAppFacebookTwitter 0 9 January, 2026 سب نیوز
جدہ(سب نیوز )بلومبرگ کے مطابق، ترکی سعودی عرب اور پاکستان کے درمیان دفاعی اتحاد میں شمولیت کا خواہاں ہے۔ معاملے سے باخبر افراد کا کہنا ہے کہ اس پیش رفت سے مشرقِ وسطی اور اس سے باہر طاقت کے توازن میں نمایاں تبدیلی آ سکتی ہے۔یہ دفاعی معاہدہ ابتدائی طور پر ستمبر میں سعودی عرب اور پاکستان کے درمیان طے پایا تھا، جس میں کہا گیا ہے کہ کسی ایک ملک کے خلاف کسی بھی قسم کی جارحیت کو تمام اتحادی ممالک پر حملہ تصور کیا جائے گا۔ یہ شق نیٹو کے آرٹیکل 5 سے مماثلت رکھتی ہے، جس میں ترکی امریکہ کے بعد سب سے بڑی فوجی طاقت رکھتا ہے۔
شناخت ظاہر نہ کرنے کی شرط پر ذرائع نے بلومبرگ کو بتایا کہ مذاکرات آخری مراحل میں ہیں اور معاہدہ طے پانے کے امکانات بہت زیادہ ہیں۔ماہرین کے مطابق، یہ توسیع شدہ دفاعی اتحاد منطقی ہے کیونکہ ترکی کے مفادات خطے نہ صرف خطے بلکہ جنوبی ایشیا بلکہ مشرق وسطی اور حتی کہ افریقہ میں بھی سعودی عرب اور پاکستان کے ساتھ ملتے ہیں۔ترکی اس معاہدے کو ایک ایسے ذریعہ کے طور پر دیکھتا ہے جو سکیورٹی اور ہتھیاروں کے توازن کو مضبوط کر سکتا ہے، خاص طور پر جب امریکہ کی قابل اعتماد حیثیت پر سوالات اٹھتے ہیں، جس کے تینوں ممالک کے ساتھ مضبوط عسکری تعلقات ہیں، اور صدر ڈونلڈ ٹرمپ کی نیٹو میں وابستگی پر شکوک ہیں۔
سٹریٹیجسٹ نِہات علی اوزکان، جو انقرہ کی تھنک ٹینک ٹیپا سے وابستہ ہیں، کے مطابق، سعودی عرب مالی طاقت لاتا ہے، پاکستان کے پاس ایٹمی صلاحیت، بیلسٹک میزائل اور انسانی وسائل موجود ہیں، جبکہ ترکی کے پاس عسکری تجربہ اور دفاعی صنعت کی ترقی ہے۔اوزکان نے کہا جب امریکہ خطے میں اپنے اور اسرائیل کے مفادات کو ترجیح دیتا ہے، تو بدلتے ہوئے حالات اور علاقائی تنازعات کے اثرات ممالک کو مجبور کر رہے ہیں کہ وہ نئے طریقے اپنائیں تاکہ دوست اور دشمن کی شناخت کی جا سکے۔
ترکی کے وزیرِ دفاع نے اس معاملے پر کوئی تبصرہ کرنے سے انکار کر دیا۔ پاکستان کی وزارتِ اطلاعات اور سعودی حکام بھی اس ضمن میں فوری طور پر تبصرے کے لیے دستیاب نہیں۔اگر ترکی اس اتحاد میں شمولیت کا معاہدہ کرتا ہے، تو یہ سعودی عرب کے ساتھ تعلقات میں نئے دور کا آغاز ہوگا، کیونکہ یہ دونوں سابق حریف ہیں جنہوں نے کشیدگی کے کئی سالوں کے بعد تعلقات کا صفحہ پلٹ دیا ہے اور اب اقتصادی و دفاعی تعاون کو فروغ دے رہے ہیں۔ اس ہفتے ترکی کے وزیرِ دفاع کے مطابق انقرہ میں دونوں ممالک کے درمیان پہلی بحری میٹنگ بھی ہوئی۔
ترک اور سعودی حکام ایران کے خطے پر حاری ہونے پر بھی پرانے خدشات رکھتے ہیں، تاہم وہ تہران کے ساتھ براہِ راست تصادم کے بجائے مصالحتی رویے کو ترجیح دیتے ہیں۔ دونوں ممالک شام میں ایک مستحکم سنی قیادت والی حکومت اور فلسطینی ریاست کے قیام کی بھی حمایت کرتے ہیں۔ترکی اور پاکستان کے درمیان دیرینہ عسکری تعلقات قائم ہیں۔ انقرہ، پاکستان نیوی کے لیے بحری جنگی جہازیں بنا رہا ہے اور متعدد F-16 لڑاکا طیاروں کو اپ گریڈ کر چکا ہے۔ ترکی دونوں ممالک کے ساتھ ڈرون ٹیکنالوجی بھی شیئر کر رہا ہے اور اب چاہتا ہے کہ وہ ترکی کے ففتھ جنریشن کے کان کے لڑاکا طیارے کے پروگرام میں بھی شامل ہوں۔یہ سہ فریقی دفاعی بات چیت پاکستان اور انڈیا کے درمیان مئی میں ہونے والے چار روزہ فوجی تصادم کے بعد ہونے والے فائر کے تناظر میں ہو رہی ہے، جس میں دونوں ایٹمی ہتھیار رکھنے والے پڑوسیوں نے لڑائی بند کی۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبروزیر خارجہ اسحاق ڈار دورہ سعودی عرب کیلئے آج رات روانہ ہوں گے وزیر خارجہ اسحاق ڈار دورہ سعودی عرب کیلئے آج رات روانہ ہوں گے کینسر کے مریضوں کیلئے بڑی خبر، مفت ادویات کی فراہمی کیلئے حکومت نجی کمپنی سے معاہدہ امریکی پالیسیاں عالمی نظام کو تباہ کر رہی ہیں؛ دنیا کو لٹیرے سے بچانا ہے؛ جرمن صدر تمام اہم اقتصادی فیصلوں کو قومی اقتصادی حکمتِ عملی سے ہم آہنگ ہونا چاہیے،اسحاق ڈار کراچی کی تاریخ کا بڑا جلسہ کریں گے، عوام بھرپور تیاری کریں: سہیل آفریدی ایران کرائے کے فوجیوں کو برداشت نہیں کرے گا: آیت اللہ خامنہ ایCopyright © 2025, All Rights Reserved
رابطہ کریں ہماری ٹیم.
ذریعہ
ذریعہ: Daily Sub News
کلیدی لفظ: میں شمولیت کا
پڑھیں:
نابالغ بچے کا نان نفقہ کسی معاہدے سے ختم نہیں کیا جا سکتا: لاہور ہائیکورٹ
لاہور ہائی کورٹ---فائل فوٹولاہور ہائی کورٹ نے قرار دیا ہے کہ باپ نابالغ بچے کے مستقبل کے نان نفقے کا حق کسی معاہدے یا رضامندی نامے کے ذریعے ختم نہیں کر سکتا۔
لاہور ہائی کورٹ کے جسٹس محسن اختر کیانی نے درخواست پر تفصیلی تحریری فیصلہ جاری کر دیا۔
عدالت نے معاہدے کی بنیاد پر بچے کا نان نفقہ ختم کرنے سے متعلق باپ کی اپیل خارج کرتے ہوئے ٹرائل کورٹ، فیملی کورٹ اور اپیلٹ کورٹ کے فیصلے برقرار رکھے ہیں۔
عدالت نے اپنے فیصلے میں کہا کہ درخواست گزار کے مطابق بورڈنگ کارڈ جاری ہونے کے بعد اچانک آف لوڈ کیا گیا اور صرف اس خدشے پر سفر سے روکا گیا کہ شاید دبئی سے واپس نہ آئے۔
عدالتی فیصلے کے مطابق فریقین کی شادی 2002ء میں ہوئی تھی جبکہ 2005ء میں طلاق ہو گئی، طلاق کے بعد خاندان کے بڑوں نے دونوں فریقین کے درمیان ایک معاہدہ کروایا جس کے تحت شوہر بچے کے نان نفقے کے حوالے سے 60 ہزار روپے ادا کرے گا۔
عدالتی حکم نامے کے مطابق خاتون نے 2019ء میں بچے کے نان نفقے کا دعویٰ دائر کیا جس پر درخواست گزار نے مؤقف اختیار کیا کہ معاہدے کے باوجود دعویٰ دائر کرنا غیر قانونی ہے تاہم عدالت نے قرار دیا کہ مالی تنگی بھی باپ کی نان نفقے کی ذمے داری ختم نہیں کر سکتی اور نابالغ بچے کا نان نفقہ باپ پر مستقل جاری رہنے والا فریضہ ہے۔
فیصلے میں کہا گیا ہے کہ کسی نجی معاہدے یا رضامندی نامے کے ذریعے نابالغ بچے کا نان نفقے کا حق ختم نہیں کیا جا سکتا۔
عدالت نے واضح کیا ہے کہ نان نفقہ باپ پر صرف قانونی ہی نہیں بلکہ اخلاقی اور مذہبی ذمے داری بھی ہے جبکہ غیر ادا شدہ نان نفقہ باپ پر قابلِ نفاذ قرض ہے جو ختم نہیں ہو سکتا۔
لاہور ہائی کورٹ نے باپ کی درخواست خارج کرتے ہوئے فیصلے کی کاپی لاء اینڈ جسٹس کمیشن اور وزارتِ قانون و انصاف کو بھی بھیجنے کا حکم دیا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ