قائداعظم یونیورسٹی گرلز ہوسٹل واقعہ: نامعلوم شخص کے گھسنے پر سیکیورٹی سخت، خفیہ کیمروں کی تلاش کا حکم
اشاعت کی تاریخ: 9th, January 2026 GMT
data-id="863a0a8" data-element_type="widget" data-widget_type="theme-post-content.default">
اسلام آباد: قائداعظم یونیورسٹی کے گرلز ہوسٹل میں نامعلوم شخص کے داخل ہونے کے واقعے کے بعد یونیورسٹی انتظامیہ نے سیکیورٹی مزید سخت کرنے کا فیصلہ کرتے ہوئے خفیہ کیمروں کی تلاش کے لیے تکنیکی سویپ کا حکم دے دیا ہے۔
میڈیا رپورٹس کے مطابق واقعے کی سنگینی کے پیشِ نظر یونیورسٹی انتظامیہ نے تحقیقات کے لیے انکوائری کمیٹی تشکیل دے دی ہے جبکہ درج کی گئی فرسٹ انفارمیشن رپورٹ (ایف آئی آر) میں بھی نظرثانی کی جائے گی۔
انتظامیہ کی جانب سے گرلز ہوسٹلز کے اندر اور اطراف میں سیکیورٹی پیٹرولنگ بڑھا دی گئی ہے۔ اس کے علاوہ گرلز ہوسٹلز میں خفیہ کیمروں کی موجودگی کے خدشے کے پیش نظر تکنیکی ٹیموں کو سویپ کرنے کی ہدایت جاری کر دی گئی ہے۔
سیکیورٹی مزید مؤثر بنانے کے لیے طالبات کے لیے خصوصی مواقع پر گیٹ نمبر 5 کھولنے کی منظوری دی گئی ہے جبکہ گرلز ہوسٹلز کے اطراف سیکیورٹی لائٹس کی فوری مرمت اور بحالی کا حکم بھی دیا گیا ہے۔ انتظامیہ نے گرلز ہوسٹلز میں دو خواتین سیکیورٹی گارڈز تعینات کرنے کا بھی فیصلہ کیا ہے۔
یونیورسٹی انتظامیہ نے گرلز ہوسٹلز کے معاملات کی نگرانی کے لیے ایک کوآرڈینیشن کمیٹی قائم کر دی ہے۔ اس کے ساتھ ساتھ طالبات کے لیے والی بال اور بیڈمنٹن گراؤنڈز کی تعمیر کا اعلان بھی کیا گیا ہے۔ وائس چانسلر قائداعظم یونیورسٹی نے تمام فیصلوں اور ہدایات پر فوری عمل درآمد کی منظوری دے دی ہے۔
واضح رہے کہ یہ واقعہ اسلام آباد میں قائداعظم یونیورسٹی کے خواتین کے ہوسٹل میں پیش آیا، جہاں نامعلوم شخص خواتین ہوسٹل کے واش روم میں داخل ہوا۔ طالبات نے بروقت کارروائی کرتے ہوئے نامعلوم شخص کو دھر لیا، جس کے بعد واقعہ انتظامیہ کے علم میں لایا گیا۔ واقعے نے طالبات میں شدید تشویش پیدا کر دی تھی، جس کے بعد سیکیورٹی اقدامات مزید سخت کرنے کا فیصلہ کیا گیا۔
ذریعہ
ذریعہ: Jasarat News
کلیدی لفظ: قائداعظم یونیورسٹی نامعلوم شخص انتظامیہ نے گرلز ہوسٹلز گرلز ہوسٹل کے لیے
پڑھیں:
گلگت بلتستان انتخابات کیلئے سیکیورٹی ہائی الرٹ، 13 ہزار سے زائد اہلکار تعینات کرنے کا فیصلہ
اویس کیانی: گلگت بلتستان میں ہونے والے انتخابات کے پرامن انعقاد کو یقینی بنانے کیلئے وفاقی حکومت نے جامع سیکیورٹی پلان کی منظوری دے دی ہے، جس کے تحت مختلف سیکیورٹی اداروں کے ہزاروں اہلکار تعینات کیے جائیں گے۔
ذرائع کے مطابق انتخابی عمل کے دوران امن و امان برقرار رکھنے کیلئے پاک فوج، سول آرمڈ فورسز، پنجاب پولیس، اسلام آباد پولیس، پنجاب رینجرز، فرنٹیئر کور (ایف سی) اور جی بی اسکاؤٹس کے اہلکار فرائض سرانجام دیں گے۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
حکومتی منظوری کے بعد پاک فوج اور سول آرمڈ فورسز کی تعیناتی آئین کے آرٹیکل 220 اور انسداد دہشت گردی ایکٹ 1997 کے تحت عمل میں لائی جائے گی۔
سیکیورٹی پلان کے تحت پاک فوج کے 985 جوان، پنجاب پولیس کے 6 ہزار اہلکار، اسلام آباد پولیس کے 1500 اہلکار، پنجاب رینجرز کے 2 ہزار جوان، ایف سی کے ایک ہزار اہلکار جبکہ جی بی اسکاؤٹس کے 1500 اہلکار انتخابی ڈیوٹی انجام دیں گے۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
ذرائع کا کہنا ہے کہ حساس پولنگ اسٹیشنز اور اہم مقامات پر خصوصی سیکیورٹی انتظامات کیے جائیں گے تاکہ ووٹرز محفوظ ماحول میں اپنا حق رائے دہی استعمال کر سکیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ