آئرلینڈ نے آئی سی سی ٹی20 ورلڈ کپ کے لیے 15 رکنی اسکواڈ کا اعلان کر دیا
اشاعت کی تاریخ: 9th, January 2026 GMT
آئرلینڈ نے سری لنکا اور بھارت میں ہونے والے آئی سی سی مینز ٹی ٹوئنٹی ورلڈ کپ 2026 کے لیے اپنے 15 رکنی اسکواڈ کا اعلان کر دیا ہے۔
تجربہ کار اوپنر اور ٹی20 فارمیٹ میں آئرلینڈ کے سب سے زیادہ رنز بنانے والے بلے باز پال اسٹرلنگ ایک بار پھر ٹیم کی قیادت کریں گے جبکہ وکٹ کیپر بلے باز لورکن ٹکر نائب کپتان ہوں گے۔
آئرلینڈ کا اسکواڈپال اسٹرلنگ (کپتان)، مارک اڈائر، راس اڈائر، بین کیلٹز، کرٹس کیمفر، گیرتھ ڈیلینی، جارج ڈاکریل، میتھیو ہمفریز، جوش لٹل، بیری مک کارتھی، ہیری ٹیکٹر، ٹِم ٹیکٹر، لورکن ٹکر، بین وائٹ اور کریگ ینگ شامل ہیں۔
یہ بھی پڑھیے: آئرلینڈ ویمنز نے سنسنی خیز مقابلے کے بعد پاکستان ویمنز کو آخری گیند پر شکست دیدی
اعلان کردہ اسکواڈ میں شامل 15 میں سے 12 کھلاڑی گزشتہ ایڈیشن میں بھی آئرلینڈ کی نمائندگی کر چکے ہیں، جبکہ ٹِم ٹیکٹر، بین کیلٹز اور میتھیو ہمفریز اس بار نئے چہروں کے طور پر ٹیم کا حصہ بنے ہیں۔
یہ ٹی20 ورلڈ کپ میں آئرلینڈ کی 9ویں شرکت ہوگی۔ آئرلینڈ کی بہترین کارکردگی 2009 اور 2022 میں رہی، جب ٹیم نے دوسرے مرحلے تک رسائی حاصل کی اور سابق چیمپئن ویسٹ انڈیز اور انگلینڈ کو شکست دی۔
آئرلینڈ کے قومی سلیکٹر اینڈریو وائٹ کا کہنا ہے کہ ٹیم اس بار پہلے سے بہتر کارکردگی دکھانے کے لیے پُرعزم ہے۔ ان کے مطابق 2022 کا ٹورنامنٹ یادگار رہا، تاہم 2024 میں ٹیم اپنی بہترین فارم میں نہیں تھی اور اب وہ اس کا ازالہ کرنا چاہتی ہے۔
یہ بھی پڑھیے: ٹی20 ورلڈ کپ: نیوزی لینڈ اسکواڈ کا اعلان، قیادت کسے ملی؟
انہوں نے مزید کہا کہ آئرلینڈ ایک سخت گروپ میں شامل ہے، جس میں میزبان ٹیم کے خلاف بھی مقابلے ہوں گے، تاہم حالیہ برسوں میں ان ٹیموں کے خلاف کھیلنے کا تجربہ آئرلینڈ کے لیے فائدہ مند ثابت ہوگا۔
ورلڈ کپ سے قبل آئرش ٹیم اٹلی اور متحدہ عرب امارات کے خلاف میچز کھیلے گی۔ ٹی20 ورلڈ کپ میں آئرلینڈ کو گروپ بی میں سری لنکا، آسٹریلیا، عمان اور زمبابوے کے ساتھ رکھا گیا ہے۔ آئرلینڈ اپنا پہلا میچ 8 فروری کو کولمبو میں سری لنکا کے خلاف کھیلے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئرلینڈ ٹی20 کرکٹ کھیل ورلڈکپ.
ذریعہ
ذریعہ: WE News
کلیدی لفظ: ا ئرلینڈ ٹی20 کرکٹ کھیل ورلڈکپ ٹی20 ورلڈ کپ کے خلاف کے لیے
پڑھیں:
سہیل آفریدی کا 10 جون کو قومی اسمبلی کے سامنے دھرنا دینے اور بجٹ کی منظوری روکنے کا اعلان
(ڈیلی پاکستان آن لائن)وزیراعلیٰ خیبرپختونخوا سہیل آفریدی کا کہنا ہے کہ اگر اس مرتبہ بھی انہیں دیوار سے لگانے کی کوشش کی گئی تو 10 جون کو ملک بھر سے پارلیمنٹیرین اسلام آباد پہنچ کر قومی اسمبلی کے سامنے دھرنا دیں گے اور وفاقی بجٹ پاس نہیں ہونے دیں گے۔اڈیالہ روڈ سے روانگی سے قبل میڈیا سے گفتگو میں سہیل آفریدی کا مزید کہنا تھا کہ خیبرپختونخوا حکومت بانی پی ٹی آئی کی جماعت کی حکومت ہے اور صوبے کے عوام نے بانی پی ٹی آئی کو ووٹ دیا ہے، اس لیے عوام کی خواہش ہے کہ صوبائی بجٹ ان کی ہدایات اور ترجیحات کے مطابق مرتب کیا جائے۔انہوں نے کہا کہ وہ چاہتے ہیں کہ بجٹ کے حوالے سے بانی پی ٹی آئی سے ملاقات کر کے ان کی منظوری حاصل کی جائے۔
وزیر داخلہ محسن نقوی سے گورنر خیبرپختونخوا فیصل کریم کنڈی کی ملاقات، امن عامہ کی صورتحال اور اہم امور پر تبادلۂ خیال
سہیل آفریدی نے اعلان کیا کہ وہ کل اسلام آباد ہائیکورٹ میں ایک درخواست دائر کریں گے اور امید ہے کہ اس مرتبہ ملاقات کی اجازت مل جائے گی۔ انہوں نے الزام عائد کیا کہ آج بھی بانی پی ٹی آئی کے اہل خانہ کو ملاقات کی اجازت نہیں دی گئی۔وزیراعلیٰ خیبرپختونخوا نے کہا کہ بانی پی ٹی آئی نے کوئی جرم نہیں کیا بلکہ انہیں ناحق قید رکھا گیا ہے۔ ان کے بقول پنجاب حکومت اور جیل انتظامیہ کی غفلت کے باعث بانی پی ٹی آئی کی آنکھ میں مسئلہ پیدا ہوا جبکہ عوام میں اس بات پر تشویش پائی جاتی ہے کہ ملاقاتوں پر پابندی کیوں عائد کی جا رہی۔
مایوسی کا دور ختم ، ہم ایک ماہ میں پوسٹ حج آپریشن کامیابی سے مکمل کریں گے: کنٹری منیجر ظہیرالدین آغا
سہیل آفریدی نے کہا کہ خیبرپختونخوا کے عوام نے بانی پی ٹی آئی کو مینڈیٹ دیا ہے اور صرف وہی وزیراعلیٰ کو تبدیل کرنے کا اختیار رکھتے ہیں۔ انہوں نے بتایا کہ وفاقی وزیر داخلہ محسن نقوی سے ان کی ملاقات بیرسٹر گوہر کی درخواست پر ہوئی تھی، علاقائی صورتحال پر گفتگو کرتے ہوئے انہوں نے کہا کہ افغانستان پاکستان کا برادر اسلامی ملک ہے اور کسی کی خوشنودی کے لیے دونوں ممالک کے تعلقات خراب نہیں ہونے چاہئیں۔
ان کا کہنا تھا کہ بانی پی ٹی آئی ہمیشہ یہ مؤقف رکھتے ہیں کہ جنگ کسی مسئلے کا حل نہیں اور پاکستان کو خطے میں ثالثی کا کردار ادا کرنا چاہیے، خیبرپختونخوا کے آئندہ بجٹ میں سماجی بہبود، تعلیم اور صحت کے شعبوں کو ترجیح دی گئی ہے۔کرپشن کے الزامات کے حوالے سے وزیراعلیٰ نے کہا کہ ان کے دفتر کے دروازے سب کے لیے کھلے ہیں اور اگر کسی کے پاس کرپشن کے ثبوت ہیں تو وہ سامنے لائے۔
بری طرح تھکا ہوا تھا، خستہ حال بے خوابی سے بوجھل سوجی آنکھوں میں نیند کی شدت کا درد، آتے ہی چارپائی پر ایسا گرا کہ شام تک ہوش ہی نہیں آیا
مزید :
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ