میرپورخاص،دھند کے باعث ٹنڈوا لٰہیار روڈ پر حادثہ ،2افراد جاں بحق
اشاعت کی تاریخ: 10th, January 2026 GMT
data-id="863a0a8" data-element_type="widget" data-widget_type="theme-post-content.default">
میرپورخاص (نمائندہ جسارت)شدید دھند کے باعث ٹنڈو الٰہیار روڈ پر پیش آنے والے افسوسناک ٹریفک حادثے میں جاں بحق افراد کی تعداد دو ہوگئی۔ گزشتہ شب حیدرآباد سے میرپورخاص آنے والی ایک مسافر وین کیسانہ موری کے پاس شدید دھند کے باعث سامنے سے جانے والی گنے سے بھری ٹرالی سے ٹکرا گئی تصادم اتنا شدید تھا کہ وین میں سوار متعدد مسافر شدید زخمی ہوگئے حادثے میں شدید زخمی ہونے والے 24 سالہ جنید خان، جو گلبرگ ٹاؤن میرپور خاص کے رہائشی تھے زخموں کی تاب نہ لاتے ہوئے دم توڑ گئے اس کے علاوہ حیسکو میرپورخاص کے ریٹائرڈ ایس ڈی او ریاض عباسی بھی اس حادثے میں جان کی بازی ہار گئے۔ذرائع کے مطابق مرحوم جنید خان کی ایک سال قبل شادی ہوئی تھی اور گزشتہ روز ہی وہ ایک بچے کا باپ بنے تھے تاہم خوشیوں بھرا یہ موقع غم میں بدل گیا حادثے کی خبر سن کر علاقے میں سوگ کی فضا قائم ہوگئی جبکہ لواحقین پر غم کا پہاڑ ٹوٹ پڑا واقعے کے بعد پولیس اور ریسکیو ٹیمیں موقع پر پہنچ گئیں، زخمیوں کو فوری طور پر اسپتال منتقل کیا گیا جبکہ حادثے کی مزید تحقیقات کی جارہی ہیں شہریوں نے شدید دھند کے دوران تیز رفتاری اور سڑکوں پر بغیر حفاظتی اقدامات کے چلنے والی ٹرالیوں کیخلاف کارروائی کا مطالبہ کیا ہے۔
ذریعہ
ذریعہ: Jasarat News
کلیدی لفظ: دھند کے
پڑھیں:
مستونگ میں سیشن جج عبدالحکیم کاکڑ فائرنگ میں شہید، گن مین بھی جاں بحق
بلوچستان کے ضلع مستونگ میں قومی شاہراہ پر نامعلوم مسلح افراد کی فائرنگ کے نتیجے میں سیشن جج عبدالحکیم کاکڑ اور ان کے گن مین شہید ہوگئے، جبکہ ایڈیشنل سیشن جج طارق لاشاری سمیت دو افراد شدید زخمی ہو گئے۔ واقعے کے بعد قانون نافذ کرنے والے اداروں نے علاقے کو گھیرے میں لے کر حملہ آوروں کی تلاش اور تحقیقات کا آغاز کر دیا ہے۔
ڈپٹی کمشنر مستونگ بہرام سلیم کے مطابق سیشن جج عبدالحکیم کاکڑ کوئٹہ سے مستونگ جا رہے تھے کہ قومی شاہراہ پر نامعلوم مسلح افراد نے ان کی گاڑی پر اندھا دھند فائرنگ کر دی۔ حملے کے نتیجے میں سیشن جج اور ان کے گن مین موقع پر ہی شہید ہوگئے، جبکہ گاڑی میں سوار ایڈیشنل سیشن جج طارق لاشاری سمیت دو افراد شدید زخمی ہوئے۔
واقعے کے فوری بعد شہداء اور زخمیوں کو قریبی اسپتال منتقل کیا گیا، جہاں زخمیوں کو طبی امداد فراہم کی جا رہی ہے۔ سکیورٹی فورسز نے جائے وقوعہ کو گھیرے میں لے کر شواہد اکٹھے کیے اور حملہ آوروں کی گرفتاری کے لیے سرچ آپریشن شروع کر دیا ہے۔
دوسری جانب بلوچستان بار کونسل نے حملے کو نظامِ انصاف پر دہشت گردانہ حملہ قرار دیتے ہوئے شدید مذمت کی ہے۔ بار کونسل نے واقعے کے خلاف صوبہ بھر میں دو روزہ عدالتی ہڑتال اور تین روزہ سوگ کا اعلان کیا ہے۔ اعلامیے میں ججز، وکلا اور شہریوں کی سکیورٹی یقینی بنانے، حملے میں ملوث عناصر کی فوری گرفتاری اور انہیں قانون کے مطابق سزا دینے کا مطالبہ بھی کیا گیا۔
وزیراعلیٰ بلوچستان میر سرفراز بگٹی اور صوبائی وزیر داخلہ میر ضیاء اللہ لانگو نے بھی واقعے کی سخت الفاظ میں مذمت کرتے ہوئے شہداء کے اہل خانہ سے اظہار تعزیت کیا۔ انہوں نے متعلقہ اداروں کو حملہ آوروں کی فوری گرفتاری اور واقعے کی جامع تحقیقات کی ہدایت دیتے ہوئے کہا کہ ذمہ دار عناصر کو قانون کی گرفت سے نہیں بچنے دیا جائے گا۔
تحریکِ تحفظِ آئینِ پاکستان کا پارلیمنٹ ہائوس سے دھرنا ختم