پنجاب اسمبلی کے حلقہ پی پی 167 سے ن لیگی امیدوار بلامقابلہ منتخب
اشاعت کی تاریخ: 10th, January 2026 GMT
پنجاب اسمبلی کے مرحوم رکن عرفان شفیع کھوکھر کی خالی ہونے والی نشست پر حلقہ پی پی 167 لاہور میں بلا مقابلہ انتخاب مکمل کر لیا گیا ہے، جس کے نتیجے میں پاکستان مسلم لیگ ن کے امیدوار ملک محمد شفیع کامیاب قرار پائے۔
الیکشن ایکٹ 2017 کے تحت کاغذات نامزدگی کی جانچ پڑتال اور مقررہ مراحل مکمل ہونے کے بعد کسی بھی امیدوار کی جانب سے مقابلہ سامنے نہ آنے پر ملک محمد شفیع کو بلا مقابلہ منتخب قرار دیا گیا۔ اس حوالے سے ریٹرننگ آفیسر محمد عمر مقبول نے فارم 34 جاری کردیا۔
وزیراعلی پنجاب مریم نواز شریف کی مسلم لیگ ن کے امیدوار شفیع کھوکھر کو pp 167 میں بلامقابلہ منتخب ہونے پر مبارکباد
کامیابی نواز شریف کی قیادت اور رہنمائی میں عوامی خدمت کا ثمر قرار pic.
— Umar Daraz Gondal (@umardarazgondal) January 10, 2026
دوسری جانب وزیراعلیٰ پنجاب مریم نواز شریف نے پی پی 167 کے ضمنی انتخاب میں مسلم لیگ ن کے امیدوار کی کامیابی پر اظہارِ تشکر کیا اور حلقے کے عوام کو مبارکباد دی۔
اپنے بیان میں انہوں نے کہاکہ یہ کامیابی محمد نواز شریف کی قیادت اور مسلم لیگ ن کی عوامی خدمت پر مبنی سیاست کا نتیجہ ہے۔
وزیراعلیٰ پنجاب کا کہنا تھا کہ عوامی فلاح و بہبود اور خدمت کے مشن کو مزید تیزی کے ساتھ آگے بڑھایا جائے گا اور حلقے کے عوام کی توقعات پر پورا اترنے کے لیے بھرپور اقدامات کیے جائیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بلامقابلہ منتخب پنجاب اسمبلی مریم نواز مسلم لیگ ن
ذریعہ
ذریعہ: WE News
کلیدی لفظ: بلامقابلہ منتخب پنجاب اسمبلی مریم نواز مسلم لیگ ن مسلم لیگ ن نواز شریف
پڑھیں:
پی ٹی آئی کے علاوہ سب کو انتخابی مہم کی اجازت ہے، شفیع جان
تحریک انصاف کے رہنما شفیع جان نے کہا ہے کہ گلگت بلتستان میں پی ٹی آئی کے علاوہ باقی تمام جماعتوں کو انتخابی مہم چلانے کی اجازت ہے، نواز شریف اور بلاول بھٹو زرداری بھی کیمپین کر رہے ہیں۔
ایک بیان میں انہوں نے کہا کہ اگر تحریک انصاف کا کوئی وزیر وہاں ہوتا تو الیکشن کمیشن حرکت میں آچکا ہوتا۔ الیکشن کمیشن کی یہ خاموشی ہمیں سمجھ نہیں آرہی۔
شفیع جان کا کہنا تھا کہ پی ٹی آئی نے گلگت بلتستان ڈیموکریٹک موومنٹ سے الحاق کیا تو اُس کو بھی کینسل کر دیا گیا اور ہمارے اُمیدواروں کو آزاد ڈیکلیئر کر دیا گیا ۔
انہوں نے کہا کہ گلگت بلتستان کے عوام فیصلہ کر چکے ہیں، 7 جون کو تحریک انصاف کامیاب ہو گی۔ ہم اپنے ووٹ کو محفوظ بنانے کے مکینزم پر کام کر رہے ہیں۔
پی ٹی آئی رہنما کا کہنا تھا کہ فارم 47 کی ایک اور واردات کی تیاری کی جارہی ہے وہ ہم کرنے نہیں دیں گے۔ اس کے خلاف ہمیں اگر گلگت بلتستا ن بند کرنا پڑا تو یہ بھی کریں گے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ