جے یو آئی کے سربراہ مولانا فضل الرحمان 3 روزہ دورے پر لاہور پہنچ گئے
اشاعت کی تاریخ: 10th, January 2026 GMT
جمعیت علمائے اسلام کے سربراہ مولانا فضل الرحمان تین روزہ دورے پر لاہور پہنچ گئے ہیں، جہاں وہ مختلف دینی و تنظیمی اجتماعات سے خطاب کریں گے اور اہم شخصیات سے ملاقاتیں کریں گے۔
شیڈول کے مطابق 11 جنوری کو صبح 10 بجے مولانا فضل الرحمان جامعہ اشرفیہ لاہور میں تعزیتی اجتماع اور مدارس کنونشن سے خطاب کریں گے۔ اسی روز بعد از نمازِ ظہر وہ جامعہ مدنیہ جدید، رائیونڈ روڈ لاہور میں ختمِ بخاری کے اجتماع سے بھی خطاب کریں گے۔
مولانا فضل الرحمان 12 جنوری کو بعد از نماز ظہر صوبائی ڈیجیٹل میڈیا کنونشن سے خطاب کریں گے، جہاں تنظیمی و میڈیا حکمتِ عملی پر بھی گفتگو متوقع ہے۔
دورے کے دوران جے یو آئی کے سربراہ علماء کرام، سماجی شخصیات، جماعتی عہدیداران اور پارٹی کارکنان سے ملاقاتیں کریں گے۔ اس موقع پر مرکزی کوآرڈی نیٹر انجینئر ضیاء الرحمان، صوبائی امیر مولانا صفی اللہ، سیکرٹری جنرل حافظ نصیر احمد احرار سمیت دیگر رہنما بھی ان کے ہمراہ ہوں گے۔
ذریعہ
ذریعہ: Daily Mumtaz
کلیدی لفظ: مولانا فضل الرحمان خطاب کریں گے
پڑھیں:
کراچی: نجی ایئر لائن کی حج پرواز جدہ سے 15 گھنٹے کی تاخیر سے پہنچ گئی
—فائل فوٹونجی ایئر لائن کی حج آپریشن کی پرواز پی کے 940 جدہ سے15 گھنٹے کی تاخیر سے کراچی پہنچ گئی۔
ایئر لائن ذرائع کے مطابق بوئنگ 777 طیارے میں 300 سے زائد حجاج پہنچے ہیں۔
قومی ایئر لائن پی آئی اے کے بعد از حج آپریشن کا آغاز آج سے ہو گیا۔
ذرائع نے بتایا ہے کہ طیارے کی عدم دستیابی کے باعث پرواز تاخیر کا شکار ہوئی ہے۔
ایئرلائن ذرائع کا یہ بھی کہنا ہے کہ نجی ایئر لائن کا یہ حج آپریشن 30 جون کو اختتام پزیر ہو گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ