قومی انڈر 21 اسنوکر چیمپئن شپ،برجیس خان کا شاندار ٹائٹل حاصل
اشاعت کی تاریخ: 10th, January 2026 GMT
قومی انڈر 21 اسنوکر چیمپئن شپ کا فائنل سنسنی خیز مقابلے کے بعد برجیس خان نے اپنے نام کر لیا۔ کراچی کے جہانگیر خان اسپورٹس کمپلیکس میں کھیلے گئے فیصلہ کن معرکے میں انہوں نے پنجاب کے ایم فرحان کو سخت مقابلے کے بعد شکست دی۔
فائنل میچ میں دونوں نوجوان کھلاڑیوں کے درمیان کانٹے دار مقابلہ ہوا، تاہم برجیس خان نے چار کے مقابلے میں تین فریم سے کامیابی حاصل کی۔ میچ کے اسکور کچھ یوں رہے: 45-62، 66-32، 36-65، 68-25، 40-65، 50-69 اور 10-63۔
اس سے قبل سیمی فائنلز میں ایم فرحان نے جہاں زیب جہانگیر کو 2-4 سے جبکہ برجیس خان نے شاہ زیب رفیق کو شکست دی تھی۔
تقریبِ تقسیمِ انعامات میں پی بی ایس اے کے صدر عبدالقادر میمن مہمانِ خصوصی تھے جنہوں نے کامیاب کھلاڑیوں میں ٹرافیاں اور نقد انعامات تقسیم کیے۔ اس موقع پر سابق صدر عالمگیر شیخ، اعزازی سیکریٹری نوید کپاڈیہ، عقیل سوریا اور عمر جہانگیر خان بھی موجود تھے۔
محمد فرحان علی نے انڈر 17 میں 95 اور انڈر 21 میں 100 کا شاندار بریک اسکور بنا کر خصوصی انعامات اپنے نام کیے۔
رنرز اپ اور ونر کھلاڑیوں میں نقد انعامات بھی تقسیم کیے گئے، جس کے مطابق انڈر 21 کے فاتح برجیس خان کو 70 ہزار روپے اور ٹرافی جبکہ ایم فرحان کو رنرز اپ ہونے پر 35 ہزار روپے اور ٹرافی دی گئی۔
ذریعہ
ذریعہ: Daily Mumtaz
پڑھیں:
وزیر ریلوے کی اطالوی قومی دن کے موقع پر اٹلی کی حکومت اور عوام کو مبارکباد
اسلام آباد(اُردو پوائنٹ اخبارتازہ ترین - این این آئی۔ 02 جون2026ء) وزیر ریلوے محمد حنیف عباسی نے اطالوی قومی دن کے موقع پر اٹلی کی حکومت اور عوام کو مبارکباد پیش کرتے ہوئے کہا ہے کہ پاکستان اور اٹلی کے درمیان دیرینہ دوستانہ تعلقات باہمی احترام، اعتماد اور تعاون پر مبنی ہیں۔منگل کو اپنے بیان میں انہوں نے کہا کہ اٹلی پاکستان کا ایک اہم یورپی شراکت دار ہے اور دونوں ممالک کے تعلقات وقت کے ساتھ مزید مستحکم ہوئے ہیں۔ وزیر ریلوے نے کہا کہ پاکستان اٹلی کے ساتھ تجارت، سرمایہ کاری، تعلیم اور ثقافتی روابط کے فروغ کو خصوصی اہمیت دیتا ہے۔انہوں نے کہا کہ اطالوی قومی دن دونوں ممالک کے درمیان دوستی اور تعاون کے مزید فروغ کے عزم کی تجدید کا موقع فراہم کرتا ہے۔ انہوں نے اٹلی میں مقیم پاکستانی برادری کے کردار کو سراہتے ہوئے کہا کہ یہ برادری دونوں ممالک کے درمیان تعلقات کو مضبوط بنانے میں اہم کردار ادا کر رہی ہے۔(جاری ہے)
وزیر ریلوے نے کہا کہ پاکستان اٹلی کے ساتھ اقتصادی، تجارتی اور عوامی سطح کے روابط کو مزید وسعت دینے کا خواہاں ہے ،دونوں ممالک کے درمیان مختلف شعبوں میں تعاون کے وسیع امکانات موجود ہیں جو مشترکہ ترقی اور خوشحالی کا ذریعہ بن سکتے ہیں۔انہوں نے کہا کہ پاکستان اور اٹلی کے مضبوط تعلقات باہمی مفادات کے تحفظ اور بین الاقوامی تعاون کے فروغ میں اہم کردار ادا کر رہے ہیں اور یہ دیرینہ دوستی مستقبل میں مزید مضبوط اور نتیجہ خیز شراکت داری میں تبدیل ہوگی۔ انہوں نے اطالوی قومی دن پر پاکستان اور اٹلی کے عوام کے لیے امن، ترقی اور خوشحالی کی نیک تمناں کا اظہار کیا۔
وزارت آئی ٹی نے 1.67 ارب روپے سے زاید کے فنڈز طلب کرلیے