حمیرا چنا نے میوزک انڈسٹری میں اقربا پروری اور لیجنڈز کو نظرانداز کرنے پر آواز اٹھا دی
اشاعت کی تاریخ: 11th, January 2026 GMT
معروف پاکستانی پلے بیک گلوکارہ حمیرا چنا نے پاکستانی میوزک انڈسٹری میں اقربا پروری اور لیجنڈز کو نظرانداز کرنے پر آواز اٹھا دی۔
حمیرا چنا نے نوّے کی دہائی میں فلمی دنیا کے لیے گائے گئے مقبول گانوں سے شہرت حاصل کی، وہ حال ہی میں پاکستانی میوزک انڈسٹری میں موجود تعصبات اور اقربا پروری کے خلاف کھل کر بول پڑیں۔
حمیرا چنا نگار ایوارڈز کی فاتح رہ چکی ہیں اور انہوں نے صوفی شاعر شاہ عبداللطیف بھٹائی کے کئی لوک کلام پاکستان ٹیلی وژن پر گائے ہیں۔
حمیرا چنا نے شوبز میں قدم اپنے والد کے اثر سے رکھا، جو خود ایک فلم ساز تھے، حال ہی میں وہ عاصم اظہر کے مشہور ڈرامہ ’میری زندگی ہے تُو‘ کے او ایس ٹی کا کور گانے کی وجہ سے بھی خبروں میں رہیں۔
حمیرا چنا نے ایک پوڈکاسٹ میں بطور مہمان شرکت کی، جہاں انہوں نے انڈسٹری میں موجود جانبداری اور سینئر فنکاروں کے ساتھ ہونے والے ناروا سلوک پر تفصیل سے بات کی۔
حمیرا چنا کا کہنا تھا کہ پاکستانی میوزک انڈسٹری میں اقربا پروری بہت زیادہ ہے اور مخصوص فنکاروں کے گرد ہی تمام مواقع گھومتے رہتے ہیں، جبکہ باصلاحیت اور تجربہ کار گلوکاروں کو مسلسل نظرانداز کیا جاتا ہے۔
انہوں نے کہا کہ انڈسٹری میں بہت زیادہ فیورٹ ازم ہے، چند مخصوص ناموں کے ساتھ بار بار کام کیا جاتا ہے اور باقی باصلاحیت فنکاروں کو بھلا دیا جاتا ہے، میں خود اس جانبداری کا شکار رہی ہوں، یہ افسوسناک ہے، مگر حقیقت یہی ہے، انڈسٹری کو چاہیے کہ وہ سب کو ساتھ لے کر چلے اور اُن فنکاروں کو بھی مواقع دے جو واقعی اپنے فن سے واقف ہیں۔
مزید گفتگو کرتے ہوئے حمیرا چنا نے لیجنڈ فنکاروں کے ساتھ ہونے والے رویے پر تنقید کرتے ہوئے کہا کہ لوگ کہتے ہیں کہ آپ لیجنڈ ہیں، ٹھیک ہے ہم لیجنڈ ہیں، مگر کیا کبھی کسی نے یہ سوچا کہ لیجنڈز کے پاس کام بھی ہے یا نہیں؟ جب کوئی فنکار دنیا سے چلا جاتا ہے تو تب کہا جاتا ہے کہ اگر وہ زندہ ہوتے تو ہم انہیں یہ گانا دیتے یا اگر کوئی بھارت سے واپس آ جائے تو اچانک وہ اسٹار بن جاتا ہے۔
.
ذریعہ
ذریعہ: Daily Mumtaz
کلیدی لفظ: میوزک انڈسٹری میں جاتا ہے
پڑھیں:
فیلڈ مارشل، میں اور قوم سعودیہ کیساتھ ہیں، وزیراعظم کا ولی عہد سے رابطہ، آئل ٹینکرز پر حملے کی مذمت
اسلام آباد(ڈیلی پاکستان آن لائن )وزیراعظم شہباز شریف نے سعودی آئل ٹینکرز پر حوثی ملیشیا کے حملوں کی شدید مذمت کرتے ہوئے کہا ہےکہ میں، فیلڈ مارشل اور پاکستانی قوم اس نازک وقت میں سعودی قیادت، برادر عوام کے ساتھ مضبوطی، عزم کے ساتھ کھڑے ہیں۔
وزیراعظم شہباز شریف اور سعودی ولی عہد محمد بن سلمان کے درمیان ٹیلی فونک رابطہ ہوا جس میں وزیراعظم نے بحیرہ احمر میں سعودی آئل ٹینکرز پر حوثی ملیشیا کے بزدلانہ حملوں کی شدید ترین الفاظ میں مذمت کی۔
وزیراعظم نے محمد بن سلمان سے گفتگو میں کہا کہ ایسے اقدامات قطعی ناقابلِ قبول ہیں، یہ بین الاقوامی قانون کی صریح خلاف ورزی ہیں، ایسے اقدامات جہاز رانی اور تجارتی نقل و حمل کی آزادی کے لیے خطرہ ہیں اور ایسے اقدامات علاقائی امن، سلامتی اور استحکام کو نقصان پہنچاتے ہیں۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
وزیراعظم نے برادر ملک سعودی عرب کے ساتھ پاکستان کی مکمل یکجہتی کا اعادہ کرتے ہوئے کہا کہ میں، فیلڈ مارشل اور پاکستانی قوم اس نازک وقت میں سعودی قیادت، برادر عوام کے ساتھ مضبوطی، عزم کے ساتھ کھڑے ہیں۔
وزیر اعظم شہباز شریف نے مملکت سعودی عرب کی سلامتی، خودمختاری، علاقائی سالمیت اور خوشحالی کے لیے پاکستان کی غیر متزلزل حمایت کا اعادہ کیا۔
شہباز شریف کا کہنا تھا کہ پاکستان امن وسلامتی اور استحکام کے لیے مملکت و عالمی برادری کےساتھ تعاون جاری رکھے گا، پاکستان بحیرہ احمر، آبنائےہرمز اور سمندری تجارت کی بلاتعطل روانی کے لیے قریبی تعاون جاری رکھے گا۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
وزیراعظم نےخادمِ حرمین شریفین شاہ سلمان کے لیے نیک خواہشات اور خیرسگالی کے جذبات کا اظہار کیا جب کہ اس موقع پر سعودی ولی عہد نے پاکستان کی مستقل حمایت اور دونوں ممالک کے درمیان قریبی برادرانہ تعلقات کو سراہا۔
مزید :
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار