ایران میں کشیدگی برقرار،مجموعی اموات 200 سے متجاوز،املاک کو نقصان
اشاعت کی تاریخ: 11th, January 2026 GMT
تہران (ویب ڈیسک) ایران میں حکومت اور مظاہرین میں کشیدگی برقرار ہے۔ دو ہفتوں سے جاری پرتشدد واقعات میں اموات کی مجموعی تعداد 200 سے زائد ہوگئی۔
ایرانی میڈیا کے مطابق گزشتہ رات بھی تہران میں پرتشدد مظاہرے ہوئے۔ شرپسند عناصر نے درجنوں گاڑیوں کو آگ لگا دی۔ سرکاری عمارتوں میں پیٹرول بم پھینکے گئے۔ مظاہرین کے حملوں میں ایک سو نو سیکیورٹی اہلکار جاں بحق ہوچکےہیں۔
خبر ایجنسی کے مطابق پولیس کے ساتھ جھڑپوں میں 116 مظاہرین جان سے گئے۔ پولیس نے 2600 سے زائد مظاہرین کو گرفتار کیا۔ تہران میں صبح ہوتے ہی صورتحال معمول پر آگئی۔ بازار کھل گئے جبکہ ٹریفک معمول کے مطابق رواں دواں ہے۔
دوسری جانب پاکستان میں ایرانی سفیر رضا امیری مقدم کے مطابق گزشتہ شب سے آج دوپہر تک ملک میں مجموعی ماحول پُرامن رہا۔ تہران اور دیگر بڑے شہروں میں کوئی نمایاں خلل یا بےامنی دیکھنے میں نہیں آئی ۔ باشعور ایرانی عوام دشمنوں کی سازشوں اور ملک کو غیر مستحکم کرنے کی کوششوں کو بخوبی سمجھتے ہیں۔
ایرانی عوام نےخود کو دہشت گردوں اور فسادی عناصر سے واضح طور پر علیحدہ رکھا ہوا ہے۔ سیکیورٹی تحفظات،دہشتگردی خطرات اور بیرونی مداخلت کے ثبوتوں کے باعث انٹرنیٹ کنیکٹیویٹی عارضی طور پر محدودکی گئی ہے۔ ایرانی سفیر رضا امیری مقدم کا کہنا ہے کہ ماضی کی طرح ، ایرانی قوم ثابت قدمی کے ساتھ موجودہ صورتحال پر قابو پانے کی صلاحیت رکھتی ہے۔
.
ذریعہ
ذریعہ: Daily Mumtaz
کلیدی لفظ: کے مطابق
پڑھیں:
فیلڈ مارشل عاصم منیر کا بلوچستان میں پائیدار امن کے عزم کا اعادہ
فیلڈ مارشل سید عاصم منیر نے کہا ہے کہ سکیورٹی فورسز اور قانون نافذ کرنے والے ادارے عوام کی بھرپور حمایت سے بلوچستان میں دیرپا امن کے قیام کے لیے پرعزم ہیں۔ انہوں نے اس عزم کا اظہار کیا کہ دہشت گردی اور اس کے سہولت کاروں کے خلاف کارروائیاں اپنے منطقی انجام تک جاری رہیں گی۔
پاک فوج کے شعبہ تعلقات عامہ (آئی ایس پی آر) کے مطابق 20ویں نیشنل ورکشاپ بلوچستان کے شرکاء نے جنرل ہیڈکوارٹرز (جی ایچ کیو) کا دورہ کیا، جہاں فیلڈ مارشل سید عاصم منیر نے شرکاء سے خطاب کرتے ہوئے قومی اتحاد، استحکام اور ثابت قدمی کی اہمیت پر زور دیا۔
فیلڈ مارشل نے کہا کہ بلوچستان پاکستان کا فخر ہے اور یہ صوبہ قدرتی وسائل سے مالا مال ہے۔ ان کے مطابق بلوچستان کے محب وطن، باصلاحیت، باہمت اور ثابت قدم عوام ہی اس صوبے کا سب سے قیمتی سرمایہ ہیں۔
انہوں نے کہا کہ وفاقی اور صوبائی حکومتوں کی جانب سے بلوچستان میں جاری ترقیاتی منصوبوں کا مقصد صوبے کی سماجی اور معاشی ترقی کو یقینی بنانا، عوام کے معیارِ زندگی کو بہتر بنانا اور خوشحالی کے نئے مواقع پیدا کرنا ہے۔
آئی ایس پی آر کے مطابق فیلڈ مارشل نے کہا کہ سکیورٹی فورسز اور قانون نافذ کرنے والے ادارے عوام کے تعاون سے بلوچستان میں امن و امان کے قیام کے لیے بھرپور کوششیں جاری رکھے ہوئے ہیں اور ان کی یہی مشترکہ کاوشیں صوبے میں پائیدار امن کی بنیاد بنیں گی۔
انہوں نے اس موقع پر کہا کہ فتنہ الخوارج اور فتنہ الہندوستان کے خلاف ٹارگٹڈ آپریشنز پوری قوت کے ساتھ جاری رہیں گے اور یہ کارروائیاں دہشت گردی اور اس کے سہولت کاروں کے مکمل خاتمے تک بلا تعطل جاری رہیں گی۔
فیلڈ مارشل سید عاصم منیر نے اس عزم کا اعادہ کیا کہ پاکستان کی مسلح افواج عوام کے اتحاد، عزم اور ثابت قدمی کی بدولت ہر قسم کے مذموم عزائم کو ناکام بنائیں گی اور ملکی سلامتی، خودمختاری اور استحکام کے تحفظ کے لیے اپنی ذمہ داریاں پوری کرتی رہیں گی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا