نجی یونیورسٹی طالبہ فاطمہ کی حالت مستحکم، وینٹی لیٹر سے ہٹا دی گئی
اشاعت کی تاریخ: 11th, January 2026 GMT
لاہور: (نیوزڈیسک) نجی یونیورسٹی کی طالبہ فاطمہ کی حالت مستحکم ہو گئی، مریِضہ وینٹی لیٹر سے ہٹا دی گئی۔
ہسپتال انتظامیہ کے مطابق مریِضہ بغیر آکسیجن کے سانس لینے کے قابل ہو گئی، زبانی غذا بھی شروع کر دی گئی، فاطمہ ہوش و حواس میں ہے، GCS سکور 15/15 برقرار ہے۔
انتظامیہ کا کہنا ہے کہ مریِضہ اہلِ خانہ سے گفتگو کر رہی ہے، دونوں ٹانگوں کے زخموں کی ڈریسنگ آرتھوپیڈکس ڈیپارٹمنٹ کر رہا ہے، نفسیاتی ٹیم کی باقاعدہ کاؤنسلنگ، ذہنی سپورٹ جاری ہے۔
ہسپتال انتظامیہ کے مطابق نیورو سرجری ٹیم نے مریِضہ کی ذمہ داری سنبھال لی، فاطمہ کو پنجاب انسٹیٹیوٹ آف نیوروسائنسز منتقل کر دیا گیا ہے۔
انتظامیہ کا کہنا ہے کہ پیر کو L2 مہرے کی سرجری متوقع ہے، میڈیکل بورڈ کی کلیئرنس، مریِضہ منتقلی کے لیے فِٹ قرار دے دی گئی ہے۔
مریِضہ نیورو سرجری ICU-6 میں داخل ہے، یونٹ ون کے تحت علاج جاری ہے، پروفیسر آصف بشیر کی سربراہی میں نیورو سرجیکل ٹیم علاج کرے گی۔
.
ذریعہ
ذریعہ: Daily Mumtaz
پڑھیں:
رکشہ ڈرائیور نے چالان ہونے پر رکشے کو آگ لگا دی
حافظ آباد (ڈیلی پاکستان آن لائن) حافظ آباد میں رکشہ ڈرائیور نے چالان ہونے پر اپنے رکشے کو آگ لگا دی۔
نجی ٹی وی چینل جیو نیوز کے مطابق ٹریفک وارڈن کی جانب سے ریلوے پھاٹک کے قریب رکشہ ڈرائیور کا چالان کیا گیا جس پر ڈرائیور مشتعل ہوگیا اور اس نے اپنے رکشے کو آگ لگا دی۔
پولیس کے مطابق رکشہ ڈرائیور کا کہنا تھا کہ آئے روز کے بھاری جرمانوں سے تنگ ہوکر رکشے کو آگ لگائی ہے۔
دوسری جانب ڈی پی او کامران حمید کا کہنا ہےکہ واقعے کے بعد متعلقہ ٹریفک وارڈن کو معطل کر کے تحقیقات شروع کر دی گئی ہے۔
ایف آئی اے نے جعلی دستاویزات پر بیرون ملک جانے والی 2 خواتین کو آف لوڈ کر دیا ، 2 ایجنٹ گرفتار
مزید :
وزارت آئی ٹی نے 1.67 ارب روپے سے زاید کے فنڈز طلب کرلیے