پاکستانی قالین ڈیزائنر کو ترکیہ میں عالمی ایوارڈ سے نواز دیا گیا
اشاعت کی تاریخ: 11th, January 2026 GMT
پاکستان نے ترکیہ میں منعقد ہونے والی ایکسپو ’آئی سی ایف ای، کارپٹ اینڈ فلور کورنگز فیئر 2026‘ میں بیسٹ مکسڈ ویونگ تکنیک ڈیزائن ایوارڈ اپنے نام کر لیا۔
یہ عالمی نمائش قالین ڈیزائن کے شعبے میں دنیا کے اہم ترین بین الاقوامی پلیٹ فارمز میں شمار کی جاتی ہے۔
پاکستانی قالین ڈیزائنر سکندرین حسن جو کمپنیز ریڈ اِنک اور ترکحنوم ہوم کی بانی اور کری ایٹو ڈائریکٹر ہیں نے یہ ایوارڈ جیتا۔
یہ ان کی آئی سی ایف ای میں مسلسل دوسری کامیابی ہے، جو پاکستان کی قالین سازی کو عالمی سطح پر حاصل ہونے والی پذیرائی کی علامت ہے۔
ایوارڈ یافتہ قالین ’فریکچرڈ ہارمنی‘ کو اس کے منفرد ڈیزائن کی وجہ سے سراہا گیا، جو فلیٹ ویو، سوماک اور ریزڈ اینڈ کٹ پائل تکنیکوں کے تہہ در تہہ امتزاج پر مبنی ہے۔
یہ قالین مکمل طور پر ہاتھ سے تیار کیا گیا ہے، جس میں ہاتھ سے کاتی گئی اون اور جوٹ کا استعمال کیا گیا ہے جبکہ بعض ریشے بغیر رنگ کے قدرتی حالت میں رکھے گئے ہیں۔ قالین کی تخلیق ساخت، شکل اور مواد کے تضاد کے ذریعے ٹوٹ پھوٹ اور ازسرِ نو تشکیل کے درمیان بصری کشمکش کو اجاگر کرتی ہے۔
آئی سی ایف ای ڈیزائن ایوارڈز میں دنیا بھر سے مینوفیکچررز، خریدار اور رجحانات پر نظر رکھنے والے ماہرین شرکت کرتے ہیں۔ منتخب ڈیزائنز کو نمائش کے مرکزی داخلی حصے میں قائم خصوصی ٹرینڈ ایریا میں پیش کیا جاتا ہے۔
مسلسل 2 برس ایوارڈ جیتنے کے بعد، ریڈ اِنک اور ترکحنوم ہوم نے پاکستانی ہاتھ سے بنے قالینوں کو عالمی عصری ڈیزائن کے مکالمے میں نمایاں مقام دلانے میں اہم کردار ادا کیا ہے۔
پاکستان کارپٹ مینو فیکچررز اینڈ ایکسپورٹرز ایسوسی ایشن کے چیئرمین میان عتیق الرحمان کی سربراہی میں 15 رکنی وفد نے عالمی نمائش میں بھرپور شرکت کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews ایکسپو عالمی ایوارڈ قالین ڈیزائنر وی نیوز.
ذریعہ
ذریعہ: WE News
کلیدی لفظ: ایکسپو عالمی ایوارڈ قالین ڈیزائنر وی نیوز قالین ڈیزائن
پڑھیں:
صدرمسلم لیگ (ن) نواز شریف کل گلگت بلتستان کا ایک روزہ دورہ کریں گے
سٹی 42 : صدرمسلم لیگ (ن) نواز شریف کل گلگت بلتستان کا ایک روزہ کریں گے.
صدرمسلم لیگ (ن) نواز شریف پارٹی رہنماؤں اور ٹکٹ ہولڈرز سے ملاقاتیں بھی کریں گے ۔
میاں نواز شریف گلگت بلتستان میں انتخابات اور عوامی ترقی بارےتبادلہ خیال کریں گے ۔
وزارت آئی ٹی نے 1.67 ارب روپے سے زاید کے فنڈز طلب کرلیے