’باادب بامراد‘: شاگردوں کا استاد کے لیے بے مثال احترام، گاڑی بطور تحفہ پیش کردی
اشاعت کی تاریخ: 12th, January 2026 GMT
خیبرپختونخوا کے ضلع دیر میں واقع اسکول کے سابق اور موجودہ شاگردوں کی جانب سے اپنے محبوب اور قابلِ احترام استاد ارشاد شاہین کو گاڑی بطور تحفہ پیش کرنے کے لیے ایک پُروقار اور یادگار تقریب کا انعقاد کیا گیا۔
اس تقریب میں سنہ 1990 سے لے کر 2025 تک کے مختلف بیچز سے تعلق رکھنے والے شاگردوں نے شرکت کی، جن میں وہ طلبہ بھی شامل تھے جو تعلیم مکمل کرنے کے بعد ملک کے مختلف شہروں اور بیرونِ ملک مقیم ہیں۔
مزید پڑھیں: استاد کبھی ریٹائر نہیں ہوتا‘، کوہاٹ کے مبشر الٰہی جو ریٹائرمنٹ کے بعد بھی روزانہ سکول آتے، بچوں کو مفت پڑھاتے ہیں
تقریب میں مقررین نے استاد اور شاگرد کے رشتے کی عظمت پر روشنی ڈالتے ہوئے کہاکہ ارشاد شاہین نہ صرف ایک بہترین معلم رہے ہیں بلکہ انہوں نے نسلوں کی فکری، اخلاقی اور تعلیمی تربیت میں نمایاں کردار ادا کیا ہے۔
شاگردوں کا کہنا تھا کہ یہ تحفہ کسی مالی حیثیت کی نمائش نہیں بلکہ اپنے استاد کے لیے محبت، احترام اور احسان مندی کا اظہار ہے۔
اس موقع پر شاگردوں نے باقاعدہ طور پر گاڑی کی چابیاں استاد ارشاد شاہین کے حوالے کیں تو محفل جذباتی مناظر کا منظر پیش کرنے لگی۔
استاد ارشاد شاہین نے اپنے تاثرات میں کہاکہ یہ ان کے لیے زندگی کا ایک ناقابلِ فراموش لمحہ ہے، اور شاگردوں کی یہ محبت ان کی تمام تر خدمات کا سب سے بڑا صلہ ہے۔
انہوں نے کہاکہ ایک استاد کی اصل کامیابی اس کے شاگردوں کی کردار سازی اور عملی زندگی میں کامیابی ہوتی ہے۔
تقریب کے آخر میں اساتذہ، معززین اور شاگردوں نے اس اقدام کو قابلِ تقلید قرار دیتے ہوئے کہاکہ ایسے مثبت اور تعمیری اقدامات معاشرے میں اساتذہ کے مقام کو مزید بلند کرتے ہیں اور نئی نسل کے لیے ایک روشن مثال قائم کرتے ہیں۔
مزید پڑھیں: ہری پور کا تاریخی گاؤں کوٹ نجیب اللہ، جہاں ہر گھر میں استاد ہیں
شرکا نے اس امید کا اظہار کیاکہ استاد اور شاگرد کے اس مقدس رشتے کی یہ مثال دیگر تعلیمی اداروں کے لیے بھی مشعلِ راہ ثابت ہوگی۔ مزید جانیے محمد اسلام کی اس ویڈیو رپورٹ میں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews استاد کے لیے بے مثال محبت دیر شاگرد گاڑی کا تحفہ وی نیوز.
ذریعہ
ذریعہ: WE News
کلیدی لفظ: استاد کے لیے بے مثال محبت شاگرد گاڑی کا تحفہ وی نیوز ارشاد شاہین کے لیے
پڑھیں:
چینی شہریوں کی سیکیورٹی کیلیے بلٹ پروف لینڈ کروزر خریدنے کا فیصلہ
اسلام آباد:حکومت نے چینی شہریوں کی سیکیورٹی کو مزید موثر بنانے کے لیے 95.049 ملین روپے (تقریباً 9 کروڑ 50 لاکھ روپے) مالیت کی نئی بلٹ پروف ٹویوٹا لینڈ کروزر خریدنے کا فیصلہ کیا ہے۔
یہ گاڑی چین پاکستان اقتصادی راہداری (سی پیک) سیکریٹریٹ کے استعمال کے لیے حاصل کی جائے گی تاکہ چینی وفود اور ماہرین کو محفوظ سفری سہولت فراہم کی جا سکے۔
وفاقی وزیر برائے منصوبہ بندی احسن اقبال کے مطابق چینی شہریوں کا تحفظ حکومتِ پاکستان کی اولین ذمے داری ہے اسی مقصد کے تحت یہ گاڑی خریدی جا رہی ہے۔
سرکاری دستاویزات کے مطابق یہ نئی لینڈ کروزر پہلے سے موجود بلٹ پروف گاڑیوں اور کم از کم 2ہیلی کاپٹروں کے علاوہ ہوگی، جنھیں مختلف سرکاری ادارے چینی شہریوں کی حفاظت کے لیے استعمال کر رہے ہیں یا خریدنے کے عمل میں ہیں۔
سی پیک سیکریٹریٹ نے موقف اختیار کیا کہ کابینہ ڈویژن کے محدود گاڑیوں کے بیڑے کے باعث مطلوبہ وقت پر بلٹ پروف گاڑیاں دستیاب نہیں ہوتیں، جس سے اہم سرکاری ملاقاتوں، غیر ملکی وفود کے دوروں اور اجلاسوں میں تاخیر یا بعض اوقات منسوخی کی نوبت آ جاتی ہے۔
دستاویزات کے مطابق نجی مارکیٹ سے کرائے پر بلٹ پروف گاڑیاں لینا نہ صرف غیر یقینی بلکہ انتہائی مہنگا بھی ثابت ہوتا ہے، جس سے قومی خزانے پر اضافی بوجھ پڑتا ہے۔حکومت نے پبلک پروکیورمنٹ ریگولیٹری اتھارٹی (PPRA) کے رول 42(c)(vii) کے تحت براہِ راست معاہدے کے ذریعے گاڑی خریدنے کا فیصلہ کیا ہے۔
3 ٹویوٹا ڈیلرز نے قیمتیں پیش کیں، جن میں،ٹویوٹا سینٹرل موٹرز: 95.049 ملین روپے،ٹویوٹا پورٹ قاسم: 95.25 ملین روپے،ٹویوٹا سوسائٹی: 95.45 ملین روپے ہے،حکومت نے سب سے کم بولی دینے والی ٹویوٹا سینٹرل موٹرز کی پیشکش منظور کر لی۔
سی پیک سیکریٹریٹ کے پاس گاڑی کی خریداری کے لیے مطلوبہ رقم موجود نہیں تھی، جس پر وزارتِ منصوبہ بندی نے مختلف منصوبوں سے 5 کروڑ 83 لاکھ روپے منتقل کرنے کا فیصلہ کیا۔
تاہم مالی سال کے اختتام تک ضروری منظوری نہ ملنے کے باعث آرڈر جاری نہ ہو سکا۔
وزارت نے یہ رقم مختلف منصوبوں سے فراہم کرنے کا انتظام کیا، جن میں،سینٹر فار ایکسی لینس برائے سی پیک سے 1 کروڑ 88 لاکھ روپیوفاقی ایس ڈی جیز پروگرام سے 91 لاکھ روپے،مانیٹرنگ اینڈ ایویلیوایشن منصوبے سے 1 کروڑ 10 لاکھ روپے،پالیسی ریسرچ گرانٹس پروگرام سے 1 کروڑ 60 لاکھ روپے ہے ،ان میں 62 لاکھ روپے وہ بھی شامل تھے جو کنٹریکٹ ملازمین کی ادائیگی کے لیے مختص تھے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا