ملکی سالمیت کیلئے فتنۃ الخوارج کے خاتمے تک آپریشن جاری رکھے جائیں: علماء کرام
اشاعت کی تاریخ: 12th, January 2026 GMT
لاہور (خصوصی نامہ نگار) دارالعلوم جامعہ نعیمیہ میں مفتی محمدحسین نعیمی اورڈاکٹرسرفراز نعیمی شہید کی یاد میں منعقدہ سالانہ’’مفتی اعظم پاکستان سیمینار‘‘ میں علماء کرام نے مطالبہ ہے کہ فتنہ خوراج کے خاتمے تک آپریشنز جاری رکھے جائیں۔ ملکی سالمیت، امن و امان اور ریاستی اداروں کی حفاظت کے لیے تمام ضروری اقدامات کیے جائیں۔ دہشت گرد عناصر اسلام اور پاکستان دونوں کے دشمن ہیں۔ علماء کرام نے خوارج کے نظریات کو گمراہ کن اور نوجوانوں کے لئے کو تباہ کن قرار دیتے ہوئے دینی مدارس اور علماء کو دعوت دی کہ وہ معاشرے میں فکری رہنمائی کا کردار ادا کریں۔ سیمینار سے چیئرمین اسلامی نظریاتی کونسل علامہ ڈاکٹر محمد راغب حسین نعیمی، پیر احسان حسیب الرحمان، سیکرٹری اوقاف ڈاکٹر محمد احسان بھٹہ، مفتی محمد رمضان سیالوی، ڈاکٹر طاہر رضا بخاری و دیگر رہنماؤں نے خطاب کیا۔ سیمینار میں شیخ الحدیث مفتی عبدالعلیم سیالوی، مفتی انورالقادی، مولانا غلام نصیرالدین چشتی، ڈاکٹر ارشد اقبال نعیمی، مفتی انتخاب احمد نوری، مفتی قیصر شہزاد نعیمی، سمیت مختلف تعلیمی اداروں کے سربراہان، اساتذہ، جامعہ نعیمیہ کے ساتذہ وطلبہ، نعیمین ایسوسی ایشن کے مرکزی صوبائی عہدیداوں سمیت اعوام الناس کی کثیر تعداد نے شرکت کی۔ سیمنیار سے خطبہ استقبالیہ دیتے ہوئے چیئرمین اسلامی نظریاتی کونسل علامہ ڈ اکٹر راغب حسین نعیمی نے کہا اسلام ایک پرامن دین ہے، اور اس کے نام پر خون ریزی کرنے والے خوارج اسلام کے دشمن ہیں۔ ریاست پاکستان ان کے خلاف جو آپریشن کر رہی ہے، ہم اس کی مکمل حمایت کرتے ہیں اور مطالبہ کرتے ہیں کہ یہ آپریشنز خوارج کے مکمل خاتمے تک جاری رہیں۔ ممبر اسلامی نظریاتی کونسل پیر احسان حسیب الرحمان نقشبندی نے کہاکہ فِتنہ الخوارج نے جہاد کے مقدس تصور کو مسخ کر کے مسلمانوں کے خلاف خونریزی کے جواز کے طور پر استعمال کیا ہے، سیکرٹری اوقاف ڈاکٹر احسان بھٹہ نے علماء کرام کومعاشرے میں قوم یکجہتی کے پیغام عام کرنا ہوگا۔ مفتی رمضان سیالوی نے کہاکہ دنیا کی بڑی طاقتیں کمزور ممالک کے وسائل پر قبضہ کرنا چاہتے ہیں۔ سمینار سے اختتام پر ملک وقوم کی سلامتی کیلئے خصوصی دعاکرائی گئی۔
.
ذریعہ
ذریعہ: Nawaiwaqt
کلیدی لفظ: علماء کرام
پڑھیں:
کراچی: نجی ایئر لائن کی حج پرواز جدہ سے 15 گھنٹے کی تاخیر سے پہنچ گئی
—فائل فوٹونجی ایئر لائن کی حج آپریشن کی پرواز پی کے 940 جدہ سے15 گھنٹے کی تاخیر سے کراچی پہنچ گئی۔
ایئر لائن ذرائع کے مطابق بوئنگ 777 طیارے میں 300 سے زائد حجاج پہنچے ہیں۔
قومی ایئر لائن پی آئی اے کے بعد از حج آپریشن کا آغاز آج سے ہو گیا۔
ذرائع نے بتایا ہے کہ طیارے کی عدم دستیابی کے باعث پرواز تاخیر کا شکار ہوئی ہے۔
ایئرلائن ذرائع کا یہ بھی کہنا ہے کہ نجی ایئر لائن کا یہ حج آپریشن 30 جون کو اختتام پزیر ہو گا۔
وزارت آئی ٹی نے 1.67 ارب روپے سے زاید کے فنڈز طلب کرلیے