فلم دھرندھر کے ہٹ گانے کے بعد گلوکار فلپراچی کب اور کہاں لائیو پرفارم کریں گے؟
اشاعت کی تاریخ: 12th, January 2026 GMT
بحرین میں مقیم معروف سنگر اور پروڈیوسر فلپراچی، جنہوں نے فلم دھرندھر کے مقبول گانے FA9LA کے ذریعے بھارت میں زبردست شہرت حاصل کی پہلی بار بھارت میں لائیو پرفارمنس دینے جا رہے ہیں۔ ان کا پہلا شو 14 مارچ 2026 کو بنگلورو میں منعقد ہوگا۔
فلپراچی کا اصل نام حسام عاصم ہے۔ بنگلورو میں منعقد ہونے والے UN40 میوزک فیسٹیول میں پرفارم کریں گے۔ اس حوالے سے اعلان ریپر کے آفیشل انسٹاگرام اکاؤنٹ پر کیا گیا جہاں انہوں نے اپنے بھارتی مداحوں کے ساتھ یہ خوشخبری شیئر کی۔
یہ بھی پڑھیں: تنقید کے باوجود بھارتی فلم ’دھرندر‘ کی کامیابی، ایجنڈا کیا ہے؟
انسٹاگرام پوسٹ کے مطابق بھارت میں پہلے شو کی تاریخ کا اعلان کر دیا گیا ہے۔ جس میں بتایا گیا ہے کہ ہم 14 مارچ کو بنگلورو میں پرفارم کرنے کے لیے بے حد پرجوش ہیں۔ مزید شہروں کی تاریخوں کا اعلان جلد کیا جائے گا۔
View this post on Instagram
A post shared by UN40 – Music & Beyond (@un40fam)
پوسٹ میں یہ بھی عندیہ دیا گیا ہے کہ فلپراچی جلد ہی بھارت کے دیگر شہروں میں بھی پرفارم کرنے کا اعلان کریں گے جبکہ بھارت میں بکنگ کے لیے ایک خصوصی مینجمنٹ ٹیم مقرر کی گئی ہے۔
واضح رہے کہ فلپراچی کو بھارت میں اس وقت غیر معمولی مقبولیت حاصل ہوئی جب ان کا گانا FA9LA ہدایت کار آدتیہ دھر کی فلم دھرندھر میں شامل کیا گیا۔ یہ گانا فلم میں اداکار اکشے کھنہ کے ایک اہم منظر کے دوران بطور بیک گراؤنڈ اسکور استعمال ہوا جسے شائقین کی جانب سے بے حد سراہا گیا۔
View this post on Instagram
A post shared by Tridip Dowarah (@tridipdowarah01)
یہ گانا گزشتہ سال ریلیز ہوا تھا اور یوٹیوب پر 70 لاکھ سے زائد ویوز حاصل کر چکا ہے جبکہ انسٹاگرام ریلز اور یوٹیوب شارٹس پر بھی یہ ٹریک وسیع پیمانے پر وائرل ہوا۔
حال ہی میں ایک انٹرویو کے دوران فلپراچی نے عندیہ دیا کہ ان کا ایک اور گانا فلم دھرندھر 2 کا حصہ بن سکتا ہے، تاہم انہوں نے اس حوالے سے مزید تفصیلات ظاہر نہیں کیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اکشے کھنہ انڈیا میں کانسرٹ دھرندر گانے فلپراچی فلپراچی انڈیا فلپراچی کانسرٹ فلم دھرندر.
ذریعہ
ذریعہ: WE News
کلیدی لفظ: اکشے کھنہ انڈیا میں کانسرٹ دھرندر گانے فلپراچی فلپراچی کانسرٹ فلم دھرندر فلم دھرندھر بھارت میں
پڑھیں:
اے جی پی آر کا کلیمز جمع کرانے کی آخری تاریخ کا اعلان
تصویر، فیس بکاکاؤنٹنٹ جنرل آف پاکستان ریونیو (اے جی پی آر) نے مالی سال 26-2025 کی ادائیگیوں کے کلیمز جمع کرانے کی آخری تاریخ کا اعلان کردیا۔
اے جی پی آر کے اعلامیے کے مطابق تمام ڈرائینگ اور ڈسبرسنگ آفیسرز کو حالیہ کلیمز 12 جون تک جمع کرانا ہوں گے۔
اعلامیے کے مطابق 12 جون 2026ء تک جاری کردہ ٹوکنز پر تمام غیرمنظور شدہ بلوں کو دوبارہ جمع کرانے کی تاریخ 15 جون ہوگی۔
اعلامیے کے مطابق اے جی پی آر اسلام آباد اور ذیلی دفاتر کےاسائنمنٹ اکاؤنٹس کےلیے ریلیز جمع کرانے کی آخری تاریخ 19 جون ہوگی۔
اے جی پی آر کے اعلامیے کے مطابق 12 جون 2026ء کے بعد اعزازیہ کا کوئی کلیم قبول نہیں کیا جائے گا۔ موجودہ مالی سال سے متعلق تنخواہ کے چیک رواں مالی سال کے اختتام پر زائد المعیاد ہوجائیں گے۔
اے جی پی آر کے اعلامیے کے مطابق 30 جون 2026ء کے بعد موجودہ مالی سال کےلیے کوئی متبادل چیک جاری نہیں کیا جائے گا۔
وزارت آئی ٹی نے 1.67 ارب روپے سے زاید کے فنڈز طلب کرلیے