امریکی صدر ڈونلڈ ٹرمپ نے خود کو ’وینزویلا کا عبوری صدر‘ قرار دے دیا
اشاعت کی تاریخ: 12th, January 2026 GMT
امریکی صدر ڈونلڈ ٹرمپ نے اتوار کے روز اپنے سوشل میڈیا پلیٹ فارم سوشل ٹروتھ پر ایک تصویر پوسٹ کی جس میں انہوں نے خود کو ’وینزویلا کا عبوری صدر’ قرار دیا ہے۔
پوسٹ میں ان کے ساتھ سرکاری پورٹریٹ اور عہدے کے نیچے ‘جنوری 2026’ بھی درج ہے۔
یہ بھی پڑھیے: وینزویلا پر دوسرا حملہ منسوخ کردیا، تیل میں 100 ارب ڈالر کی سرمایہ کاری کریں گے، ڈونلڈ ٹرمپ
اس وقت تک، وینزویلا کی حکومت کی جانب سے ٹرمپ کی پوسٹ پر کوئی سرکاری ردعمل سامنے نہیں آیا۔ پوسٹ میں دکھائی گئی تصویر ویکیپیڈیا کے صفحے سے مشابہت رکھتی ہے اور اس میں ٹرمپ کو امریکی صدر کے 45ویں اور 47ویں عہدے پر دکھایا گیا ہے جبکہ نائب صدر کے طور پر جے ڈی وینسکو نامزد کیا گیا ہے۔
Trump posts he's Acting President of Venezuela pic.
— RT (@RT_com) January 12, 2026
نیویارک کی میڈیا کمپنی میڈیا آئی ٹی ای نے اس پوسٹ کو کور کرتے ہوئے لکھا کہ ٹرمپ نے فاکس نیوز کے پروگرامر شان ہینیٹی کو بتایا کہ وہ وینزویلا میں آخرکار انتخابات ہونے دیں گے، لیکن پہلے ‘ہم تیل اور توانائی کے ڈھانچے کو دوبارہ تعمیر کریں گے۔’
امریکا نے جمعہ کو ایک ایگزیکٹو آرڈر پر دستخط کیے تھے جس میں ایک قومی ہنگامی صورتحال کا اعلان کیا گیا تاکہ وینزویلا کے تیل سے حاصل ہونے والی آمدنی امریکی خزانے میں محفوظ رکھی جا سکے اور اسے ‘امریکی خارجہ پالیسی کے مقاصد کے لیے’ استعمال کیا جا سکے۔
یہ بھی پڑھیے: ٹرمپ بے قابو، وینزویلا کے بعد کس کا نمبر ہے؟
امریکی افواج نے 3 جنوری کو وینزویلا پر بڑی کارروائی کی اور صدر نکولس مادورو اور ان کی اہلیہ کو گرفتار کر لیا۔ اس کے بعد ٹرمپ نے فلوریڈا کے اپنے پرائیویٹ کلب مارا لاگو میں پریس کانفرنس میں کہا کہ امریکا وینزویلا کو چلائے گا۔
سوشل میڈیا صارفین نے اس پوسٹ پر شدید ردعمل دیا۔ جیوپولیٹیکل مصنف شنکا انسلم پیریرا نے ایک پوسٹ میں لکھا کہ ‘248 سال کی امریکی تاریخ میں، کسی صدر نے کبھی کسی غیر ملکی ملک پر سرکاری اختیار کا اعلان نہیں کیا’۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا ڈونلڈ ٹرمپ صدر وینزویلا
ذریعہ
ذریعہ: WE News
کلیدی لفظ: امریکا ڈونلڈ ٹرمپ وینزویلا ڈونلڈ ٹرمپ
پڑھیں:
سینیٹ قائمہ کمیٹی کا بڑا فیصلہ، پرنٹ میڈیا کے معاملات صرف پریس کونسل میں سنے جائیں گے
اسلام آباد: سینیٹ کی قائمہ کمیٹی برائے اطلاعات و نشریات کے اجلاس میں پرنٹ میڈیا سے متعلق شکایات اور اخبارات میں شائع ہونے والی خبروں اور کالمز پر کارروائی کے اختیار کا معاملہ زیر بحث آیا، جہاں سینئر صحافی طارق محمود سمیر نے اپنا مؤقف پیش کرتے ہوئے اہم قانونی نکات اٹھائے۔
اجلاس کے دوران طارق محمود سمیر نے کہا کہ لاہور سے شائع ہونے والے روزنامہ نئی بات میں بیوروکریسی سے متعلق شائع ہونے والے ایک کالم کی بنیاد پر کالم نگار توفیق بٹ اور اخبار کے ایڈیٹر کو نیشنل سائبر کرائم انویسٹی گیشن ایجنسی (این سی سی آئی) کی جانب سے جاری کیا گیا نوٹس واپس لیا جانا چاہیے۔انہوں نے قائمہ کمیٹی کو تجویز دی کہ اس معاملے کو متعلقہ فورم یعنی پریس کونسل آف پاکستان کو بھجوایا جائے، کیونکہ قانون کے مطابق پرنٹ میڈیا سے متعلق شکایات اور تنازعات کا جائزہ لینے کا اختیار صرف پریس کونسل کے پاس ہے۔سینیٹ کی قائمہ کمیٹی نے سینئر صحافی طارق محمود سمیر کی اس تجویز سے متفقہ طور پر اتفاق کرتے ہوئے ہدایت جاری کی کہ مذکورہ معاملہ پریس کونسل آف پاکستان کو بھجوایا جائے تاکہ قانون کے مطابق کارروائی عمل میں لائی جا سکے۔
کمیٹی نے اس موقع پر واضح کیا کہ پرنٹ میڈیا سے متعلق کسی بھی قسم کے معاملات یا شکایات نہ تو پیمرا کے دائرہ اختیار میں آتی ہیں اور نہ ہی این سی سی آئی ایسے معاملات میں براہ راست نوٹس لینے کا مجاز ہے۔ کمیٹی کے مطابق اخبارات میں شائع ہونے والی خبروں، مضامین اور کالمز سے متعلق شکایات صرف پریس کونسل آف پاکستان کے سامنے ہی پیش کی جا سکتی ہیں۔اجلاس میں یہ بھی یاد دلایا گیا کہ پرنٹ میڈیا سے متعلق قانون سازی کے دوران وفاقی حکومت نے قومی اسمبلی میں واضح یقین دہانی کرائی تھی کہ اخبارات اور پرنٹ میڈیا کے معاملات کا واحد مجاز ادارہ پریس کونسل آف پاکستان ہوگا، اور اسی فورم پر شکایات درج کرائی جا سکیں گی۔
قائمہ کمیٹی نے اس مؤقف کو دہراتے ہوئے متعلقہ اداروں پر زور دیا کہ آئندہ بھی پرنٹ میڈیا سے متعلق تمام معاملات قانون کے مطابق صرف پریس کونسل آف پاکستان کے ذریعے ہی نمٹائے جائیں تاکہ آئینی اور قانونی دائرہ اختیار برقرار رہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار