این ایف سی ایوارڈ میں آبادی کا معیار اصلاح طلب ہے، احسن اقبال کی نشاندہی
اشاعت کی تاریخ: 12th, January 2026 GMT
وفاقی وزیر برائے منصوبہ بندی احسن اقبال نے نیشنل فائنانس کمیشن یعنی این ایف سی ایوارڈ میں ایک بنیادی خامی کی نشاندہی کی ہے۔
انہوں نے خبردار کیا ہے کہ وسائل کی تقسیم میں آبادی کو مرکزی معیار بنانا آبادی میں کمی کی حوصلہ شکنی کرتا ہے۔
یہ بھی پڑھیں:
وزیر منصوبہ بندی کے مطابق، اس بگاڑ پر سنجیدہ بحث اور اصلاح کی ضرورت ہے، کیونکہ زیادہ آبادی والے صوبوں کو زیادہ وسائل ملتے ہیں۔
پیر کو جاری کردہ ایک ویڈیو پیغام میں وفاقی وزیر نے بتایا کہ 2023 میں ہونے والی پاکستان کی پہلی ڈیجیٹل مردم شماری سے کئی اہم حقائق سامنے آئے ہیں۔
63% literacy; 25 million children out of school, reports 7th Digital Census
That’s why the Government has declared an Education Emergency, says Planning Minister
From curriculum reform to teacher training and exam reform; Pakistan is overhauling its education system.
— Ministry of Planning and Development (@PlanComPakistan) January 12, 2026
وزیر منصوبہ بندی کے مطابق بعض حقائق حوصلہ افزا جبکہ بعض تشویشناک ہیں۔
احسن اقبال کے مطابق حالیہ مردم شماری کے نتائج سے ظاہر ہوتا ہے کہ ملک کی آبادی میں اضافے کی شرح گزشتہ مردم شماری میں 2.4 فیصد سے بڑھ کر 2.55 فیصد ہو گئی ہے۔
انہوں نے کہا کہ پاکستان دنیا کے تیزی سے بڑھتی آبادی والے ممالک میں شامل ہو چکا ہے، جو باعثِ تشویش ہے، کیونکہ اس سطح کی شرحِ نمو عموماً افریقہ کے کم ترقی یافتہ ممالک میں دیکھی جاتی ہے۔
مزید پڑھیں:
احسن اقبال کا کہنا تھا کہ معاشی ترقی کا براہِ راست تعلق آبادی میں اضافے سے ہے، اور تیز رفتار آبادی میں اضافہ وسائل پر دباؤ ڈالنے کے ساتھ ساتھ انسانی ترقی کو بھی متاثر کرتا ہے۔
’اس سے ایسی نسل پیدا ہونے کا خدشہ ہے جو تعلیم اور مہارتوں کے لحاظ سے مسائل کا شکار ہو۔‘
انہوں نے کہا کہ یہ ایک بڑا قومی چیلنج ہے، جس سے نمٹنے کے لیے حکومت آبادی کی منصوبہ بندی کے حوالے سے قومی سطح پر کوششیں کر رہی ہے۔
مزید پڑھیں:
احسن اقبال نے واضح کیا کہ آبادی صوبائی معاملہ ہے، اس لیے وفاق اور صوبوں کے درمیان مؤثر ہم آہنگی ناگزیر ہے۔
وفاقی وزیر نے این ایف سی ایوارڈ کا حوالہ دیتے ہوئے کہا کہ اس وقت وسائل کا 82 فیصد حصہ آبادی کی بنیاد پر تقسیم کیا جاتا ہے۔
ان کے بقول اگر ہر صوبے کو اس کی آبادی کے مطابق حصہ ملے تو پھر کسی صوبے کے پاس آبادی کم کرنے کی کیا ترغیب باقی رہتی ہے۔
مزید پڑھیں:
ان کا مؤقف تھا کہ اس صورتحال میں صوبے زیادہ وسائل کے حصول کے لیے آبادی بڑھانے میں دلچسپی رکھتے ہیں، جو این ایف سی ایوارڈ کے نظام میں ایک واضح بگاڑ ہے جس پر بحث ہونی چاہیے۔
احسن اقبال نے خبردار کیا کہ پاکستان کی آبادی 24 کروڑ تک پہنچ چکی ہے اور اگر یہی رفتار برقرار رہی تو 2050 تک آبادی تقریباً 40 کروڑ تک پہنچ سکتی ہے، جو ملک کے لیے ایک بہت بڑا چیلنج ہو گا۔
ادھر این ایف سی کمیشن کے 4 دسمبر کو ہونے والے پہلے اجلاس میں آئندہ این ایف سی ایوارڈ کے مختلف پہلوؤں پر غور کے لیے متعدد ورکنگ گروپس قائم کرنے کا فیصلہ کیا گیا تھا۔
مزید پڑھیں:
کمیشن کا اگلا اجلاس عارضی طور پر 8 یا 15 جنوری کو بلانے کا منصوبہ تھا، تاہم ذرائع کے مطابق ورکنگ گروپس کی پیش رفت اب تک محدود رہی ہے، جس کے باعث طے شدہ مدت میں سفارشات کو حتمی شکل دینا مشکل دکھائی دیتا ہے۔
ذرائع نے بتایا کہ ابتدائی رپورٹس مکمل نہ ہونے کے باعث این ایف سی کمیشن کا آئندہ اجلاس مؤخر کیے جانے کا خدشہ ہے۔
مزید پڑھیں:
این ایف سی کا بنیادی مقصد وفاق اور صوبوں کے درمیان مالی وسائل کی تقسیم پر اتفاقِ رائے پیدا کرنا ہے، جو ایک تکنیکی طور پر پیچیدہ عمل ہے اور اس میں تفصیلی تجزیے اور مختلف فریقین کے درمیان مذاکرات شامل ہوتے ہیں۔
کسی بھی تاخیر سے آئندہ این ایف سی ایوارڈ پر مشاورت کا عمل مزید طول پکڑ سکتا ہے، جو وفاقی اور صوبائی مالی منصوبہ بندی کے لیے نہایت اہم ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آبادی احسن اقبال این ایف سی ایوارڈ پاکستان شرح نمو مالی وسائل مشاورت نیشنل فائنانس کمیشن وزیر منصوبہ بندی
ذریعہ
ذریعہ: WE News
کلیدی لفظ: احسن اقبال این ایف سی ایوارڈ پاکستان مالی وسائل مشاورت نیشنل فائنانس کمیشن ایف سی ایوارڈ منصوبہ بندی کے مزید پڑھیں احسن اقبال کے مطابق کے لیے
پڑھیں:
مومنہ اقبال کے شوہر کون، تفصیلات سامنے آگئیں
پاکستانی اداکارہ مومنہ اقبال کے شوہر حمزہ حبیب کی تفصیلات سامنے آگئی ہیں۔ پاکستان کے مقبول ڈراموں میں اداکاری کے جوہر دکھانے والی مومنہ اقبال حال ہی میں رشتہ ازدواج میں منسلک ہوئی ہیں۔ لاہور میں ان کی دعائے خیر ، مہندی ، مایوں اور نکاح کی تقریبات منعقد ہو چکی ہیں جن کی تصاویر اور ویڈیوز سوشل میڈیا پر خوب وائرل ہیں۔ میڈیا رپورٹس کے مطابق مومنہ اقبال کے دلہا حمزہ حبیب کا تعلق لاہور سے ہے، وہ کامیاب اور مالی طور پر مستحکم کاروباری شخصیت ہیں تاہم وہ ہمیشہ میڈیا کی نظروں سے دور رہے۔ حالیہ دنوں میں مومنہ اقبال کو (ن ) لیگی ایم پی اے ثاقب چدھڑ کی جانب سے مبینہ ہراسانی اور دھمکیوں کے معاملے پر حمزہ حبیب اپنی اہلیہ کی حمایت میں سامنے آنے کے بعد خبروں کا مرکز بن گئے۔ حمزہ حبیب کے مطابق ان کی اور مومنہ اقبال کی منگنی خاندانوں کی باہمی رضامندی سے ہوئی جب کہ دونوں خاندانوں کے درمیان دیرینہ دوستانہ تعلقات بھی ہیں۔ جوڑے نے مئی 2026 کے آخر میں ایک نجی تقریب میں نکاح کیا تھا۔ اس سے قبل اداکارہ مومنہ اقبال نے اپنی سوشل میڈیا سٹوری کے ذریعے انکشاف کیا تھا کہ ایک بااثر سیاسی شخصیت کی جانب سے انہیں اور ان کی فیملی کو جان سے مارنے کی دھمکیاں دی جارہی ہیں۔ جس پر نیشنل سائبر کرائم انویسٹی گیشن ایجنسی اپنی تحقیقات کررہی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ