ٹرمپ کا گرین لینڈ پر ممکنہ حملے کی منصوبہ بندی کا حکم
اشاعت کی تاریخ: 12th, January 2026 GMT
واشنگٹن اور اتحادی ممالک میں تشویش ، جوائنٹ چیفس آف اسٹاف کی اس اقدام کی مخالفت
کانگریس ایسے کسی اقدام کی حمایت نہیں کرے گی،نیٹو اتحاد کے مستقبل پر سوالات اٹھ سکتے ہیں
برطانوی میڈیا نے دعویٰ کیا ہے کہ امریکی صدر ڈونلڈ ٹرمپ نے گرین لینڈ حملہ سے متعلق فوجی منصوبہ تیار کرنے کے احکامات جاری کر دیے ہیں، جس پر واشنگٹن اور اتحادی ممالک میں تشویش بڑھ گئی ہے۔رپورٹ کے مطابق صدر ٹرمپ نے جوائنٹ اسپیشل آپریشنز کمانڈ کو گرین لینڈ پر ممکنہ حملے کی منصوبہ بندی کی ہدایت دی، تاہم جوائنٹ چیفس آف اسٹاف نے اس اقدام کی مخالفت کرتے ہوئے اسے غیرقانونی قرار دیا ہے۔ فوجی قیادت کے مطابق کانگریس بھی ایسے کسی اقدام کی حمایت نہیں کرے گی۔برطانوی اخبار کے مطابق صدر ٹرمپ کے مشیر اسٹیفن ملر اور چند دیگر اعلیٰ اہلکار اس منصوبے کے حامی ہیں، جنہیں وینزویلا کے خلاف حالیہ امریکی کارروائیوں کے بعد مزید اعتماد حاصل ہوا ہے۔رپورٹ میں دعویٰ کیا گیا ہے کہ صدر ٹرمپ اس اقدام کے ذریعے امریکی معیشت کو درپیش مسائل سے عوام کی توجہ ہٹانا چاہتے ہیں، جبکہ مڈٹرم انتخابات سے قبل کسی بڑے عالمی تنازع کے ذریعے ووٹرز کو متحرک کرنا بھی ان کے اہداف میں شامل ہو سکتا ہے۔برطانوی میڈیا کے مطابق اگر گرین لینڈ حملہ عملی شکل اختیار کرتا ہے تو یہ برطانیہ اور امریکا کے تعلقات میں شدید تناؤ کا باعث بن سکتا ہے اور نیٹو اتحاد کے مستقبل پر بھی سوالات اٹھ سکتے ہیں۔یاد رہے کہ صدر ٹرمپ نے گزشتہ روز صحافیوں سے گفتگو میں کہا تھا کہ امریکا کو گرین لینڈ کا مالک ہونا چاہیے تاکہ روس یا چین وہاں اثر و رسوخ قائم نہ کر سکیں۔
.
ذریعہ
ذریعہ: Juraat
کلیدی لفظ: گرین لینڈ اقدام کی کے مطابق
پڑھیں:
مستونگ: سیشن جج اور گن مین قاتلانہ حملے میں شہید، ایڈیشنل سیشن جج شدید زخمی
ویب ڈیسک : مستونگ میں ہونے والے قاتلانہ حملے میں سیشن جج مستونگ عبدالحکیم کاکڑ اور گن مین شہید ہو گئے جبکہ ایڈیشنل سیشن جج طارق لاشاری شدید زخمی ہوئے۔
حکومت بلوچستان نے مستونگ حملے کی شدید مذمت کرتے ہوئے دہشت گردوں کے خلاف فیصلہ کن کارروائی کا حکم دے دیاہے۔ معاون وزیر اعلیٰ بلوچستان شاہد رند کا کہنا ہے کہ سیشن جج عبدالحکیم کاکڑ اور ان کے گن مین کی شہادت انتہائی افسوسناک اور قابلِ مذمت ہے۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
معاون وزیر اعلیٰ بلوچستان شاہد رند کے مطابق وکلاء اور ججز کو نشانہ بنانا ایک گہری سازش کا حصہ ہے،دہشت گردوں اور ان کے سہولت کاروں کو کسی صورت نہیں چھوڑا جائے گا۔
وزیراعلیٰ بلوچستان سرفراز بگٹی نے مستونگ حملے میں زخمی ایڈیشنل سیشن جج طارق لاشاری سے رابطہ کرکے ان کی خیریت دریافت کی اوران کی مکمل صحت یابی کے لیے نیک تمناؤں کا اظہار کیاہے۔
وزیراعلیٰ بلوچستان میر سرفراز بگٹی نے زخمی ایڈیشنل سیشن جج سے گفتگو کرتے ہوئے کہاکہ قانون کے محافظوں پر حملہ ناقابل برداشت ہے، ملوث عناصر کو کیفر کردار تک پہنچایا جائے گا،حکومت عدلیہ اور قانون نافذ کرنے والے اداروں کے ساتھ ہر قدم پر کھڑی ہے۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی