سابق فرانسیسی فٹبالر اور کوچ 72 برس کی عمر میں انتقال کر گئے
اشاعت کی تاریخ: 12th, January 2026 GMT
سابق فرانسیسی فٹبالر، کوچ اور معروف میڈیا کمنٹیٹر رولان کوربس 72 برس کی عمر میں انتقال کر گئے۔
غیر ملکی خبر ایجنسی کے مطابق سابق فرانسیسی فٹبالر رولان کوربس کے ایمپلائیر نے پیر کے روز ان کے انتقال کی تصدیق کی، تاہم موت کی وجہ سے متعلق مزید تفصیلات فراہم نہیں کی گئیں۔
مارسیلی میں پیدا ہونے والے رولان کوربس نے اپنی پوری زندگی فٹبال کے لیے وقف کر دی اور فرانسیسی اسپورٹس میڈیا کی سب سے نمایاں آوازوں میں شمار ہوتے رہے۔ بطور ڈیفنڈر انہوں نے اولمپک مارسیلی، اے سی اجاکسیو، اولمپک لیون اور اے ایس موناکو سمیت متعدد کلبوں کی نمائندگی کی۔
کھیل سے ریٹائرمنٹ کے بعد کوربس نے کوچنگ کے شعبے میں قدم رکھا اور بورڈو، مونٹ پیلیئر، رینس، اجاکسیو اور مارسیلی جیسے بڑے کلبوں کے ساتھ کام کیا۔ بطور کوچ ان کی سب سے نمایاں کامیابی 1999 میں مارسیلی کو یوئیفا کپ فائنل تک پہنچانا رہی۔
میڈیا میں بطور کمنٹیٹر رولان کوربس اپنی بے باک گفتگو، منفرد لہجے اور شائقین سے قریبی رابطے کے باعث خاص پہچان رکھتے تھے۔ ان کے انتقال سے فرانسیسی فٹبال کمیونٹی اور اسپورٹس میڈیا ایک نمایاں شخصیت سے محروم ہو گیا۔
.
ذریعہ
ذریعہ: Express News
کلیدی لفظ: رولان کوربس
پڑھیں:
آزاد کشمیر الیکشن کے حوالے سے میڈیا کیلیے ضابطہ اخلاق جاری
الیکشن کمیشن آزاد کشمیر نے انتخابات 2026 کے لیے نیا میڈیا ضابطہ اخلاق جاری کر دیا، پالیسی کا مقصد انتخابی عمل میں شفافیت، غیرجانبداری اور ذمہ دارانہ صحافتی روایات کو یقینی بنانا ہے۔
الیکشن کمیشن کے مطابق تمام میڈیا اداروں کو ہدایت کی گئی ہے کہ وہ انتخابی کوریج کے دوران مکمل غیرجانبداری کا مظاہرہ کریں اور ضابطہ اخلاق پر سختی سے عمل درآمد کریں۔
اعلامیے میں کہا گیا ہے کہ پولنگ اسٹیشن کے اندر صرف مجاز میڈیا نمائندوں کو کوریج کی اجازت ہوگی تاہم پولنگ بوتھ کے اندر ووٹنگ کی خفیہ کارروائی کی کسی بھی قسم کی ریکارڈنگ یا فوٹوگرافی سختی سے ممنوع ہوگی۔
الیکشن کمیشن نے پولنگ ختم ہونے سے قبل کسی بھی قسم کے ایگزٹ پول، نتائج یا رجحانات نشر کرنے پر مکمل پابندی عائد کر دی ہے۔ نفرت انگیز، اشتعال انگیز یا فرقہ وارانہ مواد نشر کرنے سے گریز کرنے کی تاکید کی ہے۔
اسی طرح غلط، غیر مصدقہ یا گمراہ کن معلومات نشر کرنا بھی ممنوع قرار دیا گیا۔تمام امیدواروں کو انتخابی کوریج میں مساوی اور منصفانہ نمائندگی دینے کی ہدایت کی گئی ہے۔
الیکشن کمیشن نے واضح کیا ہے کہ ضابطہ اخلاق کی خلاف ورزی پر متعلقہ میڈیا ادارے کی ایکریڈیٹیشن منسوخ کی جا سکتی ہے اور قانونی کارروائی بھی عمل میں لائی جائے گی۔
کمیشن نے تمام میڈیا اداروں سے اپیل کی ہے کہ وہ انتخابی ضابطہ اخلاق پر مکمل عمل درآمد یقینی بنائیں تاکہ انتخابی عمل کے اعتماد اور شفافیت کو برقرار رکھا جا سکے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار