سیکیورٹی نے عامر خان کو اپنے ہی دفتر سے باہر کیوں نکال دیا؟
اشاعت کی تاریخ: 13th, January 2026 GMT
معروف کامیڈین و اداکار سنیل گروور جو حال ہی میں دی گریٹ انڈین کپل شو میں عامر خان کی شاندار نقالی کرنے پر وائرل ہوئے تھے۔ ایک بار پھر اپنی بے مثال نقالی کے باعث سوشل میڈیا پر چھا گئے ہیں۔
حال ہی میں جاری ہونے والی فلم ہیپی پٹیل کے پروموشنل ویڈیو میں ایک مزاحیہ منظر دکھایا گیا ہے جس میں سنیل گروور بالی ووڈ اداکار عامر خان کی ایسی جاندار نقل کرتے نظر آتے ہیں کہ خود عامر خان بھی پہچانے نہیں جاتے اور سیکیورٹی انہیں اپنے ہی دفتر سے باہر نکال دیتی ہے۔
ویڈیو کا آغاز اس وقت ہوتا ہے جب اداکار و ہدایتکار ویر داس عامر خان کے دفتر میں داخل ہوتے ہیں۔ دفتر کے اندر سنیل گروور، عامر خان کے لباس اور انداز میں مکمل طور پر کردار میں ڈوبے نظر آتے ہیں۔ ابتدا میں ویر داس کو شبہ ہوتا ہے تاہم سنیل گروور کی نقالی اس قدر متاثر کن ہوتی ہے کہ وہ انہیں ہی عامر خان سمجھ لیتے ہیں۔
سنیل گروور مسٹر پرفیکشنسٹ عامر خان بن کر ویر داس کی فلم ہیپی پٹیل کی تعریف کرتے ہیں جو ویر داس کی بطور ہدایتکار پہلی فلم ہے۔ وہ نہ صرف ویر داس کو بونس کا چیک دیتے ہیں بلکہ فلم کے سیکوئل کے لیے بھی حوصلہ افزائی کرتے ہوئے پراعتماد انداز میں فلم کی کامیابی کی پیش گوئی کرتے ہوئے کہتے ہیں کہ ’مجھے تم پر بہت فخر ہے۔ تم نے کیا زبردست فلم بنائی ہے‘۔
یہ بھی پڑھیں: عامر خان کی نقالی، کامیڈین سنیل گروور کی ویڈیو پر اداکار کا ردعمل بھی سامنے آگیا
انہوں نے کہا کہ ’یہ میرا تجربہ ہے۔ اگر فلم سپر ہٹ نہ ہوئی تو میرا نام عامر خان نہیں۔ اسے آسکر ملے گا۔ یہ لو سیکوئل کا چیک‘۔
اسی دوران اصل عامر خان دفتر میں داخل ہوتے ہیں اور سنیل گروور کو اپنی نقالی کرتے دیکھ کر سخت برہم ہو جاتے ہیں اور پوچھتے ہیں ’یہ کون ہے‘۔ تاہم ویر داس اصل عامر خان کو پہچاننے میں ناکام رہتے ہیں اور الٹا انہیں سنیل گروور قرار دے دیتے ہیں۔ صورتحال اس وقت مزید دلچسپ ہو جاتی ہے جب سیکیورٹی اہلکار بھی دھوکے کا شکار ہو کر اصل عامر خان کو ہی دفتر سے باہر نکال دیتے ہیں جبکہ جعلی عامر (سنیل گروور) دفتر میں موجود رہتے ہیں۔
یہ بھی پڑھیں: ’میرا بوائے فرینڈ نہیں رہا، یہ کام کیسے کر سکتی ہوں‘، ایشوریہ رائے کا عامر خان کے ساتھ اشتہار سے انکار
واضح رہے کہ سنیل گروور اس سے قبل بھی دی گریٹ انڈین کپل شو میں عامر خان کی نقالی کر کے خوب داد سمیٹ چکے ہیں۔ اس نقالی پر خود عامر خان نے بھی کھل کر تعریف کی تھی۔ ایک انٹرویو میں عامر خان کا کہنا تھا کہ سنیل گروور کی اداکاری اتنی حقیقی تھی کہ انہیں ایسا محسوس ہوا جیسے وہ خود کو دیکھ رہے ہوں۔ انہوں نے اعتراف کیا کہ اس پرفارمنس نے انہیں بے حد محظوظ کیا۔
سنیل گروور اپنی شاندار مزاحیہ صلاحیتوں اور بالی ووڈ ستاروں، خصوصاً عامر خان اور شاہ رخ خان کی نقالی کے باعث اکثر سوشل میڈیا پر وائرل ہوتے رہتے ہیں، اور ان کا یہ نیا ویڈیو بھی ناظرین میں بے حد مقبول ہو رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بالی ووڈ سنیل گروور عامر خان عامر خان نقالی عامر خان ویڈیو وائرل کپل شرما شو.
ذریعہ
ذریعہ: WE News
کلیدی لفظ: بالی ووڈ سنیل گروور عامر خان نقالی عامر خان ویڈیو وائرل کپل شرما شو عامر خان کی سنیل گروور کی نقالی ویر داس
پڑھیں:
پاسداران انقلاب کی برطانیہ کو امریکا کی مدد پر فوجی بیسز نشانہ بنانے کی دھمکی
ایرانی پاسداران انقلاب نے برطانیہ کو دھکمی دی ہے کہ اگر ایران پر امریکا اور اسرائیل کے حملوں میں ملوث ہوئے تو جارحیت کے استعمال ہونے والے کسی بھی بیس پر ہمارے حملے جائز ہوں گے اور برطانیہ کو اپنے ماضی کو مزید خراب نہ کرے۔
ایرانی میڈیا کی رپورٹ کے مطابق پاسداران انقلاب نے بیان میں کہا کہ برطانیہ نے ایران پر حالیہ امریکا اور اسرائیل کے حملوں میں بڑا کردار ادا کیا ہے لہٰذا ہم برطانوی حکومت جو ہمارے خطے کے لوگوں کی تقدیر خراب کرنے کی بنیادی وجہ ہے، کو تنبیہ کر رہے ہیں کہ وہ اپنے ماضی پر مزید بوجھ مت ڈالیں۔
پاسداران انقلاب نے کہا کہ امریکی بحری فورسز بحیریہ ہند میں فعال ہے مگر ان کے کروز میزائل کا ذخیرہ ختم ہوگیا ہے اور اسی لیے وہ انگلینڈ آر اے ایف فیئرفورڈ سے بی ون بمبار استعمال کرنا شروع کردیا ہے۔
بیان میں کہا گیا کہ حملہ آور امریکی فوج جنگ کے آغاز کے بعد بحر ہند میں موجود اپنے بحری جہازوں سے کروز میزائل داغنے پر انحصار کر رہی تھی مگر ان جہازوں کے میزائلوں کا ذخیرہ ختم ہونے کے بعد کل برطانیہ کے فیرفورڈ فضائی اڈے سے پرواز کرنے والے بی ون طیاروں کے استعمال پر مجبور ہو گئی ہے۔
پاسداران انقلاب نے زور دیتے ہوئے کہا کہ جیسا کہ وزارت خارجہ کے عہدیداروں نے بھی واضح کیا ہے کہ ایرانی سرزمین کے خلاف استعمال ہونے والا کوئی بھی بیس ہمارے لیے نشانہ بنانے کے جائز ہدف ہوگا۔
مزید کہا گیا کہ برطانیہ کا اسلامی ممالک کی تقسیم، ان ممالک میں بڑے پیمانے پر قتل عام، آمرانہ حکومتوں کے قیام اور سب سے بڑھ کر فلسطین پر قبضے کو منظم کرنے اور اس کی سرپرستی کرتے ہوئے اسرائیل کے قیام جیسے سانحے کو جنم دینے کا ایک سیاہ ریکارڈ ہے۔
خیال رہے کہ پاسداران انقلاب کی جانب سے برطانیہ کو دھمکی ایک ایسے وقت میں دی گئی ہے جب ایران اور امریکا کے درمیان لڑائی اپنے عروج پر ہے دونوں اطراف سے ایک دوسرے کی تنصیبات پر حملے کیے جا رہے ہیں۔
برطانیہ پہلے ہی نئے قانون کے تحت پاسداران انقلاب کو قومی سلامتی کے لیے خطرہ قرار دے چکا ہے جبکہ ایران نے اس اقدام کو جارحانہ قرار دیتے ہوئے جواب میں اسی طرح کا اقدام کرنے کا عزم ظاہر کر دیا ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا