حافظ آباد قتل کیس: 23 سال سے مفرور اشتہاری ملزم مسقط سے گرفتار
اشاعت کی تاریخ: 13th, January 2026 GMT
data-id="863a0a8" data-element_type="widget" data-widget_type="theme-post-content.default">
حافظ آباد میں قتل کے مقدمے میں مطلوب اشتہاری ملزم کو انٹرپول کی مدد سے عمان کے دارالحکومت مسقط سے گرفتار کرلیا گیا ہے۔
پولیس کے مطابق ملزم گزشتہ 23 برس سے قانون نافذ کرنے والے اداروں کو مطلوب تھا اور بیرونِ ملک روپوش تھا۔
ڈی پی او حافظ آباد کا کہنا ہے کہ ملزم کی گرفتاری ایک خصوصی آپریشن کے تحت عمل میں لائی گئی۔ اس مقصد کے لیے انٹرپول سے رابطہ کیا گیا جس کے بعد ملزم کے خلاف ریڈ وارنٹ جاری کروائے گئے۔ ریڈ وارنٹ کے اجرا کے بعد عمانی حکام کے تعاون سے ملزم کو مسقط سے حراست میں لیا گیا۔
پولیس کے مطابق ملزم کو پاکستان منتقل کرنے کے لیے قانونی کارروائی کا آغاز کر دیا گیا ہے، جبکہ گرفتاری کو ایک بڑی پیش رفت قرار دیا جا رہا ہے۔ حکام کا کہنا ہے کہ طویل عرصے سے مفرور اشتہاریوں کی گرفتاری کے لیے بین الاقوامی سطح پر تعاون مزید مؤثر بنایا جا رہا ہے تاکہ سنگین جرائم میں ملوث افراد کو قانون کے کٹہرے میں لایا جا سکے۔
.
ذریعہ
ذریعہ: Jasarat News
پڑھیں:
اسلام آباد میں مارکیٹوں اور دکانوں کے اوقات کار میں توسیع کی منظوری
دارالحکومت اسلام آباد میں مارکیٹوں اور دکانوں کے اوقات کار میں توسیع کی منظوری دے دی گئی۔
نائب وزیراعظم و وزیر خارجہ اسحاق ڈارکی زیر صدارت کفایت شعاری اقدامات کی نگرانی و عملدرآمد کمیٹی کا اجلاس ہوا، جس میں مارکیٹوں اور دکانوں کے اوقات کار میں توسیع کی منظوری دی گئی۔
اعلامیہ کے مطابق دکانیں، مارکیٹیں، شاپنگ مالز اور جنرل ریٹیل رات 9 بجے تک کھلے رہ سکیں گے جبکہ ریسٹورنٹس رات 11 بجے تک کھلے رہیں گے، ٹیک اوے اور ڈلیوری سروسز مستثنیٰ ہوں گی۔
اعلامیہ کے مطابق شادی ہالز اور تقریباتی مقامات کے اوقات رات 10 بجے تک برقرار رکھنے کا فیصلہ کیا گیا ہے۔
اعلامیہ کے مطابق فارمیسی، اسپتال، پیٹرول پمپس، آئی ٹی اور ٹیلی کام سے متعلق ضروری خدمات اوقات کار کی پابندی سے مستثنیٰ ہوں گی۔
صوبائی حکومتوں کو وفاقی اداروں کے تعاون سے نئے اوقات کار پر مؤثر عملدرآمد یقینی بنانے کی ہدایت کی گئی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ