رجب بٹ کے الزامات پر سالے شیخ عون کی قرآن پر ہاتھ رکھ کر معافی اور صلح کی اپیل
اشاعت کی تاریخ: 13th, January 2026 GMT
معروف پاکستانی یوٹیوبر رجب بٹ اس وقت خاندانی تنازعات اور اپنی شادی کے حوالے سے خبروں کی زینت ہیں۔ گزشتہ دنوں رجب بٹ نے اپنے سالے شیخ عون پر الزامات عائد کرتے ہوئے انہیں شدید تنقید کا نشانہ بنایا تھا۔
اس تناظر میں شیخ عون نے بھی ایک ویڈیو جاری کی ہے جس میں انہوں نے کہا کہ ان پر الزام لگایا جا رہا ہے کہ وہ اپنی بہن کا گھر خراب کر رہے ہیں لیکن وہ چاہتے ہیں کہ ایمان، کیوان اور رجب بٹ خوش و خرم اور ایک خوشگوار خاندان کی طرح ساتھ رہیں۔ انہوں نے قرآن پاک پر ہاتھ رکھ کر کہا کہ وہ ایمان اور کیوان کی خوشی کے لیے اپنے اختلافات کو پس پشت ڈالنے کے لیے تیار ہیں۔
View this post on Instagram
A post shared by Aon Muhammad (@sheikh_aon)
شیخ عون نے مزید کہا کہ جو لوگ گھر خراب کرنے کی کوشش کر رہے ہیں، اللہ انہیں تباہ و برباد کرے۔ انہوں نے کہا کہ اگر میرے جھکنے سے ایمان کا گھر بحال ہو جاتا ہے اور کیوان کو اس کے والد کا پیار مل جاتا ہے تو میں جھکنے کے لیے تیار ہوں۔
انہوں نے کہا کہ اگر ان کے الفاظ سے رجب بٹ کے کسی بھی فیملی ممبر کو تکلیف پہنچی ہے تو وہ معافی مانگتے ہیں۔ شیخ عون نے یہ بھی بتایا کہ ایمان اور ان کی ساس کے کچھ وائس نوٹس ایک پوڈکاسٹ میں لیک ہوئے ہیں جو لیگل اور اخلاقی لحاظ سے قابل مذمت ہیں جس کی وجہ سے ایمان شدید دباؤ کا شکار ہیں۔ ان کا کہنا تھا کہ یہ معاملہ سوشل میڈیا پر نہیں بلکہ خاندان کے اندر حل ہونا چاہیے اور ایمان اور کیوان کو ان کے حقوق ملنے چاہیئں۔
یہ بھی پڑھیں: ‘بدنام اور دھمکیاں دی جارہی ہیں’، رجب بٹ کی ساس کا جلد حقائق سامنے لانے کا اعلان
واضح رہے کہ رجب بٹ نے گزشتہ دنوں شیخ عون پر سخت تنقید کرتے ہوئے کہا تھا کہ تمہاری پرورش کیا ہے؟ اپنے ہی خاندان کے لیے ایسے الفاظ استعمال کرنا، فین پیجز سے باتیں کرنا، گروپس بنانا، جھوٹی ذاتی معلومات پھیلانا اور ہمدردی کا کارڈ کھیلنا بند ہونا چاہیے۔ میری بیوی اور بیٹا تمہاری ہمدردی کا کھیل نہیں ہیں۔
اس کے بعد رجب بٹ کی ساس لبنیٰ جبین نے بھی بیان جاری کیا کہ ان کی بیٹی اور بیٹے کو جان بوجھ کر بدنام کرنے کی کوششیں کی گئی ہیں جن میں حقائق کو مروڑ کر پیش کرنا، جھوٹے الزامات لگانا اور نامعلوم ذرائع سے دھمکیاں دینا شامل ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایمان رجب رجب بٹ رجب بٹ بیٹا رجب بٹ ساس رجب بٹ سالہ رجب بٹ طلاق رجب بٹ ویڈیو وائرل شیخ عون.
ذریعہ
ذریعہ: WE News
کلیدی لفظ: ایمان رجب رجب بٹ بیٹا رجب بٹ سالہ رجب بٹ طلاق رجب بٹ ویڈیو وائرل انہوں نے کے لیے کہا کہ
پڑھیں:
نرس نے نومولود بچی کے ہاتھ کا انگوٹھا کاٹ دیا، والد نے پولیس میں درخواست دے دی
راولپنڈی:ہولی فیملی ہسپتال راولپنڈی کی گائنی وارڈ کی نرسری میں زیرِ علاج 23 روزہ نومولود بچی کے دائیں ہاتھ کا انگوٹھا پراسرار طور پر کٹ جانے کا انکشاف سامنے آیا ہے، جبکہ متاثرہ بچی کے والد نے واقعے پر پولیس کو درخواست دے دی ہے۔
متاثرہ بچی کے والد قیصر محمود نے بتایا کہ وہ ضلع اٹک کے رہائشی اور پیشے کے لحاظ سے کارپینٹر ہیں۔ ان کے مطابق ان کی بیٹی کی پیدائش ہولی فیملی ہسپتال میں ہوئی تھی اور پیدائش کے بعد سے بچی کو نرسری میں رکھا گیا ہے۔
والد کا کہنا ہے کہ جب وہ آج اپنی 23 روزہ بیٹی سے ملنے ہسپتال پہنچے تو دیکھا کہ اس کے دائیں ہاتھ کا انگوٹھا کٹا ہوا تھا۔ انہوں نے فوری طور پر ڈاکٹروں سے اس بارے میں استفسار کیا۔
قیصر محمود کے مطابق ڈاکٹرز نے انہیں بتایا کہ انگوٹھا نرس سے غلطی سے کٹ گیا۔ تاہم ان کے بقول ہسپتال انتظامیہ نے صرف انکوائری کی یقین دہانی کرائی نہ واقعے کی وجہ واضح کی گئی اور نہ ہی اب تک کسی ذمہ دار کے خلاف کارروائی کی گئی۔
متاثرہ والد نے انصاف کے لیے پولیس کو درخواست دے دی ہے۔ پولیس کا کہنا ہے کہ درخواست موصول ہونے کے بعد ابتدائی چھان بین مکمل کر لی گئی ہے اور قانون کے مطابق کارروائی کا آغاز کر دیا گیا ہے۔
دوسری جانب اس سنگین واقعے پر ہولی فیملی ہسپتال کی انتظامیہ کی جانب سے تاحال کوئی باضابطہ مؤقف سامنے نہیں آیا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا