سردی کی شدت میں اضافہ ہوتے ہی لکڑی کی قیمتیں بےقابو
اشاعت کی تاریخ: 13th, January 2026 GMT
سٹی42: ملک میں سردی کی شدت میں اضافہ اور گیس کی قلت کے باعث شہریوں نے کھانا پکانے اور آگ سینکنے کے لیے لکڑی پر انحصار بڑھا دیا ہے، جس کے نتیجے میں لکڑی کی قیمتوں میں اضافہ ہو گیا ہے۔
شہریوں نے لکڑی کے ٹالوں کا رخ کر لیا ہے، جہاں وہ کھانا پکانے اور آگ جلانے کے لیے لکڑی خرید رہے ہیں۔ اس بڑھتی ہوئی مانگ کے باعث لکڑی کی قیمت فی من 2000 روپے تک پہنچ گئی ہے۔
وزیراعظم نے وفاقی کابینہ کا اجلاس کل طلب کرلیا
دوسری جانب سوئی ناردرن گیس کمپنی میں نیو کنکشن کے لیے میٹریل کی قلت شدت اختیار کر گئی ہے۔ صارفین نے کروڑوں روپے کے ڈیمانڈ نوٹسز کی ادائیگی کے باوجود بھی کنکشن حاصل نہیں کر سکے۔ لاہور ریجن میں صارفین نے ایل این جی کے بنیاد پر 42 ہزار ڈیمانڈ نوٹس جمع کروائے، جن میں 10 ہزار نوٹس لاہور ریجنز میں ہیں، مگر میٹریل کی کمی کی وجہ سے کنکشن نہیں دیے جا سکے۔
صارفین نے کروڑوں روپے جمع کروا دیے، مگر انہیں مختلف دفاتر کے چکر لگانے پڑ رہے ہیں۔ وفاقی حکومت نے ایل این جی کی بنیاد پر گیس کنکشن دینے کی منظوری دی تھی، تاہم منظوری کے بعد بھاری بھرکم سکیورٹی کے ساتھ ڈیمانڈ نوٹس جاری کیے گئے۔
سہیل آفریدی نے جھوٹ اور منافقت کی انتہا کر دی؛ عطاء اللہ تارڑ
.
ذریعہ
ذریعہ: City 42
کلیدی لفظ: سٹی42
پڑھیں:
امریکا ایران غیر یقینی صورتحال: عالمی منڈی میں تیل کی قیمتیں بلند سطح پر برقرار
امریکا اور ایران کے درمیان جنگ بندی اور مذاکرات سے متعلق غیر یقینی صورتحال کے باعث عالمی منڈی میں تیل کی قیمتیں بلند سطح پر برقرار رہیں۔
منگل کے روز برینٹ خام تیل 95.04 ڈالر فی بیرل جبکہ امریکی ویسٹ ٹیکساس انٹرمیڈیٹ (WTI) 91.99 ڈالر فی بیرل پر ٹریڈ ہوا۔ دونوں بینچ مارکس گزشتہ سیشن میں 5 فیصد سے زائد اضافے کے بعد مستحکم رہے۔
سرمایہ کاروں کی توجہ خاص طور پر آبنائے ہرمز کی ممکنہ بحالی اور مشرق وسطیٰ کی کشیدگی پر مرکوز ہے۔ امریکی صدر نے کہا ہے کہ ایران کے ساتھ مذاکرات جاری ہیں اور جلد کسی معاہدے کی امید ہے تاہم ایرانی میڈیا کے مطابق بات چیت میں تعطل بھی سامنے آیا ہے۔
ماہرین کا کہنا ہے کہ تیل کی قیمتوں میں موجود اتار چڑھاؤ کا دارومدار امریکا-ایران مذاکرات اور خطے کی صورتحال پر ہے۔ دوسری جانب لبنان میں حزب اللہ اور اسرائیل کے درمیان جزوی جنگ بندی کو کشیدگی کم کرنے کی محدود کوشش قرار دیا جا رہا ہے۔
یاد رہے کہ خلیجی علاقے میں کشیدگی کے باعث تیل اور ایل این جی کی عالمی ترسیل متاثر ہوئی جس سے قیمتوں میں نمایاں اضافہ دیکھنے میں آیا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ