نادیہ خان اور مصدق ملک کے ناظرین سے متعلق توہین آمیز ریمارکس پر شدید تنقید
اشاعت کی تاریخ: 13th, January 2026 GMT
پاکستانی شوبز انڈسٹری کی معروف شخصیات نادیہ خان اور مصدق ملک اپنے بیانات کے باعث سوشل میڈیا پر سخت تنقید کی زد میں آ گئے ہیں۔
اس وقت دونوں ڈرامہ ریویو شو ’کیا ڈرامہ ہے‘ کی میزبانی کر رہے ہیں، نادیہ خان اس شو سے طویل عرصے سے وابستہ ہیں جبکہ اداکار و ہدایتکار مصدق ملک کبھی کبھار میزبان مکرم کلیم کی جگہ شو میں نظر آتے ہیں۔
حال ہی میں شو کے دوران آن لائن تنقید کے موضوع پر گفتگو کرتے ہوئے نادیہ خان نے کہا کہ فنکار وقت کے ساتھ تنقید برداشت کرنے کے عادی ہو جاتے ہیں، مگر عام لوگ اور نئے اداکار منفی تبصروں سے شدید متاثر ہوتے ہیں، خصوصاً جب ان کی ذاتی تصاویر، جیسے اسکول یا نجی تقریبات کی تصاویر، پر منفی کمنٹس کیے جائیں۔
اس موقع پر مارینا خان نے بھی کہا کہ آن لائن بُلنگ بعض اوقات لوگوں کو انتہائی قدم اٹھانے پر مجبور کر دیتی ہے۔
اسی گفتگو میں مصدق ملک کے بیان نے ناظرین کو مزید برہم کر دیا، انہوں نے ڈرامہ ناظرین کے سوشل میڈیا کمنٹس پر سخت ردعمل دیتے ہوئے کہا کہ میرے خیال میں ہر چیز کے کمنٹس بند کر دینے چاہئیں، اگر کسی کو ڈرامہ پسند نہیں تو وہ دیکھنا چھوڑ دے، ناظرین کی رائے کی کوئی اہمیت نہیں اور یہ سمجھنا کہ ان کی رائے قیمتی ہے، محض غلط فہمی ہے، تم کون ہوتے ہو؟ تمہاری کوئی حیثیت نہیں۔
View this post on InstagramA post shared by DIVA Magazine Pakistan (@divamagazinepakistan)
مصدق ملک کے اس بیان کے بعد سوشل میڈیا پر شدید ردعمل دیکھنے میں آیا، متعدد صارفین نے ان ریمارکس کو ناظرین کی توہین قرار دیا اور کہا کہ ڈراموں کی کامیابی میں ناظرین کی رائے بنیادی کردار ادا کرتی ہے۔
ایک صارف نے لکھا کہ ’ہم کون ہیں؟ ہم وہ لوگ ہیں جو آپ کے شوز کو ہٹ بناتے ہیں‘، ایک اور صارف نے طنزیہ انداز میں کہا کہ ’یہ بات ایک ایسے شو میں کہی جا رہی ہے جو خود ڈراموں پر تنقید کرتا ہے، یہ سراسر منافقت ہے۔‘
کچھ صارفین نے یہ بھی نشاندہی کی کہ چند روز قبل مصدق ملک خود نادیہ خان پر تنقید کر چکے ہیں، تو اب ناظرین کے تبصروں پر اس قدر سخت ردعمل کیوں؟ کئی افراد نے ناپسندیدگی کا اظہار کرتے ہوئے ناظرین سے اپیل کی کہ وہ ایسے رویے کے بعد ڈرامہ دیکھنے کا بائیکاٹ کریں۔
.
ذریعہ
ذریعہ: Daily Mumtaz
کلیدی لفظ: نادیہ خان مصدق ملک کہا کہ
پڑھیں:
طوفانی سیلاب سے عوام شدید مشکلات کا شکار ہیں، حکومت فوری اقدامات اٹھائے، کاظم میثم
ممبر گلگت بلتستان اسمبلی نے ایک بیان میں کہا کہ صوبائی اور وفاقی حکومت سے مطالبہ کرتے ہیں مشکل کی اس گھڑی میں عوام کے شانہ بشانہ کھڑے ہوں اور متاثرین سیلاب کو ریلیف دینے اور بحالی کے لیے جامع منصوبہ بندی کے ساتھ اقدامات اٹھائیں۔ اسلام ٹائمز۔ سابق اپوزیشن لیڈر و ممبر گلگت بلتستان اسمبلی کاظم میثم نے اپنے ایک بیان میں کہا ہے کہ پورے گلگت بلتستان میں طوفانی سیلاب اور دریائی کٹاو سے عوام شدید مشکلات کے شکار ہیں، وفاقی اور صوبائی حکومت کو فوری اقدامات اٹھاتے ہوئے ریلیف اور بحالی کے لیے کام تیز کرنے کی ضرورت ہے۔ سکردو میں دریائی کٹاو کے سبب سترانگلونگما کواردو اور حوطو رنگاہ کے عوام شدید مشکلات کے شکار ہیں۔ زرعی اراضی اور درخت دریا برد ہو رہے ہیں لیکن تاحال کوئی ہنگامی بنیادوں پر بحالی کے لیے کوئی کام نہیں ہوا ہے۔ ضلعی انتظامیہ اور جی بی ڈی ایم اے کو کواردو حوطو رنگاہ اور رزسنا رنگاہ کے دریائی کٹاو روکنے کے لیے فوری اقدامات اٹھانا چاہیے۔ گزشتہ مہینے آنے والے شگریخورد میں سیلاب متاثرین کی بحالی کے بھی تاحال اقدامات نہیں اٹھائے گئے ہیں۔ جس کے سبب عوام میں شدید تشویش پائی جاتی ہے۔ کاظم میثم نے مزید کہا کہ طوفانی سیلاب کے سبب تقریبا تمام اضلاع میں تباہ کاریاں ہوئی ہیں اور شاہراہوں کی بندش کے سبب بھی مشکلات کے شکار ہیں۔ صوبائی اور وفاقی حکومت سے مطالبہ کرتے ہیں مشکل کی اس گھڑی میں عوام کے شانہ بشانہ کھڑے ہوں اور متاثرین سیلاب کو ریلیف دینے اور بحالی کے لیے جامع منصوبہ بندی کے ساتھ اقدامات اٹھائیں۔
رمضان میں سحر و افطار کے دوران لوڈشیڈنگ نہ کرنے کا حکم، گیس فراہمی کا بھی اعلان