کینیڈا کی سب سے بڑی سونے کی ڈکیتی: مرکزی ملزم کی حوالگی کے لیے بھارت سے رابطہ
اشاعت کی تاریخ: 13th, January 2026 GMT
کینیڈین حکام نے 2023 میں ٹورنٹو کے ایک ہوائی اڈے پر ہونے والی سونے کی بڑی ڈکیتی کے سلسلے میں سمرن پریت پنسر کی حوالگی کے لیے بھارتی حکام سے رابطہ کیا ہے۔
مذکورہ ڈکیتی کی واردات میں 20 ملین ڈالر سے زائد مالیت کے سونے کے بسکٹ چرائے گئے تھے۔
یہ بھی پڑھین: کینیڈا کی سب سے بڑی گولڈ ڈکیتی کا بھارت سے کیا تعلق ہے؟
ایئر کینیڈا کے سابق مینیجرسمرن پریت پنسراس وقت پنجاب کے شہر موہالی میں مقیم ہیں اور کینیڈا کی تاریخ کی سب سے بڑی سونے کی ڈکیتی میں مبینہ کردار کے باعث گرفتاری کے وارنٹ کا سامنا کر رہے ہیں۔
33 سالہ پنسر کے خلاف منی لانڈرنگ کے الزامات کے تحت بھارتی انفورسمنٹ ڈائریکٹوریٹ بھی چھاپے مار چکی ہے۔
Authorities arrested one of the alleged masterminds of the biggest gold heist in Canadian history Monday as he landed at the same airport where the caper occurred in 2023.
— ABC News (@ABC) January 12, 2026
یہ انکشاف پیل ریجنل پولیس نے اس کیس کے ایک ملزم ارسلان چوہدری کی گرفتاری کے بعد جاری بیان میں کیا۔
ارسلان چوہدری کو پیر کے روز اس وقت گرفتار کیا گیا جب وہ دبئی سے پرواز کے ذریعے پیئر سن ایئرپورٹ پہنچا۔
پیل ریجنل پولیس کے ترجمان کے مطابق سمرن پریت پنسر کے خلاف پورے کینیڈا میں گرفتاری کا وارنٹ جاری کیا جا چکا ہے۔
مزید پڑھیں:کینیڈا اور انڈیا کے سفارتی تنازع میں بھارتی وزیر داخلہ امیت شاہ کا نام کیوں آیا؟
حکام کا کہنا ہے کہ وہ اس وقت بھارت میں موجود ہیں اور ان پر 5,000 ڈالر سے زائد مالیت کی چوری اور سنگین جرم کی سازش کے الزامات عائد ہیں۔
ان کی حوالگی کے لیے باضابطہ درخواست بھی جمع کرا دی گئی ہے۔
ڈکیتی 17 اپریل 2023 کو پیئرسن ایئرپورٹ پر اس وقت ہوئی جب سوئٹزرلینڈ سے ایئرکینیڈا کی پرواز کے ذریعے آنے والے کنٹینر میں موجود 6,600 سونے کے بسکٹ غائب کر دیے گئے۔
مزید پڑھیں:بھارتی وزیر داخلہ امیت شاہ نے کینیڈا میں سکھوں کیخلاف انٹیلی جنس آپریشن کا حکم دیا، کینیڈا
اس واردات میں مبینہ طور پر دورانتے کنگ مکلین نے فرار ہونے والی گاڑی کے ڈرائیور کے طور پر مدد فراہم کی۔
ایک سال بعد امریکی محکمہ انصاف نے دورانتے کنگ مکلین، پرساتھ پراملنگم اور ارچت گروور پر اسلحہ اسمگلنگ کے ایک الگ مقدمے میں فردِ جرم عائد کی۔
کنگ مکلین نے حال ہی میں امریکا میں اسلحہ اسمگلنگ سے متعلق الزامات قبول کر لیے ہیں اور امکان ہے کہ انہیں رواں سال سزا سنائی جائے گی۔
مزید پڑھیں: کینیڈا اور بھارت کے تعلقات میں نیا موڑ، بشنوی گینگ دہشت گرد قرار
پولیس کے مطابق ایئر کینیڈا میں منیجر کے طور پر کام کرنے والے پنسر نے کم از کم آٹھ دیگر افراد کے ساتھ مل کر اس سازش کی منصوبہ بندی کی، جن میں اکثریت برامپٹن سے تعلق رکھنے والوں کی تھی۔
پیل ریجنل پولیس اس کیس میں اب تک 6 ملزمان کو گرفتار کر چکی ہے، جن میں ارچت گروور، پرمپال سدھو اور امیت جالوٹا شامل ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلحہ اسمگلنگ ایئرکینیڈا بھارت پیئرسن ایئرپورٹ ڈکیتی سمرن پریت پنسر سوئٹزرلینڈ سونے کے بسکٹ کینیڈا محکمہ انصاف موہالی
ذریعہ
ذریعہ: WE News
کلیدی لفظ: اسلحہ اسمگلنگ ایئرکینیڈا بھارت پیئرسن ایئرپورٹ ڈکیتی سمرن پریت پنسر سوئٹزرلینڈ سونے کے بسکٹ کینیڈا محکمہ انصاف موہالی پریت پنسر کینیڈا کی کے لیے
پڑھیں:
سونم وانگچک نے 26 روز تک جاری رہنے والی اپنی بھوک ہڑتال ختم کر دی
بھارت کے معروف سماجی کارکن سونم وانگچک نے 26 روز تک جاری رہنے والی اپنی بھوک ہڑتال ختم کرنے کا اعلان کر دیا ہے۔ انہوں نے کہا کہ طویل مذاکرات اور ملک میں ممکنہ تشدد کے خدشات کے پیش نظر یہ فیصلہ کیا گیا۔
عرب میڈیا کے مطابق سونم وانگچک نے سوشل میڈیا پلیٹ فارم ایکس پر جاری بیان میں بتایا کہ مختلف شرائط پر ہونے والے طویل مذاکرات کے بعد اور ملک میں کشیدگی کے امکانات کو دیکھتے ہوئے انہوں نے اپنا احتجاج ختم کر دیا ہے۔
Just now in the presence of Union Ministers Sh. JP Nadda, Dr. Jitendra Singh and the senior leaders of Apex Body of Leh Ladakh I finally broke my fast after 26 days. Earlier 65 members of parliament from different political parties had visited or signed letters urging me to break… pic.twitter.com/RFCet7Oksy
— Sonam Wangchuk (@Wangchuk66) July 23, 202659 سالہ سونم وانگچک نے 28 جون کو بھوک ہڑتال کا آغاز کیا تھا۔ ان کی یہ ہڑتال بھارت میں نوجوانوں کی قیادت میں چلنے والی کاکروچ موومنٹ سے اظہارِ یکجہتی کے لیے تھی۔
اس تحریک کے شرکاء میڈیکل کالجوں کے داخلہ امتحانات کے پرچوں کے مبینہ لیک ہونے کے معاملے پر بھارتی وزیرِ تعلیم دھرمیندر پردھان سے استعفے کا مطالبہ کر رہے ہیں۔
مظاہرین کا مؤقف ہے کہ امتحانی نظام میں شفافیت کو یقینی بنانے اور ذمہ داروں کے خلاف کارروائی کے لیے وزیرِ تعلیم کو اپنے عہدے سے الگ ہونا چاہیے۔
سونم وانگچک کے بھوک ہڑتال ختم کرنے کے اعلان کے باوجود بھارت میں امتحانی نظام اور حکومتی پالیسیوں کے خلاف احتجاجی تحریک بدستور جاری ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار