رکن قومی اسمبلی نور عالم خان کا شناختی کارڈ منسوخ ہونے کا انکشاف
اشاعت کی تاریخ: 13th, January 2026 GMT
data-id="863a0a8" data-element_type="widget" data-widget_type="theme-post-content.default">
اسلام آباد: رکن قومی اسمبلی نور عالم خان نے انکشاف کیا ہے کہ نادرا کی جانب سے ان کا قومی شناختی کارڈ منسوخ کر دیا گیا ہے، جس کے باعث انہیں شدید مشکلات کا سامنا ہے۔
قومی اسمبلی کے اجلاس میں اظہار خیال کرتے ہوئے نور عالم خان نے بتایا کہ ان کا شناختی کارڈ بلاک نہیں بلکہ باقاعدہ طور پر منسوخ کیا گیا، جس کے نتیجے میں ان کے بینک اکاؤنٹس اور کریڈٹ کارڈز بھی بند کر دیے گئے ہیں۔
نور عالم خان نے ایوان کو آگاہ کیا کہ ایس این جی پی ایل کی جانب سے نادرا کو ایک خط لکھا گیا، جس کے بعد نادرا نے ان کا شناختی کارڈ منسوخ کر دیا۔ ان کا کہنا تھا کہ یہ اقدام حقائق کے برعکس کیا گیا ہے اور اس کی وجہ ایک ایسا معاملہ بنا جس کا ان سے کوئی تعلق نہیں۔ انہوں نے بتایا کہ 2023 میں کسی شخص نے غصے میں آ کر ایک گھر کو ان کے نام سے منسوب کر کے اس پر بل کا مسئلہ بنا دیا، حالانکہ نہ وہ گھر ان کی ملکیت تھا اور نہ ہی ان کے نام پر رجسٹرڈ تھا۔
رکن اسمبلی کے مطابق شناختی کارڈ منسوخ ہونے کے بعد ان کی روزمرہ زندگی شدید متاثر ہو گئی ہے۔ بینک اکاؤنٹس اور کریڈٹ کارڈز بند ہونے کے باعث مالی معاملات رک گئے ہیں اور سرکاری و نجی سطح پر شناخت سے متعلق کئی مسائل جنم لے چکے ہیں۔ انہوں نے مطالبہ کیا کہ اس سنگین مسئلے کا فوری حل نکالا جائے تاکہ ایک منتخب عوامی نمائندے کو درپیش مشکلات ختم ہو سکیں۔
اسپیکر قومی اسمبلی ایاز صادق نے نور عالم خان کے مؤقف کا نوٹس لیتے ہوئے کہا کہ وہ تحریری طور پر انہیں اس معاملے کی تفصیلات فراہم کریں، جس کے بعد وہ ذاتی طور پر اس مسئلے کو دیکھیں گے اور متعلقہ اداروں سے بات کریں گے۔ اسپیکر نے یقین دہانی کرائی کہ کسی رکن اسمبلی کے ساتھ ناانصافی نہیں ہونے دی جائے گی۔
دریں اثنا قومی اسمبلی کے اجلاس میں نادرا ترمیمی بل 2025 سمیت 3 اہم بل بھی پیش کیے گئے۔ شرمیلا فاروقی نے ایوان میں نادرا ترمیمی بل 2025 پیش کرنے کی اجازت طلب کی، جس کی منظوری کے بعد بل پیش کر دیا گیا۔ انہوں نے بتایا کہ یہ بل سینئر سٹیزنز کے شناختی کارڈ کے دوبارہ اجرا سے متعلق ہے۔
اجلاس میں سحر کامران نے اسلام آباد میں بیٹریوں کی انتظام اور دوبارہ کارآمد بنانے سے متعلق بل 2025 پیش کیا، جسے گرین اکانومی کے فروغ کے لیے اہم قرار دیا گیا۔
اسی طرح طاہر اقبال نے کوآپریٹو سوسائٹیز ترمیمی بل بھی ایوان میں پیش کیا۔
.
ذریعہ
ذریعہ: Jasarat News
کلیدی لفظ: شناختی کارڈ منسوخ نور عالم خان قومی اسمبلی اسمبلی کے کے بعد
پڑھیں:
سونم وانگچک نے 26 روز تک جاری رہنے والی اپنی بھوک ہڑتال ختم کر دی
بھارت کے معروف سماجی کارکن سونم وانگچک نے 26 روز تک جاری رہنے والی اپنی بھوک ہڑتال ختم کرنے کا اعلان کر دیا ہے۔ انہوں نے کہا کہ طویل مذاکرات اور ملک میں ممکنہ تشدد کے خدشات کے پیش نظر یہ فیصلہ کیا گیا۔
عرب میڈیا کے مطابق سونم وانگچک نے سوشل میڈیا پلیٹ فارم ایکس پر جاری بیان میں بتایا کہ مختلف شرائط پر ہونے والے طویل مذاکرات کے بعد اور ملک میں کشیدگی کے امکانات کو دیکھتے ہوئے انہوں نے اپنا احتجاج ختم کر دیا ہے۔
Just now in the presence of Union Ministers Sh. JP Nadda, Dr. Jitendra Singh and the senior leaders of Apex Body of Leh Ladakh I finally broke my fast after 26 days. Earlier 65 members of parliament from different political parties had visited or signed letters urging me to break… pic.twitter.com/RFCet7Oksy
— Sonam Wangchuk (@Wangchuk66) July 23, 202659 سالہ سونم وانگچک نے 28 جون کو بھوک ہڑتال کا آغاز کیا تھا۔ ان کی یہ ہڑتال بھارت میں نوجوانوں کی قیادت میں چلنے والی کاکروچ موومنٹ سے اظہارِ یکجہتی کے لیے تھی۔
اس تحریک کے شرکاء میڈیکل کالجوں کے داخلہ امتحانات کے پرچوں کے مبینہ لیک ہونے کے معاملے پر بھارتی وزیرِ تعلیم دھرمیندر پردھان سے استعفے کا مطالبہ کر رہے ہیں۔
مظاہرین کا مؤقف ہے کہ امتحانی نظام میں شفافیت کو یقینی بنانے اور ذمہ داروں کے خلاف کارروائی کے لیے وزیرِ تعلیم کو اپنے عہدے سے الگ ہونا چاہیے۔
سونم وانگچک کے بھوک ہڑتال ختم کرنے کے اعلان کے باوجود بھارت میں امتحانی نظام اور حکومتی پالیسیوں کے خلاف احتجاجی تحریک بدستور جاری ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار