بھارت: ’سیریل کلر ہاتھی‘ نے ماہ رواں میں 20 افراد کو موت کے گھاٹ اتاردیا
اشاعت کی تاریخ: 13th, January 2026 GMT
مشرقی بھارت کی ریاست جھاڑ کھنڈ میں ایک بپھرے ہوئے مست ہاتھی کے حملوں کے نتیجے میں جنوری کے پہلے 9 دنوں کے دوران کم از کم 20 افراد ہلاک ہوچکے ہیں جبکہ اس دوران 2 دن ایسے بھی گزرے جن میں اس ہاتھی نے 13 افراد کو ہلاک کیا۔
بی بی سی کے مطابق حکام نے ہاتھی کو قابو میں کرنے کے لیے ہنگامی اقدامات شروع کر دیے ہیں۔
یہ بھی پڑھیں: بھارت میں جنگلی ہاتھی نے نوجوانوں کے ساتھ فٹبال کھیلی، ویڈیو وائرل
حکام کا کہنا ہے کہ یہ ہاتھی ایک تنہا نر ہے جو اپنے جھنڈ سے بچھڑ چکا ہے اور جنگلاتی علاقوں سے ملحقہ دیہات میں رات کے وقت حملے کر رہا ہے جس کے باعث مقامی آبادی شدید خوف و ہراس کا شکار ہے
جھاڑ کھنڈ اور ہمسایہ ریاستوں سے تعلق رکھنے والی خصوصی وائلڈ لائف ٹیموں کو مشترکہ سرچ آپریشن کے لیے تعینات کیا گیا ہے، تاہم اب تک ہاتھی کو پکڑنے یا بے ہوش کرنے کی کوششیں کامیاب نہیں ہو سکیں۔ ہاتھی کی ریاستی سرحدیں عبور کرنے اور گھنے جنگلات میں غائب ہو جانے کی صلاحیت کے باعث اسے ٹریک کرنا انتہائی مشکل ثابت ہو رہا ہے۔
مزید پڑھیے: ہاتھی کے کان بڑے کیوں ہوتے ہیں؟ نئی تحقیق میں حیرت انگیز انکشافات
تازہ ہلاکتیں 12 جنوری کو رپورٹ ہوئیں جب 2 افراد ہاتھی کے حملے میں مارے گئے جس کے بعد وہ ہمسایہ ریاست اوڈیشہ کے علاقوں میں داخل ہو گیا۔
صورتحال کے پیش نظر جنگلاتی حکام نے ہائی الرٹ جاری کر دیا ہے اور نگرانی، ہجوم کو کنٹرول کرنے اور ہنگامی ردعمل کے لیے ایک خصوصی ٹاسک فورس قائم کر دی گئی ہے۔
ماہرین کا کہنا ہے کہ ہاتھی ممکنہ طور پر مست ہے۔ یہ ایک ایسی حالت ہے جو نر ہاتھیوں میں ہارمونز کی ایک قدرتی کیفیت ہوتی ہے اور اس دوران ان میں شدید جارحیت پیدا ہو سکتی ہے۔ حکام نے جنگلاتی رقبے میں کمی اور وائلڈ لائف کوریڈورز میں خلل کو بھی انسان اور جنگلی حیات کے درمیان بڑھتے تنازع کی بنیادی وجوہات قرار دیا ہے۔
مزید پڑھیں: بھارتی ریاست آسام میں ٹرین کی ٹکر سے 7 ہاتھی ہلاک
جھاڑ کھنڈ فاریسٹ ڈیپارٹمنٹ کے ترجمان کے مطابق یہ ہاتھی تیزی سے جنگلاتی علاقوں اور ریاستی سرحدوں کے آرپار حرکت کرتا ہے جس کی وجہ سے اس کی نگرانی نہایت مشکل ہو گئی ہے۔ ترجمان نے کہا کہ ہماری اولین ترجیح مزید جانی نقصان کو روکنا اور ہاتھی کو محفوظ طریقے سے قابو میں لانا ہے۔
یہ بھی پڑھیے: بھارت میں جنگلی ہاتھیوں کی آبادی میں 25 فیصد کمی، وجوہات کیا ہیں؟
حکام نے شہریوں کو ہدایت کی ہے کہ وہ رات کے وقت جنگلاتی علاقوں میں جانے سے گریز کریں، چوکس رہیں اور ہاتھی کی موجودگی کی فوری اطلاع متعلقہ اداروں کو دیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارت جھاڑ کھنڈ سیریل کلر ہاتھی ہاتھی نے 20 افراد ماردیے.
ذریعہ
ذریعہ: WE News
کلیدی لفظ: بھارت جھاڑ کھنڈ حکام نے کے لیے
پڑھیں:
بحرین میں محرم الحرام کی آمد کیساتھ ہی شیعیان علیؑ کیخلاف کریک ڈاون میں تیزی
گرفتاریاں بحرین کی وزارت داخلہ کی طرف سے چلائی جانے والی ایک بڑھتی ہوئی مہم کے تناظر میں کی جا رہی ہیں، جو خطے میں جاری واقعات، بشمول شیعوں کو براہ راست نشانہ بنانے، کے بعد سامنے آئی ہے۔ اسلام ٹائمز۔ شیعہ نشین عرب ملک بحرین پر قابض ال خلیفہ حکام اپنے جرائم کا سلسلہ جاری رکھے ہوئے ہیں اور متعدد شہریوں کی گرفتاریوں کا ایک سلسلہ شروع کیا ہے۔ محرم الحرام کی آمد کیساتھ ہی بحرین میں شیعہ شہریوں کے خلاف سیکیورٹی اداروں کی طرف سے شروع کیے گئے کریک ڈاؤن کے تحت، انہیں تفتیش کے لیے طلب کرنے کے بعد متعدد شہریوں کو گرفتار کیا جا چکا ہے۔ گرفتار کیے گئے افراد کے نام حسب ذیل ہیں: - ناصر الکشری (اهل بیت علیہم السلام کے ذاکر) - حاج عبدالجبّار میرزا - حاج حسین درویش - إیهاب الحمدی - احمد حسن - السید عبدالله ماجد - حسین الخیاط - محمود مسلم - حاج مهدی صالح - دو بھائی علی و حسن الغانم - رضا ابراهیم محمد حمادة - السید حسین جعفر - محمد سرحان
غاصب بحرینی حکام یہیں نہیں رکے بلکہ انہوں نے دو بچوں مصطفی یوسف اور زین محمد ابراهیم کو بھی گرفتار کر لیا ہے۔ شیعہ آبادی والے دیہاتوں میں سیکیورٹی الرٹ کی حالت ہے، جہاں حکام نے زیادہ تر دیہاتوں کے اطراف اپنی افواج تعینات کر رکھی ہیں، تاکہ وہ متعدد شہریوں کو طلب کر کے گرفتار کریں۔ یہ گرفتاریاں بحرین کی وزارت داخلہ کی طرف سے چلائی جانے والی ایک بڑھتی ہوئی مہم کے تناظر میں کی جا رہی ہیں، جو خطے میں جاری واقعات، بشمول شیعوں کو براہ راست نشانہ بنانے، کے بعد سامنے آئی ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے