سہیل آفریدی نے ہماری شرافت کا ناجائز فائدہ اٹھایا، دورہ کراچی پر ایک اور 9 مئی کی سازش کی گئی، شرجیل میمن
اشاعت کی تاریخ: 13th, January 2026 GMT
سندھ کے سینیئر وزیر شرجیل انعام میمن نے کہا ہے کہ وزیراعلیٰ خیبرپختونخوا سہیل آفریدی کے کراچی دورے کے دوران 9 مئی جیسے ناخوشگوار واقعات دہرائے جانے کی کوشش کی گئی۔
پریس کانفرنس کرتے ہوئے شرجیل میمن نے کہاکہ وزیراعلیٰ کے دورے سے قبل سیکیورٹی خطرات کے بارے میں آگاہ کیا گیا اور حفاظتی منصوبہ بھی بنایا گیا تھا، تاہم طے شدہ روٹس اور مقامات کے برخلاف دورے کیے گئے۔
مزید پڑھیں: 9 مئی واقعات: وزیر اعلیٰ خیبرپختونخوا سہیل آفریدی و دیگر کی موجودگی کی تصدیق
’اس دوران پولیس پر پتھراؤ، میڈیا کی گاڑیوں کو نقصان اور صحافیوں کے ساتھ بدسلوکی کے واقعات پیش آئے۔‘
انہوں نے کہاکہ سیکیورٹی صورتحال کا ناجائز فائدہ اٹھا کر بدنظمی پیدا کی گئی، لیکن اس کے باوجود حکومت سندھ نے تحمل کا مظاہرہ کیا اور کسی رہنما کے خلاف ایف آئی آر درج نہیں کی گئی۔
سینیئر وزیر نے وزیراعلیٰ خیبرپختونخوا پر بھی تنقید کرتے ہوئے کہاکہ الزام لگانا کہ سندھ حکومت نے دورہ روکا، درست نہیں، آپ کو ٹریفک میں روکنے سے سندھ حکومت کو کیا فائدہ ہونا تھا۔
انہوں نے مزید کہاکہ ہماری شرافت کا ناجائز فائدہ اٹھایا گیا اور سہیل آفریدی کو جو عزت دی گئی، اس کا احترام نہیں کیا گیا۔
مزید پڑھیں: پنجاب حکومت پیپلزپارٹی کو نشانہ بنا کر دراصل وزیراعظم کو ہدف بنارہی ہے، شرجیل میمن
واضح رہے کہ وزیراعلیٰ خیبرپختونخوا سہیل آفریدی کے دورہ سندھ کے موقع پر صوبائی وزیر سعید غنی نے ان کا استقبال کیا، تاہم بعد ازاں پی ٹی آئی کی جانب سے الزام عائد کیا گیا کہ دورے کے دوران رکاوٹیں پیدا کی گئیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بدسلوکی دورہ کراچی سہیل آفریدی سیکیورٹی خطرات شرافت ناجائز فائدہ وزیراعلیٰ خیبرپختونخوا وی نیوز.
ذریعہ
ذریعہ: WE News
کلیدی لفظ: بدسلوکی دورہ کراچی سہیل ا فریدی سیکیورٹی خطرات شرافت ناجائز فائدہ وزیراعلی خیبرپختونخوا وی نیوز ناجائز فائدہ سہیل ا فریدی کی گئی
پڑھیں:
مانجھی خیل چیک پوسٹ حملہ، گورنر خیبرپختونخوا نے رپورٹ طلب کر لی
پشاور:گورنر خیبرپختونخوا فیصل کریم کنڈی نے ضلع ٹانک کے علاقے مانجھی خیل میں قائم چیک پوسٹ پر ہونے والے حملے کا نوٹس لیتے ہوئے متعلقہ اعلیٰ حکام سے واقعے کی تفصیلی رپورٹ طلب کر لی ہے۔
اپنے بیان میں گورنر فیصل کریم کنڈی نے حملے کی شدید مذمت کرتے ہوئے اسے ہندوستان کے پروردہ خوارج کی مذموم کارروائی قرار دیا۔ انہوں نے کہا کہ اس بزدلانہ حملے میں ہونے والی شہادتوں پر پوری قوم غمزدہ ہے اور شہداء کی قربانیاں ہمیشہ یاد رکھی جائیں گی۔
گورنر خیبرپختونخوا نے متعلقہ حکام کو ہدایت کی کہ حملے میں زخمی ہونے والے سیکیورٹی اہلکاروں کو ہر ممکن اور بہترین طبی سہولیات فراہم کی جائیں تاکہ ان کے علاج میں کسی قسم کی کوتاہی نہ ہو۔
فیصل کریم کنڈی نے شہداء کے اہل خانہ سے دلی ہمدردی اور تعزیت کا اظہار کرتے ہوئے کہا کہ وہ اس دکھ کی گھڑی میں غمزدہ خاندانوں اور شہید اہلکاروں کے ساتھیوں کے ساتھ برابر کے شریک ہیں۔
انہوں نے شہداء کے درجات کی بلندی، زخمیوں کی جلد صحت یابی اور ملک میں امن و استحکام کے لیے دعا بھی کی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار