اپوسٹائل تصدیق سے پاکستان کو گزشتہ سال 2 ارب روپے کی آمدن
اشاعت کی تاریخ: 13th, January 2026 GMT
data-id="863a0a8" data-element_type="widget" data-widget_type="theme-post-content.default">
اسلام آباد: سینیٹ کی قائمہ کمیٹی برائے خارجہ کو بتایا گیا ہے کہ پاکستان نے گزشتہ سال اپوسٹائل تصدیق کے عمل کے ذریعے 2 ارب روپے کی آمدن حاصل کی، اپوسٹائل ایک بین الاقوامی تصدیقی نظام ہے جس کے تحت کسی ملک کی سرکاری دستاویزات کو دوسرے ممالک میں قانونی طور پر قابلِ قبول بنایا جاتا ہے۔
کمیٹی کو آگاہ کیا گیا کہ اپوسٹائل نظام ہیگ کنونشن 1961 کے تحت نافذ کیا جاتا ہے اور اس کا مقصد تعلیمی، قانونی اور سرکاری دستاویزات کی بین الاقوامی سطح پر توثیق کو آسان بنانا ہے تاکہ شہریوں کو بار بار سفارت خانوں اور مختلف اداروں کے چکر نہ لگانا پڑیں۔
اجلاس میں بتایا گیا کہ حکومت نے جعلی دستاویزات کی روک تھام اور بدعنوانی کے خاتمے کے لیے نادرا اور ہائر ایجوکیشن کمیشن (ایچ ای سی) کے ڈیٹا سے منسلک اے آئی پر مبنی جدید ڈیجیٹل نظام متعارف کرانے کا فیصلہ کیا ہے۔ اس نظام کے تحت دستاویزات کی تصدیق کا عمل خودکار، محفوظ اور شفاف بنایا جائے گا۔
حکام کے مطابق اس اقدام سے نہ صرف شفافیت میں اضافہ ہوگا بلکہ شہریوں کے لیے دستاویزات کی تصدیق کا عمل مزید آسان، تیز اور قابلِ اعتماد ہو جائے گا، جدید ٹیکنالوجی کے استعمال سے جعلسازی کے امکانات میں نمایاں کمی آئے گی۔
ارکانِ کمیٹی نے اپوسٹائل تصدیق کے نظام اور مجوزہ ڈیجیٹل اصلاحات کو خوش آئند قرار دیتے ہوئے کہا کہ اس سے پاکستان میں سرکاری امور کو بین الاقوامی معیار کے مطابق استوار کرنے میں مدد ملے گی اور عوام کو بہتر سہولیات فراہم ہوں گی۔
ذریعہ
ذریعہ: Jasarat News
کلیدی لفظ: دستاویزات کی
پڑھیں:
سرکاری ملازمین پنشن میں اضافہ، خیبرپختونخوا حکومت کا بڑا ریلیف اعلان
پشاور: سرکاری ملازمین پنشن میں اضافہ کے حوالے سے خیبرپختونخوا حکومت نے اہم فیصلہ کرتے ہوئے صوبے کے پنشنرز کی نیٹ پنشن میں 7 فیصد اضافے کی منظوری دے دی ہے۔ اس فیصلے کا اطلاق یکم جولائی 2026 سے ہوگا، جبکہ اس حوالے سے محکمہ خزانہ نے باضابطہ نوٹیفکیشن بھی جاری کر دیا ہے۔
جاری کردہ اعلامیے کے مطابق یہ اضافہ 30 جون 2026 تک وصول کی جانے والی نیٹ پنشن کی بنیاد پر دیا جائے گا۔ حکومت کے اس اقدام سے لاکھوں ریٹائرڈ سرکاری ملازمین اور ان کے اہل خانہ کو مہنگائی کے موجودہ دور میں مالی سہارا ملنے کی امید ہے۔
نوٹیفکیشن میں واضح کیا گیا ہے کہ یکم جولائی 2026 یا اس کے بعد ریٹائر ہونے والے سرکاری ملازمین بھی اس 7 فیصد اضافے سے مستفید ہوں گے۔ اسی طرح فیملی پنشن حاصل کرنے والے افراد اور کمپیشنٹ الاؤنس لینے والے مستحقین پر بھی یہ اضافہ یکساں طور پر لاگو ہوگا۔
محکمہ خزانہ کے مطابق بیرون ملک مقیم وہ پنشنرز بھی، جو خیبرپختونخوا حکومت کی پنشن کے اہل ہیں، مقررہ قواعد و ضوابط کے تحت اس اضافے سے فائدہ اٹھا سکیں گے۔
حکومت نے یہ بھی واضح کیا ہے کہ یہ اضافہ پہلے سے دی جانے والی کسی بھی خصوصی اضافی پنشن پر لاگو نہیں ہوگا، بلکہ صرف بنیادی نیٹ پنشن کی بنیاد پر ادا کیا جائے گا۔
ماہرین کے مطابق سرکاری ملازمین پنشن میں اضافہ کا یہ فیصلہ بڑھتی مہنگائی کے پیش نظر ریٹائرڈ ملازمین کے لیے اہم ریلیف ثابت ہوگا اور ان کے ماہانہ اخراجات پورے کرنے میں مدد فراہم کرے گا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار