پاکستان میں واٹس ایپ اکاؤنٹس ہائی جیکنگ کے واقعات میں اضافہ
اشاعت کی تاریخ: 13th, January 2026 GMT
data-id="863a0a8" data-element_type="widget" data-widget_type="theme-post-content.default">
پاکستان میں واٹس ایپ اکاؤنٹس کو ہائی جیک کرنے کے واقعات تشویشناک حد تک بڑھ گئے ہیں، جس پر قومی ایمرجنسی ریسپانس ٹیم (نیشنل سرٹ) نے ملک بھر میں الرٹ جاری کر دیا ہے۔
نیشنل سرٹ کے مطابق سائبر کرائم کرنے والے جعلی کالز، فیک لنکس، ون ٹائم پاس ورڈز (OTP) اور کیو آر کوڈز کے ذریعے صارفین کے واٹس ایپ اکاؤنٹس پر قبضہ کر رہے ہیں، یہ حملے صرف عام صارفین تک محدود نہیں بلکہ کاروباری اور دفتری واٹس ایپ اکاؤنٹس بھی شدید خطرے میں ہیں۔
سائبر حملہ آور خود کو واٹس ایپ سپورٹ، ٹیلی کام کمپنی یا صارف کے جاننے والے کے طور پر ظاہر کر کے حساس معلومات حاصل کرتے ہیں، جس کے بعد وہ اکاؤنٹ استعمال کرتے ہوئے فراڈ، جعلی پیغامات اور پیسے بٹورنے جیسے جرائم انجام دیتے ہیں۔
نیشنل سرٹ کے مطابق مشکوک لاگ آؤٹ، انجان ڈیوائسز پر اکاؤنٹ کا لاگ ان ہونا اور بغیر مانگے OTP موصول ہونا اکاؤنٹ ہائی جیک ہونے کی واضح علامات ہیں۔
صارفین کو ہدایت کی گئی ہے کہ اپنا واٹس ایپ کوڈ، PIN یا QR کوڈ کسی کے ساتھ شیئر نہ کریں، ٹو اسٹپ ویریفکیشن اور ریکوری ای میل لازمی فعال کریں اور مشکوک سرگرمی دیکھنے پر فوری رپورٹ کریں۔ متاثرہ صارفین کو واٹس ایپ دوبارہ انسٹال کرکے اپنا نمبر دوبارہ ویریفائی کرنے کی بھی ہدایت کی گئی ہے۔
ذریعہ
ذریعہ: Jasarat News
کلیدی لفظ: واٹس ایپ اکاؤنٹس
پڑھیں:
پاکستان اور اٹلی کے سفارتی پاسپورٹ ہولڈرز کیلئے ویزا ختم کرنے کا معاہدہ
روم (ڈیلی پاکستان آن لائن) پاکستان اور اٹلی کے سفارتی پاسپورٹ ہولڈرز کے لئے ویزا ختم کرنے کا معاہدہ ہوگیا۔
نجی ٹی وی چینل دنیا نیوز کے مطابق پاکستان اور اٹلی کے سفارتی پاسپورٹ ہولڈرز کے لئے ویزا ختم کرنے کے معاہدے پر دستخط کی تقریب اٹلی وزارت خارجہ روم میں منعقد ہوئی۔ معاہدہ سفارتی وفود کے تبادلوں میں آسانی اور روابط مضبوط کرے گا۔
مزید :
وزارت آئی ٹی نے 1.67 ارب روپے سے زاید کے فنڈز طلب کرلیے