عالمی سطح پر جے ایف-17 میں بڑھتی دلچسپی قومی دفاعی صنعت پر اعتماد کا اظہار ہے‘ صدر لاہور چیمبر
اشاعت کی تاریخ: 14th, January 2026 GMT
data-id="863a0a8" data-element_type="widget" data-widget_type="theme-post-content.default">
لاہور (کامرس ڈٰیسک) لاہور چیمبر آف کامرس اینڈ انڈسٹری کے صدر فہیم الرحمن سہگل نے جے ایف-17 تھنڈر لڑاکا طیاروں کی برآمدات میں بڑھتی ہوئی عالمی دلچسپی کو پاکستان کے لیے ایک انتہائی خوش آئند اور حوصلہ افزا پیش رفت قرار دیا ہے۔انہوں نے کہا کہ بنگلہ دیش، سعودی عرب، آذربائیجان اور دیگر ممالک کی جانب سے جے ایف-17 تھنڈر کی خریداری یا اس میں دلچسپی اس بات کا واضح ثبوت ہے کہ پاکستان کی دفاعی صنعت بین الاقوامی سطح پر اعتماد حاصل کر چکی ہے۔حالیہ برسوں میں پاکستان ایئر فورس کی پیشہ ورانہ صلاحیت، آپریشنل کامیابیاں اور مقامی طور پر تیار کردہ جدید ٹیکنالوجی نے پاکستان کو دفاعی پیداوار کے میدان میں ایک مضبوط ملک کے طور پر متعارف کرایا ہے۔فہیم الرحمن سہگل نے کہا کہ دفاعی برآمدات، خصوصاً جے ایف-17 جیسے ہائی ٹیک اور ویلیو ایڈڈ منصوبے، پاکستان کی معیشت کے لیے گیم چینجر ثابت ہو سکتے ہیں۔ان منصوبوں کے نتیجے میں نہ صرف اربوں ڈالر کا قیمتی زرمبادلہ حاصل ہوگا بلکہ روزگار کے نئے مواقع پیدا ہوں گے، مقامی انجینئرنگ اور ایوی ایشن انڈسٹری کو فروغ ملے گا اور ٹیکنالوجی ٹرانسفر کے عمل کو بھی تقویت ملے گی۔انہوں نے کہا کہ جے ایف-17 تھنڈر کی برآمدات پاکستان کے صنعتی ڈھانچے کی مضبوطی کی علامت ہیں، جو اس بات کا ثبوت ہے کہ پاکستان اب محض خام مال یا لو ویلیو مصنوعات تک محدود نہیں رہا بلکہ ہائی ٹیک اور اسٹریٹجک مصنوعات بھی عالمی منڈی میں پیش کرنے کی صلاحیت رکھتا ہے۔اس پیش رفت سے پاکستان کی عالمی ساکھ میں اضافہ ہوگا اور بیرونی سرمایہ کاروں کے اعتماد کو بھی تقویت ملے گی۔صدر لاہور چیمبر نے مزید کہا کہ دفاعی پیداوار کے شعبے میں کامیابی دیگر صنعتی شعبوں کے لیے بھی ایک رول ماڈل بن سکتی ہے۔ اگر حکومت، نجی شعبہ اور دفاعی ادارے باہمی تعاون کے ساتھ کام کریں تو انجینئرنگ، آٹوموبائل، الیکٹرانکس اور آئی ٹی جیسے شعبوں میں بھی برآمدی صلاحیت میں نمایاں اضافہ ممکن ہے۔انہوں نے حکومت پر زور دیا کہ وہ دفاعی اور ہائی ٹیک برآمدات کو قومی برآمدی حکمت عملی کا حصہ بنائے، پالیسیوں میں تسلسل یقینی بنائے اور برآمد کنندگان کو طویل المدتی سہولیات فراہم کرے تاکہ پاکستان آئی ایم ایف جیسے مالیاتی پروگراموں پر انحصار کم کر سکے اور پائیدار معاشی خودمختاری کی جانب بڑھ سکے۔
ذریعہ
ذریعہ: Jasarat News
پڑھیں:
ایران-امریکا مجوزہ معاہدہ، عالمی مارکیٹ میں تیل کی قیمت میں کمی
ایران کی جانب سے امریکا کے ساتھ مجوزہ معاہدے پر نظرثانی کی رپورٹس کے بعد عالمی مارکیٹ میں تیل کی قیمت گر گئی ہے۔
غیرملکی خبرایجنسی نے بتایا کہ ایران کی جانب سے امریکی مجوزہ معاہدے کا جائزہ لینے کی ایرانی میڈیا کی رپورٹس کے بعد عالمی مارکیٹ میں تیل کی قیمتیں کم ہوگئی ہیں جو پہلے سیشن میں بلند ہوگئی تھیں۔
عالمی مارکیٹ میں برینٹ خام تیل کی قیمت 0.69 ڈالر یا 0.7 فیصد کمی کے ساتھ 94.29 ڈالر فی بیرل اور ویسٹ ٹیکساس کی قیمت 0.82 ڈالر یا 0.9 فیصد کمی کے بعد 91.34 ڈالر فی بیرل کی سطح پر آگئی ہے۔
گزشتہ کے اواخر میں امریکا اور ایران کے درمیان امن معاہدے کی امیدوں کی توقعات پر تیل کی قیمت 16 فیصد سے زیادہ کمی آئی تھی لیکن گزشتہ روز برینٹ اور ویسٹ ٹیکساس کی قیمتوں میں بالترتیب 3 اور 5 فیصد اضافہ ہوگیا تھا۔
امریکی صدر ڈونلڈ ٹرمپ نے بیان میں کہا تھا کہ ایران کے ساتھ مذاکرات جاری ہیں اور اگلے ہفتے کے بعد جنگ بندی میں توسیع اور آبنائے ہرمز کی بحالی کے لیے معاہدہ ہوسکتا ہے۔
ایرانی میڈیا نے رپورٹ کیا کہ عارضی امریکا تجاویز پر تاحال ایران کی جانب سے کوئی جواب نہیں دیا گیا ہے تاہم جائزہ لیا جا رہا ہے۔
امریکا اور ایران کے درمیان مذاکرات میں پیش رفت کی رپورٹس کے باوجود آبنائے ہرمز سے تیل کی سپلائی بدستور محدود ہے اور ماہرین نے تیل کے سرمایہ کاروں کے لیے یہ خطرناک قرار دیا ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے