دورۂ جنوبی افریقہ، پاکستان ویمنز ٹیم کے ون ڈے اور ٹی20 اسکواڈز کا اعلان
اشاعت کی تاریخ: 14th, January 2026 GMT
پاکستان کرکٹ بورڈ (پی سی بی) نے جنوبی افریقہ کے آئندہ دورے کے لیے پاکستان ویمنز ٹیم کے ون ڈے انٹرنیشنل اور ٹی20 انٹرنیشنل اسکواڈز کا اعلان کر دیا ہے۔ یہ دورہ 10 فروری سے پوچیفسٹروم میں شروع ہوگا۔
پاکستان ویمنز ٹیم کی قیادت دونوں فارمیٹس میں فاطمہ ثنا ہی کریں گی، جبکہ یہ دورہ جون 2026 میں ہونے والے آئی سی سی ویمنز ٹی20 ورلڈ کپ کی تیاریوں کا بھی اہم حصہ قرار دیا جا رہا ہے۔
یہ بھی پڑھیے: ویمنز کرکٹ ورلڈ کپ: جنوبی افریقہ اور انڈیا کا فائنل میں مقابلہ تاریخ ساز کیوں؟
علیہ ریاض، عائشہ ظفر، گل فیروزہ، منیبہ علی، نشرہ سندھو، نتالیہ پرویز، رمین شمیم، سعدیہ اقبال، صدیقہ امین اور تسمیہ رباب دونوں اسکواڈز میں شامل ہیں۔ جبکہ ان کیپڈ بیٹر سائرہ جبین اور دائیں ہاتھ کی فاسٹ بولر ہمنہ بلال کو پہلی مرتبہ ٹی20 انٹرنیشنل اسکواڈ میں شامل کیا گیا ہے۔
اوپننگ بیٹرز عائشہ ظفر اور گل فیروزہ کے ساتھ بائیں ہاتھ کی فاسٹ بولر تسمیہ رباب اور وکٹ کیپر بیٹر ناجیہ علوی کو 15 رکنی ون ڈے اسکواڈ میں شامل کیا گیا ہے، جو اس سے قبل ون ڈے ورلڈ کپ اسکواڈ کا حصہ نہیں تھیں۔
ڈیانہ بیگ، ناجیہ علوی، صدف شمس اور سیدہ عروب شاہ صرف ون ڈے اسکواڈ کا حصہ ہوں گی، جبکہ ہمنہ بلال، سائرہ جبین، طوبیٰ حسن اور ایمن فاطمہ صرف ٹی20 اسکواڈ میں شامل کی گئی ہیں۔
یہ بھی پڑھیے: عالیار کرکٹر بنے تو یہ نہ کہا جائے کہ میرا بیٹا ہونے کی وجہ سے ٹیم میں شامل ہوا، شاہین آفریدی
دورے کے دوران ٹیم کے مینٹور وہاب ریاض ہوں گے، جن کی معاونت تجربہ کار کوچنگ اسٹاف کرے گا، جس میں عمران فرحت (بیٹنگ کوچ)، امید آصف (فاسٹ بولنگ کوچ)، عبدالرؤف رحمان (اسپن بولنگ کوچ) اور عبدالمجید (فیلڈنگ کوچ) شامل ہیں۔
سیریز سے قبل تربیتی کیمپ یکم جنوری سے حنیف محمد ہائی پرفارمنس سینٹر، کراچی میں شروع ہوگا۔
ٹی20 میچز 10 سے 16 فروری کے درمیان پوچیفسٹروم، بینونی اور کمبرلے میں کھیلے جائیں گے اور تمام میچز ڈے اینڈ نائٹ ہوں گے۔ اس کے بعد پاکستان ٹیم ون ڈے سیریز سے قبل 19 فروری کو کمبرلے میں 50 اوورز کا وارم اپ میچ کھیلے گی۔
ون ڈے سیریز کے 3 میچز 22 فروری سے یکم مارچ کے دوران بلوم فونٹین، سینچورین اور ڈربن میں ہوں گے۔ دوسرا ون ڈے ڈے اینڈ نائٹ ہوگا، جبکہ پہلا اور تیسرا ون ڈے دن کے وقت کھیلا جائے گا۔
یہ بھی پڑھیے: بھارتی کرکٹ بورڈ کا متعصبانہ فیصلہ، بنگلہ دیشی کھلاڑی کو آئی پی ایل سے باہر کر دیا گیا
واضح رہے کہ پاکستان ویمنز ٹیم جنوری 2021 کے بعد پہلی بار 2 طرفہ سیریز کے لیے جنوبی افریقہ کا دورہ کر رہی ہے۔ اس سے قبل فروری 2023 میں پاکستان ٹیم نے آئی سی سی ویمنز ٹی20 ورلڈ کپ میں جنوبی افریقہ میں شرکت کی تھی۔
ٹی20 اسکواڈفاطمہ ثنا (کپتان)، علیہ ریاض، عائشہ ظفر، ایمن فاطمہ، گل فیروزہ (وکٹ کیپر)، ہمنہ بلال، منیبہ علی (وکٹ کیپر)، نشرہ سندھو، نتالیہ پرویز، رمین شمیم، سعدیہ اقبال، سائرہ جبین، صدیقہ امین، تسمیہ رباب، طوبیٰ حسن
ون ڈے اسکواڈفاطمہ ثنا (کپتان)، علیہ ریاض، عائشہ ظفر، ڈیانہ بیگ، گل فیروزہ، منیبہ علی (وکٹ کیپر)، ناجیہ علوی (وکٹ کیپر)، نشرہ سندھو، نتالیہ پرویز، رمین شمیم، صدف شمس، سعدیہ اقبال، صدیقہ امین، سیدہ عروب شاہ، تسمیہ رباب
سپورٹ اسٹافوہاب ریاض (مینٹور)، عمران فرحت (بیٹنگ کوچ)، امید آصف (فاسٹ بولنگ کوچ)، عبدالرؤف رحمان (اسپن بولنگ کوچ)، عبدالمجید (فیلڈنگ کوچ)، معین (اسٹرینتھ اینڈ کنڈیشننگ کوچ)، ولید احمد (پرفارمنس اینالسٹ)، عائشہ اشعر (ٹیم منیجر)، تحریم سمبل (فزیوتھراپسٹ) اور رضا رشید کچلو (میڈیا منیجر)
دورۂ جنوبی افریقہ شیڈول (10 فروری تا 1 مارچ)10 فروری – پہلا ٹی20، پوچیفسٹروم (ڈے/نائٹ)
13 فروری – دوسرا ٹی20، بینونی (ڈے/نائٹ)
16 فروری – تیسرا ٹی20، کمبرلے (ڈے/نائٹ)
19 فروری – 50 اوور وارم اپ میچ، کمبرلے (دن)
22 فروری – پہلا ون ڈے، بلوم فونٹین (دن)
25 فروری – دوسرا ون ڈے، سینچورین (ڈے/نائٹ)
1 مارچ – تیسرا ون ڈے، ڈربن (دن)
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پی سی بی ٹی20 انٹرنیشنل کرکٹ ویمنز کرکٹ.
ذریعہ
ذریعہ: WE News
کلیدی لفظ: پی سی بی ٹی20 انٹرنیشنل کرکٹ ویمنز کرکٹ پاکستان ویمنز ٹیم جنوبی افریقہ تسمیہ رباب گل فیروزہ بولنگ کوچ وکٹ کیپر ڈے نائٹ ورلڈ کپ
پڑھیں:
سہیل آفریدی کا 10 جون کو قومی اسمبلی کے سامنے دھرنا دینے اور بجٹ کی منظوری روکنے کا اعلان
(ڈیلی پاکستان آن لائن)وزیراعلیٰ خیبرپختونخوا سہیل آفریدی کا کہنا ہے کہ اگر اس مرتبہ بھی انہیں دیوار سے لگانے کی کوشش کی گئی تو 10 جون کو ملک بھر سے پارلیمنٹیرین اسلام آباد پہنچ کر قومی اسمبلی کے سامنے دھرنا دیں گے اور وفاقی بجٹ پاس نہیں ہونے دیں گے۔اڈیالہ روڈ سے روانگی سے قبل میڈیا سے گفتگو میں سہیل آفریدی کا مزید کہنا تھا کہ خیبرپختونخوا حکومت بانی پی ٹی آئی کی جماعت کی حکومت ہے اور صوبے کے عوام نے بانی پی ٹی آئی کو ووٹ دیا ہے، اس لیے عوام کی خواہش ہے کہ صوبائی بجٹ ان کی ہدایات اور ترجیحات کے مطابق مرتب کیا جائے۔انہوں نے کہا کہ وہ چاہتے ہیں کہ بجٹ کے حوالے سے بانی پی ٹی آئی سے ملاقات کر کے ان کی منظوری حاصل کی جائے۔
وزیر داخلہ محسن نقوی سے گورنر خیبرپختونخوا فیصل کریم کنڈی کی ملاقات، امن عامہ کی صورتحال اور اہم امور پر تبادلۂ خیال
سہیل آفریدی نے اعلان کیا کہ وہ کل اسلام آباد ہائیکورٹ میں ایک درخواست دائر کریں گے اور امید ہے کہ اس مرتبہ ملاقات کی اجازت مل جائے گی۔ انہوں نے الزام عائد کیا کہ آج بھی بانی پی ٹی آئی کے اہل خانہ کو ملاقات کی اجازت نہیں دی گئی۔وزیراعلیٰ خیبرپختونخوا نے کہا کہ بانی پی ٹی آئی نے کوئی جرم نہیں کیا بلکہ انہیں ناحق قید رکھا گیا ہے۔ ان کے بقول پنجاب حکومت اور جیل انتظامیہ کی غفلت کے باعث بانی پی ٹی آئی کی آنکھ میں مسئلہ پیدا ہوا جبکہ عوام میں اس بات پر تشویش پائی جاتی ہے کہ ملاقاتوں پر پابندی کیوں عائد کی جا رہی۔
مایوسی کا دور ختم ، ہم ایک ماہ میں پوسٹ حج آپریشن کامیابی سے مکمل کریں گے: کنٹری منیجر ظہیرالدین آغا
سہیل آفریدی نے کہا کہ خیبرپختونخوا کے عوام نے بانی پی ٹی آئی کو مینڈیٹ دیا ہے اور صرف وہی وزیراعلیٰ کو تبدیل کرنے کا اختیار رکھتے ہیں۔ انہوں نے بتایا کہ وفاقی وزیر داخلہ محسن نقوی سے ان کی ملاقات بیرسٹر گوہر کی درخواست پر ہوئی تھی، علاقائی صورتحال پر گفتگو کرتے ہوئے انہوں نے کہا کہ افغانستان پاکستان کا برادر اسلامی ملک ہے اور کسی کی خوشنودی کے لیے دونوں ممالک کے تعلقات خراب نہیں ہونے چاہئیں۔
ان کا کہنا تھا کہ بانی پی ٹی آئی ہمیشہ یہ مؤقف رکھتے ہیں کہ جنگ کسی مسئلے کا حل نہیں اور پاکستان کو خطے میں ثالثی کا کردار ادا کرنا چاہیے، خیبرپختونخوا کے آئندہ بجٹ میں سماجی بہبود، تعلیم اور صحت کے شعبوں کو ترجیح دی گئی ہے۔کرپشن کے الزامات کے حوالے سے وزیراعلیٰ نے کہا کہ ان کے دفتر کے دروازے سب کے لیے کھلے ہیں اور اگر کسی کے پاس کرپشن کے ثبوت ہیں تو وہ سامنے لائے۔
بری طرح تھکا ہوا تھا، خستہ حال بے خوابی سے بوجھل سوجی آنکھوں میں نیند کی شدت کا درد، آتے ہی چارپائی پر ایسا گرا کہ شام تک ہوش ہی نہیں آیا
مزید :
وزارت آئی ٹی نے 1.67 ارب روپے سے زاید کے فنڈز طلب کرلیے