پی سی بی نے ملتان سلطانز کی ملکیت کے حقوق کے لیے بولیاں طلب کر لیں
اشاعت کی تاریخ: 14th, January 2026 GMT
پاکستان کرکٹ بورڈ (پی سی بی) نے بدھ کے روز پاکستان سپر لیگ (پی ایس ایل) کی فرنچائز ملتان سلطانز کی ملکیت کے حقوق کے لیے باضابطہ طور پر بولیاں طلب کر لی ہیں۔
اس حوالے سے پی سی بی کی جانب سے اشتہار جاری کیا گیا ہے تاکہ دلچسپی رکھنے والے سرمایہ کار اور گروپس سامنے آ سکیں۔ پی سی بی کے مطابق 2021 کی چیمپئن فرنچائز ملتان سلطانز کے حقوق کے لیے خواہش مند امیدوار اپنی تکنیکی تجاویز 30 جنوری تک جمع کرا سکتے ہیں۔ صرف وہی بولی دہندگان اگلے مرحلے میں شامل ہوں گے جو تکنیکی معیار پر پورا اتریں گے۔
یہ بھی پڑھیے: ملتان سلطانز کو منافع میں لاکر دکھائیں گے، پی سی بی چیئرمین محسن نقوی کا نام لیے بغیر علی ترین کو چیلنج
اس سے قبل رپورٹس میں بتایا گیا تھا کہ پی سی بی حالیہ 2 نئی پی ایس ایل ٹیموں کی کامیاب اور بلند مالیت پر فروخت کے بعد ملتان سلطانز کو بھی نیلام کرنے پر غور کر رہا ہے۔ گزشتہ ماہ بورڈ نے اعلان کیا تھا کہ 31 دسمبر 2025 کو موجودہ معاہدے کی مدت ختم ہونے کے بعد ملتان سلطانز کا کنٹرول پی سی بی خود سنبھال لے گا۔
ابتدائی منصوبے کے مطابق پی سی بی ایک سال تک فرنچائز خود چلانے کے بعد 2027 میں اسے نیلام کرنے کا ارادہ رکھتا تھا۔ اگر یہ منصوبہ نافذ ہوتا تو بورڈ کو سالانہ تقریباً 40 لاکھ ڈالر کی بچت متوقع تھی، کیونکہ مرکزی ریونیو پول سے 30 لاکھ ڈالر اور اسپانسرشپ کی مد میں مزید 10 لاکھ ڈالر دینے کی ضرورت نہ رہتی۔ تاہم آڈٹ رپورٹ میں یہ نشاندہی بھی کی گئی کہ اس صورت میں پی سی بی کو اس سال کے لیے 85 لاکھ ڈالر کی فرنچائز فیس سے محروم ہونا پڑتا۔
یہ بھی پڑھیے: پاکستان سپر لیگ سے قبل ’ملتان سلطانز‘ کی نیلامی کا فیصلہ
نومبر میں ملتان سلطانز کے مالک علی ترین نے سوشل میڈیا کے ذریعے فرنچائز سے علیحدگی کا اعلان کیا تھا۔ ذرائع کے مطابق گزشتہ ایک سال کے دوران علی ترین اور پی سی بی کے تعلقات کشیدہ رہے جو بالآخر ناقابلِ اصلاح حد تک پہنچ گئے۔
ملتان سلطانز کو ابتدا میں چھٹی پی ایس ایل فرنچائز کے طور پر شون گروپ کو 52 لاکھ ڈالر کے معاہدے کے تحت دیا گیا تھا، جو اس وقت سب سے مہنگی ٹیم تھی۔ اس کے مقابلے میں کراچی کنگز 26 لاکھ ڈالر میں حاصل کی گئی تھی۔
فرنچائز کی فروخت کا فیصلہ پی سی بی کی جانب سے حالیہ 2 نئی ٹیموں، حیدرآباد اور سیالکوٹ، کی کامیاب نیلامی کے بعد سامنے آیا ہے، جس کے نتیجے میں پی ایس ایل 11 میں ٹیموں کی تعداد آٹھ ہو گئی ہے۔
یہ بھی پڑھیے: وسیم اکرم پی ایس ایل کے برانڈ ایمبیسڈر مقرر، ملتان سلطانز سے متعلق بھی اہم اعلان
پی سی بی کے چیئرمین محسن نقوی نے 28 دسمبر کو میڈیا کانفرنس میں تصدیق کی تھی کہ آئندہ پی ایس ایل کے 11ویں ایڈیشن، جو 26 مارچ سے 3 مئی 2026 تک شیڈول ہے، کے دوران ملتان سلطانز کو پی سی بی خود چلائے گا، جس کے بعد فرنچائز کی نیلامی کی جائے گی۔
محسن نقوی کا کہنا تھا کہ ‘اس سال ملتان سلطانز کو پی سی بی آپریٹ کرے گا۔ پی ایس ایل کے اختتام کے بعد فرنچائز کو نیلامی کے لیے پیش کیا جائے گا۔’
انہوں نے مزید بتایا کہ جلد ایک عبوری انتظامی ڈھانچہ تشکیل دیا جائے گا۔ ‘آئندہ 8 سے 10 دنوں میں ایک قائم مقام سربراہ مقرر کیا جائے گا جبکہ ایک پیشہ ور کرکٹر کو بھی اس سیزن کے لیے ٹیم مینجمنٹ کی ذمہ داری دی جائے گی۔’
واضح رہے کہ پی ایس ایل کا آغاز 2016 میں پانچ ٹیموں سے ہوا تھا جبکہ 2018 میں چھٹی ٹیم شامل کی گئی۔ اب 11ویں ایڈیشن میں دو نئی فرنچائزز کی شمولیت کے بعد لیگ مزید وسعت اختیار کر چکی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پی سی بی کرکٹ ملتان سلطانز.
ذریعہ
ذریعہ: WE News
کلیدی لفظ: پی سی بی کرکٹ ملتان سلطانز ملتان سلطانز کو پی ایس ایل لاکھ ڈالر پی سی بی کے بعد کے لیے
پڑھیں:
ملک کے مختلف علاقوں میں بارشوں کا سلسلہ جاری، پنجاب، خیبرپختونخوا اور کشمیر میں مزید بارش کی پیشگوئی
ملک بھر میں مون سون کا سلسلہ برقرار ہے، جبکہ محکمہ موسمیات نے آج جمعہ کے روز پنجاب، اسلام آباد، خیبرپختونخوا، شمال مشرقی بلوچستان، آزاد کشمیر اور گلگت بلتستان کے مختلف علاقوں میں گرج چمک کے ساتھ بارش اور چند مقامات پر موسلادھار بارش کی پیش گوئی کی ہے۔
محکمہ موسمیات کے مطابق بحیرہ عرب اور خلیج بنگال سے آنے والی مون سون ہوائیں ملک کے بالائی علاقوں پر اثرانداز ہیں، جبکہ مغربی ہواؤں کا ایک سلسلہ بھی موسم کو متاثر کر رہا ہے۔ اس کے باعث بالائی اور وسطی علاقوں میں بارشوں کا امکان برقرار رہے گا۔
پیش گوئی کے مطابق اسلام آباد، راولپنڈی، لاہور، گوجرانوالہ، سیالکوٹ، نارووال، شیخوپورہ، فیصل آباد، سرگودھا، مری، گلیات، جہلم، اٹک اور چکوال سمیت پنجاب کے مختلف اضلاع میں وقفے وقفے سے بارش متوقع ہے۔ خیبرپختونخوا کے پشاور، مردان، صوابی، نوشہرہ، ایبٹ آباد، مانسہرہ، سوات، دیر، چترال، کوہستان اور دیگر بالائی علاقوں میں بھی گرج چمک کے ساتھ بارش کا امکان ظاہر کیا گیا ہے۔
Hours of torrential rain have triggered severe flooding in Lahore, submerging thousands of homes and affecting millions in Pakistan’s second-largest city. The extreme monsoon weather has caused widespread damage, according to emergency services. Residents say it is the worst… pic.twitter.com/IYCbDSEg9Y
— Al Arabiya English (@AlArabiya_Eng) July 22, 2026
آزاد کشمیر اور گلگت بلتستان میں بھی بارش کا سلسلہ جاری رہنے کی توقع ہے، جبکہ شمال مشرقی بلوچستان کے کوئٹہ، زیارت، ژوب، موسیٰ خیل، بارکھان اور ملحقہ علاقوں میں کہیں کہیں بارش ہو سکتی ہے۔ سندھ کے بالائی اور جنوب مشرقی علاقوں میں چند مقامات پر بارش کا امکان ہے، تاہم صوبے کے بیشتر علاقوں میں موسم گرم اور مرطوب رہے گا۔
محکمہ موسمیات نے خبردار کیا ہے کہ بعض علاقوں میں شدید بارش کے باعث شہری علاقوں میں اربن فلڈنگ، برساتی ندی نالوں میں طغیانی اور پہاڑی علاقوں میں لینڈ سلائیڈنگ کا خطرہ موجود ہے۔ متعلقہ اداروں کو پیشگی اقدامات کرنے جبکہ شہریوں، بالخصوص سیاحوں اور پہاڑی علاقوں کا سفر کرنے والوں کو احتیاط برتنے کی ہدایت کی گئی ہے۔
یہ بھی پڑھیں:خیبر میں سیلابی ریلوں سے 6 افراد جاں بحق، ریسکیو 1122 کا بڑا آپریشن مکمل
ادھر قومی و صوبائی ڈیزاسٹر مینجمنٹ اداروں نے بھی مقامی انتظامیہ کو الرٹ رہنے کی ہدایت کی ہے تاکہ کسی بھی ہنگامی صورتحال سے بروقت نمٹا جا سکے۔ شہریوں سے کہا گیا ہے کہ تیز بارش، آندھی یا گرج چمک کے دوران غیر ضروری سفر سے گریز کریں اور موسم سے متعلق سرکاری ہدایات پر عمل کریں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
این ڈی ایم اے بارش پاکستان سیلاب محکمہ موسمیات
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار