جسٹس محسن اختر کیانی کا پریکٹس اینڈ پروسیجر رولز سے متعلق بڑا حکم
اشاعت کی تاریخ: 14th, January 2026 GMT
جسٹس محسن اختر کیانی کا پریکٹس اینڈ پروسیجر رولز سے متعلق بڑا حکم WhatsAppFacebookTwitter 0 14 January, 2026 سب نیوز
اسلام آباد: اسلام آباد ہائی کورٹ کے جسٹس محسن اختر کیانی نے ہائیکورٹ کے پریکٹس اینڈ پروسیجر رولز کو 48 گھنٹوں کے اندر عدالت کی سرکاری ویب سائٹ پر اپ لوڈ کرنے کا حکم دے دیا۔ عدالت نے ہدایت کی کہ ان رولز کی کاپیاں اسلام آباد ہائی کورٹ اور تمام ڈسٹرکٹ بار ایسوسی ایشنز کو بھی فراہم کی جائیں۔
یہ حکم پی ٹی سی ایل کی درخواست پر سماعت کے دوران جاری کیا گیا۔ دورانِ سماعت جسٹس محسن اختر کیانی نے وکیلِ درخواست گزار سے پریکٹس اینڈ پروسیجر رولز سے متعلق استفسار کیا جس پر وکیل نے رولز کی تفصیلات سے لاعلمی کا اظہار کرتے ہوئے کہا کہ وہ رولز کے حصول کے لیے درخواست دے رہے ہیں۔
اس موقع پر جسٹس محسن اختر کیانی نے ریمارکس دیتے ہوئے کہا کہ “ہم نے وہ ہائی کورٹ رولز بنائے جو ہمیں خود بھی دستیاب نہیں، میں جج ہوں مجھے بھی نہیں ملے تو آپ کو کیسے ملیں گے۔”
جسٹس محسن اختر کیانی نے مزید کہا کہ فل کورٹ نے پریکٹس اینڈ پروسیجر رولز منظور کیے لیکن انہیں عوام کے لیے جاری نہیں کیا گیا اور یہ ایک طرح سے سیکریٹ ڈاکومنٹ بن چکے ہیں۔
عدالت میں مکالمے کے دوران جسٹس محسن اختر کیانی نے وکیل کو ہدایت کی کہ وہ رجسٹرار کو رولز فراہم کرنے کے لیے تحریری درخواست دے دیں۔ وکیلِ درخواست گزار نے بتایا کہ وہ وزارتِ قانون کو درخواست لکھیں گے، جس پر جسٹس محسن اختر کیانی نے ریمارکس دیے کہ ایسی درخواستوں پر تین تین ماہ لگ جاتے ہیں اور رجسٹرار کے پاس موجود دستاویزات بھی بروقت فراہم نہیں کی جاتیں۔
جسٹس محسن اختر کیانی نے واضح کیا کہ 48 گھنٹوں میں پریکٹس اینڈ پروسیجر رولز ویب سائٹ پر اپ لوڈ کرنے کی ہدایت جاری کی جا چکی ہے اور اگر حکم پر عمل نہ ہوا تو فوجداری کارروائی کی درخواست دائر کی جا سکتی ہے، جس پر رجسٹرار کو طلب کر لیا جائے گا۔
بعد ازاں وکیلِ درخواست گزار نے کیس کی سماعت 29 جنوری کو مقرر کرنے کی استدعا کی، تاہم جسٹس محسن اختر کیانی نے ریمارکس دیے کہ انہیں معلوم نہیں کہ وہ اس تاریخ کو عدالت میں موجود ہوں گے یا نہیں۔ عدالت نے کیس کی مزید سماعت ملتوی کر دی۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرآسٹریلوی کرکٹ ٹیم کے رواں ماہ دورہ پاکستان کی تاریخوں کا اعلان چین اور پاکستان کی لازوال دوستی کا عملی مظاہرہ، جدہ میں چینی ٹرک معاہدہ طے پا گیا منی لانڈرنگ کیسز: سزاؤں پر عمل درآمد تیز کرنے کیلئے ایف آئی اے کی دو خصوصی ٹیمیں قائم سچ ہے کچھ فرمز ملک سے جا رہی ہیں، تسلیم کرنا ہوگا ٹیکس، انرجی قیمت زیادہ ہے: وزیر خزانہ صدر مملکت بحرین کے 4 روزہ سرکاری دورے پر منامہ پہنچ گئے ٹرمپ کا سپریم کورٹ کو ٹیرف کے معاملے پر انتباہ: فیصلہ خلاف آیا تو اربوں ڈالر کی ادائیگیاں ناممکن ہوں گی جنگ کے دوران پاکستان کے پاس تمام معلومات تھیں کہ ہمارا کون سا جہاز، طیارہ اور یونٹ کہاں ہے‘؟ بھارتی آرمی چیف کا اعترافCopyright © 2025, All Rights Reserved
رابطہ کریں ہماری ٹیم.
ذریعہ
ذریعہ: Daily Sub News
کلیدی لفظ: پریکٹس اینڈ پروسیجر رولز جسٹس محسن اختر کیانی
پڑھیں:
وفاقی کابینہ، ادویات ٹریک اینڈ ٹریس سسٹم نفاذ کی باقاعدہ منظوری دے دی
اسلام آباد،وفاقی وزیرِ صحت مصطفیٰ کمال (mustafa kamal)نے کہا ہے کہ وفاقی کابینہ نے ملک بھر میں ادویات پر ٹریک اینڈ ٹریس سسٹم کے نفاذ کی باضابطہ منظوری دے دی ہے۔
اس سلسلے میں ڈرگ لیبلنگ اینڈ پیکنگ رولز 1978 میں ضروری ترامیم کی بھی منظوری دے دی گئی ہے۔منگل کو جاری بیان کے مطابق وفاقی وزیرِ صحت نے کہا کہ یہ فیصلہ پاکستان میں جعلی ادویات کے خاتمے کی جانب ایک بڑا اور تاریخی قدم ہے۔
پہلی بار ملک میں ہر دوا کو ڈیجیٹل طریقے سے ٹریک اور ویریفائی کیا جا سکے گا، جس سے جعلی، غیر معیاری اور نقلی ادویات کی مؤثر نشاندہی اور ان کے خاتمے میں مدد ملے گی۔
انہوں نے کہا کہ نئے نظام کے نفاذ کے بعد عام صارفین باآسانی دوا کی میعادِ استعمال، قیمت اور دیگر اہم معلومات کی مستند تصدیق کر سکیں گے، جس سے عوام کا ادویات کے نظام پر اعتماد مزید مضبوط ہوگا۔
مصطفیٰ کمال نے بتایا کہ ڈرگ ریگولیٹری اتھارٹی آف پاکستان اس جدید نظام کو ملک بھر میں نافذ کرے گی۔ نئے قواعد کے تحت تمام دوا ساز کمپنیوں اور درآمد کنندگان کے لیے لازم ہوگا کہ وہ ہر دوا کے پیک پر معیاری ٹو ڈی بارکوڈ اور سیریلائزیشن ڈیٹا درج کریں۔
وفاقی وزیرِ صحت نے کہا کہ یہ اہم اقدام پاکستان میں ادویات کی سپلائی چین کو محفوظ، شفاف اور معیاری بنانے کے لیے کیا گیا ہے۔
حکومت ادویات کے شعبے کو جدید خطوط پر استوار کرنے کے لیے عملی اقدامات کر رہی ہے اور ٹریک اینڈ ٹریس سسٹم کے نفاذ سے جعلی ادویات کے خلاف ایک مضبوط اور مؤثر دیوار قائم ہوگی۔
انہوں نے مزید کہا کہ پاکستان جدید ٹیکنالوجی کے استعمال میں خطے کے نمایاں ممالک میں شامل ہوگا۔ اس نظام کے ذریعے نگرانی کے روایتی طریقوں کی جگہ جدید ڈیجیٹل نظام لے گاجس سے عوام کی صحت، زندگی اور اعتماد کا مکمل تحفظ یقینی بنایا جا سکے گا۔
مزید پڑھیں:میئر لندن، 16 سال سے کم عمر بچوں کیلئے سوشل میڈیا پر پابندی کی حمایت
وفاقی وزیرِ صحت کے مطابق ڈریپ کی جانب سے صنعت کو سہولت فراہم کرنے کے لیے جلد تکنیکی رہنما اصول جاری کیے جائیں گے، جبکہ متعلقہ فریقین کے ساتھ مشاورتی اجلاس بھی منعقد کیے جا چکے ہیں تاکہ نظام کے مؤثر اور مرحلہ وار نفاذ کو یقینی بنایا جا سکے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ