انڈر 19 ورلڈ کپ وارم اپ میچ، پاکستان نے امریکا کو شکست دے دی
اشاعت کی تاریخ: 14th, January 2026 GMT
data-id="863a0a8" data-element_type="widget" data-widget_type="theme-post-content.default">
آئی سی سی مینز انڈر 19 ورلڈ کپ کے وارم اپ میچ میں پاکستان کی نوجوان ٹیم نے شاندار کارکردگی کا مظاہرہ کرتے ہوئے امریکا کو 69 رنز سے شکست دے دی۔ بلاوایو ایتھلیٹک کلب میں کھیلے گئے اس میچ نے پاکستانی ٹیم کے اعتماد کو مزید مضبوط کر دیا ہے۔
میڈیا رپورٹس کے مطابق پاکستان نے ٹاس جیت کر پہلے بیٹنگ کا فیصلہ کیا اور مقررہ 50 اوورز میں 8 وکٹوں کے نقصان پر 294 رنز کا مضبوط مجموعہ ترتیب دیا۔ بیٹنگ کے دوران سمیر منہاس نے ذمہ دارانہ کھیل پیش کرتے ہوئے 74 رنز کی عمدہ اننگز کھیلی، جب کہ احمد حسین نے 43 رنز بنائے تاہم وہ دورانِ کھیل زخمی ہو کر میدان سے باہر چلے گئے۔ علی حسن بلوچ نے بھی 36 رنز کی کارآمد اننگز کھیل کر ٹیم کے اسکور کو مستحکم کیا۔
جواب میں امریکا کی انڈر 19 ٹیم مقررہ ہدف کے تعاقب میں 43.
میچ کے دوران پاکستانی ٹیم کی فیلڈنگ اور بولنگ نے بھی نمایاں کردار ادا کیا، جس کے باعث امریکا کو کسی مرحلے پر میچ میں واپسی کا موقع نہیں مل سکا۔ ٹیم انتظامیہ کا کہنا ہے کہ یہ وارم اپ میچ نوجوان کھلاڑیوں کے لیے قیمتی تجربہ ثابت ہوا ہے اور آئندہ میچز میں مزید بہتری کی توقع ہے۔
ذریعہ
ذریعہ: Jasarat News
پڑھیں:
ایران-امریکا مجوزہ معاہدہ، عالمی مارکیٹ میں تیل کی قیمت میں کمی
ایران کی جانب سے امریکا کے ساتھ مجوزہ معاہدے پر نظرثانی کی رپورٹس کے بعد عالمی مارکیٹ میں تیل کی قیمت گر گئی ہے۔
غیرملکی خبرایجنسی نے بتایا کہ ایران کی جانب سے امریکی مجوزہ معاہدے کا جائزہ لینے کی ایرانی میڈیا کی رپورٹس کے بعد عالمی مارکیٹ میں تیل کی قیمتیں کم ہوگئی ہیں جو پہلے سیشن میں بلند ہوگئی تھیں۔
عالمی مارکیٹ میں برینٹ خام تیل کی قیمت 0.69 ڈالر یا 0.7 فیصد کمی کے ساتھ 94.29 ڈالر فی بیرل اور ویسٹ ٹیکساس کی قیمت 0.82 ڈالر یا 0.9 فیصد کمی کے بعد 91.34 ڈالر فی بیرل کی سطح پر آگئی ہے۔
گزشتہ کے اواخر میں امریکا اور ایران کے درمیان امن معاہدے کی امیدوں کی توقعات پر تیل کی قیمت 16 فیصد سے زیادہ کمی آئی تھی لیکن گزشتہ روز برینٹ اور ویسٹ ٹیکساس کی قیمتوں میں بالترتیب 3 اور 5 فیصد اضافہ ہوگیا تھا۔
امریکی صدر ڈونلڈ ٹرمپ نے بیان میں کہا تھا کہ ایران کے ساتھ مذاکرات جاری ہیں اور اگلے ہفتے کے بعد جنگ بندی میں توسیع اور آبنائے ہرمز کی بحالی کے لیے معاہدہ ہوسکتا ہے۔
ایرانی میڈیا نے رپورٹ کیا کہ عارضی امریکا تجاویز پر تاحال ایران کی جانب سے کوئی جواب نہیں دیا گیا ہے تاہم جائزہ لیا جا رہا ہے۔
امریکا اور ایران کے درمیان مذاکرات میں پیش رفت کی رپورٹس کے باوجود آبنائے ہرمز سے تیل کی سپلائی بدستور محدود ہے اور ماہرین نے تیل کے سرمایہ کاروں کے لیے یہ خطرناک قرار دیا ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے