اقتصادی رابطہ کمیٹی کے اہم فیصلے: دفاع کیلیے 5 ارب روپے کی منظوری
اشاعت کی تاریخ: 14th, January 2026 GMT
اسلام آباد: وفاقی کابینہ کی اقتصادی رابطہ کمیٹی نے دفاع، ترقیاتی منصوبوں، آئی ٹی انفرا اسٹرکچر اور سماجی بہبود سے متعلق اہم فیصلے کرتے ہوئے مختلف شعبوں کے لیے اربوں روپے کی تکنیکی ضمنی گرانٹس کی منظوری دے دی ہے۔
وزارتِ خزانہ کے مطابق وزیر خزانہ سینیٹر محمد اورنگزیب کی زیرِ صدارت اجلاس منعقد ہوا، جس میں متعدد وفاقی وزرا اور اعلیٰ حکام نے شرکت کی۔ اجلاس میں دفاعی خدمات کے لیے 5 ارب 8 کروڑ روپے سے زائد کی تکنیکی ضمنی گرانٹ کی منظوری دی گئی، جو استعداد کار میں اضافے، انفر ااسٹرکچر کی بہتری، کمیونٹی انگیجمنٹ اور سائبر سیکورٹی اقدامات پر خرچ کی جائے گی۔
اقتصادی رابطہ کمیٹی نے فیصلہ کیا کہ یہ رقم مرحلہ وار جاری کی جائے گی اور آئندہ مالی سال سے دفاعی اخراجات کو باقاعدہ بجٹ کا حصہ بنایا جائے گا۔
ای سی سی نے پنجاب میں سسٹین ایبل ڈیولپمنٹ گولز اچیومنٹ پروگرام کے لیے 2 ارب روپے کی گرانٹ کی بھی منظوری دی، جس کا مقصد صوبے میں سماجی اور ترقیاتی اہداف کو آگے بڑھانا ہے۔ اس کے علاوہ خصوصی تعلیم کے فروغ کے لیے بھی اہم فیصلہ کیا گیا اور آٹزم کے شکار بچوں کی سہولت کے لیے درجنوں کوسٹر بسیں فراہم کرنے کی منظوری دی گئی۔
اجلاس میں وزارتِ انفارمیشن ٹیکنالوجی کی سمریوں پر غور کرتے ہوئے اسلام آباد میں آسان خدمت مرکز کے قیام کے لیے بھی خطیر رقم منظور کی گئی، جس سے شہریوں کو مختلف سرکاری خدمات ایک ہی جگہ میسر آ سکیں گی۔ ڈیجیٹل کنیکٹیوٹی، ای گورننس اور آئی ٹی انفر ااسٹرکچر کی بہتری کے لیے بھی اربوں روپے مختص کیے گئے۔
ای سی سی نے ایف بی آر کی جانب سے ڈیجیٹل انفورسمنٹ اسٹیشنز کے قیام سے متعلق تجویز پر بھی غور کیا اور مرحلہ وار فنڈز جاری کرنے کا فیصلہ کیا۔ اجلاس میں پیٹرولیم شعبے اور توانائی سے متعلق امور پر بھی تفصیلی تبادلہ خیال کیا گیا اور متعلقہ اداروں کو سفارشات تیار کرنے کی ہدایت دی گئی۔
اجلاس کے اختتام پر فلم اور ڈراما انڈسٹری کے فروغ کے لیے فنڈز کی منظوری دی گئی، جس کا مقصد معیاری اسکرین مواد کے ذریعے قومی بیانیے کو مضبوط بنانا ہے۔ کمیٹی نے واضح کیا کہ تمام فنڈز کے استعمال کی نگرانی کی جائے گی اور شفافیت کو یقینی بنایا جائے گا۔
.
ذریعہ
ذریعہ: Al Qamar Online
کلیدی لفظ: پاکستان کھیل کی منظوری کے لیے
پڑھیں:
سینٹ پیٹرزبرگ انٹرنیشنل اکنامک فورم، پاکستانی اعلیٰ سطحی وفد شرکت کریگا
سینٹ پیٹرزبرگ روس کا سب سے بڑا اور عالمی سطح پر اہم اقتصادی ایونٹ، سینٹ پیٹرزبرگ انٹرنیشنل اکنامک فورم 2026ء کل 3 جون سے روس کے تاریخی شہر سینٹ پیٹرزبرگ میں شروع ہو رہا ہے، جس میں دنیا بھر کے 130 سے زائد ممالک کے حکومتی، کاروباری اور اقتصادی راہنما شرکت کریں گے، پاکستان بھی فورم میں اعلیٰ سطحی وفد کے ساتھ شرکت کر رہا ہے۔ اسلام ٹائمز۔ پاکستانی وفد کی قیادت وفاقی وزیر توانائی (پیٹرولیم ڈویژن) علی پرویز ملک کریں گے، وفد میں وزیراعظم کے معاون خصوصی برائے صنعت و پیداوار ہارون اختر، روس میں پاکستان کے سفیر فیصل نیاز ترمذی، سفارتخانے کی وزیر تجارت و سرمایہ کاری شبانہ ممتاز، قونصلر حبیب منیر، سیکنڈ سیکرٹری جوشوا ایڈون آرتھر اور سینٹ پیٹرزبرگ میں پاکستان کے اعزازی قونصل جنرل عبدالرؤف رند بھی شامل ہیں۔ 4 روزہ فورم میں عالمی معیشت، توانائی، تجارت، سرمایہ کاری، ڈیجیٹل ٹیکنالوجی، مصنوعی ذہانت، صنعتی ترقی، ٹرانسپورٹ، خوراک اور بین الاقوامی اقتصادی تعاون سمیت متعدد اہم موضوعات پر اعلیٰ سطحی اجلاس، مباحثے اور کاروباری ملاقاتیں منعقد ہوں گی۔
روسی صدر ولادیمیر پوتن فورم کے مرکزی پلینری اجلاس سے خطاب کریں گے، جبکہ دنیا کے مختلف ممالک سے تعلق رکھنے والے حکومتی راہنما، وزراء، سرمایہ کار، صنعتکار اور بین الاقوامی تنظیموں کے نمائندے بھی فورم میں شریک ہوں گے۔ پاکستانی وفد کی شرکت کو روس اور پاکستان کے درمیان اقتصادی اور تجارتی تعلقات کے فروغ کے لیے اہم قرار دیا جا رہا ہے، توقع ہے کہ فورم کے دوران پاکستانی نمائندے روسی حکام، سرمایہ کاروں اور کاروباری شخصیات کے ساتھ ملاقاتیں کریں گے، جن میں توانائی، پیٹرولیم، صنعت، تجارت اور سرمایہ کاری کے شعبوں میں تعاون بڑھانے کے امکانات پر بات چیت ہوگی۔ مبصرین کے مطابق پاکستان اس وقت توانائی، معدنیات، انفراسٹرکچر اور صنعتی شعبوں میں بیرونی سرمایہ کاری کے حصول پر خصوصی توجہ دے رہا ہے جبکہ روس کے ساتھ اقتصادی تعاون کے نئے مواقع تلاش کرنا بھی حکومتی ترجیحات میں شامل ہے۔
فورم میں شرکت پاکستان کو نہ صرف روس بلکہ دیگر ممالک کے سرمایہ کاروں اور کاروباری اداروں کے ساتھ براہ راست رابطوں کا موقع فراہم کرے گی، ماہرین کا کہنا ہے کہ ایسے بین الاقوامی پلیٹ فارمز پاکستان کے لیے سرمایہ کاری، برآمدات اور اقتصادی شراکت داریوں کے فروغ میں اہم کردار ادا کر سکتے ہیں۔واضح رہے کہ سینٹ پیٹرزبرگ انٹرنیشنل اکنامک فورم 3 سے 6 جون تک جاری رہے گا اور اسے روس کا سب سے بڑا بین الاقوامی اقتصادی فورم تصور کیا جاتا ہے، اس سال فورم کا موضوع "عملی مکالمہ ایک مستحکم مستقبل کی جانب"رکھا گیا ہے، جس میں عالمی معیشت کو درپیش چیلنجز اور مستقبل کے مواقع پر خصوصی توجہ دی جائے گی۔
وزارت آئی ٹی نے 1.67 ارب روپے سے زاید کے فنڈز طلب کرلیے