اوپن اسکائی پالیسی کی وجہ سے قومی ایئرلائن کو تاریخی نقصان ہوا: شازیہ مری
اشاعت کی تاریخ: 14th, January 2026 GMT
---فائل فوٹو
پاکستان پیپلز پارٹی (پی پی پی) کی رہنما شازیہ مری نے کہا ہے کہ اوپن اسکائی پالیسی کی وجہ سے قومی ایئرلائن کو تاریخی نقصان ہوا۔
اسلام آباد میں پریس کانفرنس کے دوران شازیہ مری نے کہا کہ پرائیویٹائزیشن پر بلاول بھٹو زرداری اور پیپلز پارٹی کا مؤقف واضح ہے، پی پی نے نجکاری کو ہمیشہ سنجیدگی سے لیا ہے۔
ان کا کہنا تھا کہ وفاق بار بار نجکاری کا نعرہ لگانے کے بجائے نجی شعبے کی شراکت کے ساتھ چلانے کا منصوبہ بنائے، حکومت اہم ادارے کی نجکاری کرے اور اثاثوں اور ملازمین کا تحفظ نہ ہو، پبلک پرائیویٹ پارٹنرشپ کا ماڈل ہونا چاہیے، پبلک پرائیویٹ پارٹنر شپ کامیابی سے سندھ میں چل رہی ہے۔
انہوں نے مزید کہا کہ پیپلز پارٹی نے نجکاری کے عمل کو سنجیدگی سے دیکھا ہے، قومی ایئرلائن کی نجکاری کرتے ہوئے ملازمین اور اثاثوں کا خیال رکھنا چاہیے، پبلک پرائیویٹ پارٹنرشپ ایک ماڈل ہونا چاہیے۔
ان کا کہنا تھا کہ وزیرِ خزانہ نے کئی بار تسلیم کیا کہ سندھ کا پبلک پرائیویٹ ماڈل اچھا ہے اور اختیار کرنے کی ضرورت ہے، وزیراعظم کابینہ کو ہدایت کریں کہ جو ادارے حکومت نہیں چلا سکتی انہیں شراکت سے چلانا چاہیے۔
وفاقی وزیر برائے ہوا بازی غلام سرور خان کا کہنا ہے کہ پی آئی اے کے 262 پائلٹس کے لائسنس مشکوک تھے، لائسنس سے متعلق میں اپنے بیان پر قائم ہوں۔
شازیہ مری کا کہنا تھا کہ غلام سرور کے بیان سے گزشتہ 4 سال میں قومی ایئرلائن کو 600 ملین ڈالر نقصان ہوا، غلام سرور کی وجہ سے نقصان کی پوچھ گچھ ہونی چاہیے، اس بیان سے پائلٹس سمیت عملے کی نوکریاں چھن گئیں، قومی ایئرلائن کو نقصان پہنچانے والوں کا احتساب کرنا چاہیے، قومی ایئرلائن کو نقصان پہنچا کر نجکاری کی راہ ہموار کی گئی، قومی ایئرلائن کے نقصانات پر تحقیقات کریں، نجکاری حل نہیں۔
شازیہ مری نے کہا کہ قومی ایئرلائن کی عمارتیں اربوں کی ہیں، دس ارب روپے میں پی آئی اے کا سودا ہوا، 135 ارب کی فروخت بتائی گی، قومی ایئرلائن کے منافع کی نجکاری جبکہ نقصان حکومت کو دیا گیا۔
انہوں نے کہا کہ اسلام آباد میں درختوں کو کاٹا جا رہا ہے، درختوں کی وجہ سے موسمیاتی تبدیلی آ رہی ہے، موسمیاتی تبدیلی کے وجہ سے سیلاب آئے، موسمیاتی تبدیلی کے نقصان کا ازالہ پاکستان کر رہا ہے۔
رہنما پی پی نے یہ بھی کہا کہ اسلام آباد میں بڑے پیمانے پر درختوں کی کٹائی ہو رہی ہے، ملک میں موسمیاتی تبدیلیوں کے اثرات سب دیکھ رہے ہیں، پاکستان دنیا میں سب سے زیادہ متاثر ہونے والے ممالک میں شامل ہے، 30 ہزار کے قریب درخت کاٹے گئے ہیں، تمام پارلیمنٹیرین کو تحفظات تھے، پی پی نے درختوں کی کٹائی کا معاملہ ایوان میں اٹھایا ہے۔
شازیہ مری کا کہنا تھا کہ وزیر داخلہ نے ایسے جواب دیے کہ نئے سوال پیدا ہو گئے، درختوں کی کٹائی ایسا عمل ہے جو شفافیت پر سوال اٹھا رہا ہے، ہمیں بتایا جائے کہ کتنے درخت لگائے گئے، ہمیں درخت کٹتے نظر آرہے ہیں مگر لگنے والے درخت نظر نہیں آرہے، اگر شفافیت ہے وہ شئیر کریں اور بتائیں، ہر بات پر پریس کانفرنس ہو جاتی ہے، کیوں درختوں کی کٹائی پر بات نہیں ہوئی۔
انہوں نے مزید کہا کہ ملک میں بجلی کی لوڈشیڈنگ ہو رہی ہے، سانگھڑ میں 20 ، 20 گھنٹے کی لوڈشیڈنگ ہو رہی ہے، آپ جو ناجائز بلنگ کر رہے ہیں وہ کون سا قانونی ہے۔
شازیہ مری نے کہا کہ سردی میں بجلی کی صورتحال یہ ہے گرمیوں میں کیا صورتحال ہوگی، گرمیوں میں آپ لوگوں کی چینخیں نکال دیں گے، گیس کی بھی لوڈشیڈنگ ہو رہی ہے، 70 فیصد گیس سندھ سے پیدا ہو رہی ہے، بلوچستان کو نچوڑ کر رکھ دیا ہے اب سندھ کا یہ حال کرنے جا رہے ہیں۔
ان کا کہنا تھا کہ سندھ کیوں امپورٹڈ گیس استعمال کرے؟ سب سے پہلا حق اس علاقے کے رہنے والے لوگوں کا ہے جہاں سے گیس نکل رہی ہے، کراچی میں بھی گیس نہیں ہے، دیہی علاقوں کا آپ سوچ سکتے ہیں کیا صورتحال ہے۔
انہوں نے کہا کہ وزیر اعظم سے مطالبہ ہے کہ وہ نوٹس لیں، حکومت نے وعدہ کیا تھا قانون سازی کے لیے اعتماد میں لیا جائے گا۔ صدر مملکت کے دستخط کے بغیر آرڈیننس جاری ہونا کریمنل اقدام ہے۔ آرڈیننس سے متعلق ہم سے مشورہ کیا جائے، وفاقی وزیرقانون کو اپنے بارے میں خود سوچنا چاہیے، دو دو وزیر وزارتیں سنبھال رہے ہیں، نہیں بتا رہے کہ مسئلہ کیا ہے؟
شازیہ مری نے یہ بھی کہا کہ کسی قانون سازی میں اپوزیشن اپنا کام نہیں کر رہی، اپوزیشن صرف شور شرابا کرنے میں مصروف ہے۔
.
ذریعہ
ذریعہ: Jang News
کلیدی لفظ: قومی ایئرلائن کو شازیہ مری نے کہا درختوں کی کٹائی کا کہنا تھا کہ پبلک پرائیویٹ غلام سرور ہو رہی ہے نے کہا کہ کی وجہ سے انہوں نے رہے ہیں
پڑھیں:
پاکستانی پرچم بردار جہازوں کیخلاف کسی بھی قسم کی جارحانہ کارروائی کو قومی سلامتی کا خطرہ تصور کیا جائیگا: دفتر خارجہ
اسلام آباد(ڈیلی پاکستان آن لائن) وزارت خارجہ نے کہا ہے کہ حوثیوں کی جانب سے بحری جہازوں پر حملوں کی مذمت کرتے ہیں، پاکستانی پرچم بردار جہازوں پر کارروائی قومی سلامتی کا خطرہ تصور ہوگی، پاکستان اپنے بحری مفادات کے تحفظ کے لیے پرعزم ہے۔
تفصیلات کے مطابق دفتر خارجہ کے ترجمان طاہر حسین اندرابی نے ہفتہ وار نیوز بریفنگ میں کہا کہ حوثیوں نے سعودی کمرشل جہازوں کو دھمکیاں دی، حوثیوں کی جانب سے بحری جہازوں پر حملوں کے اطلاعات بھی ہیں، پاکستان حوثیوں کے ان اقدامات کی مذمت کرتا ہے۔سعودی عرب کے ساتھ تجارت کو نشانہ بنانے یا اس کے خلاف دھمکیاں دینا ناقابلِ قبول ہے، سعودی عرب کے ساتھ جائز تجارتی سرگرمیوں میں مصروف بحری جہازوں کو دھمکیاں دینے پر پاکستان کو تشویش ہے۔ پاکستان کو سعودی عرب کے خلاف حوثی ملیشیا کی مسلسل دھمکیوں پر شدید تشویش ہے، بحیرۂ احمر میں تجارتی جہازوں کو نشانہ بنانے کے اعلانات کی شدید مذمت کرتے ہیں، مشرق وسطیٰ کے تنازع میں سعودی عرب کو گھسیٹنے کی کوششوں پر تشویش ہے۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
’’دنیا نیوز ‘‘ کے مطابق دفتر خارجہ کے ترجمان نے کہا کہ پاکستانی پرچم بردار جہازوں کے خلاف کسی بھی قسم کی جارحانہ کارروائی کو قومی سلامتی کا خطرہ تصور کیا جائے گا، پاکستان کے سمندری مفادات کے خلاف جارحانہ کاروائی کو خودمختار مفادات کے لیے سنگین خطرہ تصور کیا جائے گا۔اقوامِ متحدہ کے قانون کے مطابق پاکستان اپنے سمندری اثاثوں کی دفاع کے لیے طاقت کے استعمال کا حق محفوظ رکھتا ہے، پاکستان اپنے بحری مفادات کے تحفظ کے لیے پرعزم ہے۔پاکستان نے تمام فریقوں پر ضبط و تحمل کا مظاہرہ کرنے پر زور دیا ہے، پاکستان کو مشرق وسطیٰ میں کشیدگی پر تشویش ہے، پاکستان مذاکرات اور سفارتکاری کی کوشش کی حمایت رکھے گا، ایران، امریکہ مذاکرات کے لیے پرامید ہیں۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
انہوں نے بتایا کہ ایرانی وزیر داخلہ نے وزیراعظم، نائب وزیراعظم، فیلڈ مارشل سے ملاقاتیں کی ہیں، پاکستان کی سفارتی کوشش جاری ہے، بات چیت ہی کشیدگی کا واحد حل ہے، تجارتی جہازوں کو دھمکیاں علاقائی امن، عالمی تجارت کیلئے سنگین خطرہ ہیں۔ نائب وزیر اعظم نے آسیان ریجنل فورم کے موقع پر مختلف ممالک کے وزرا ئے خارجہ سے اہم ملاقاتیں کی ہیں، ملاقاتوں میں مشرق و سطیٰ میں قیام امن، کشیدگی کے خاتمے کی اہمیت پر زور دیا گیا۔
ترجمان دفتر خارجہ نے کہا کہ افغانستان میں دہشت گردوں کے محفوظ ٹھکانے بدستور موجود ہیں، افغان طالبان کی طرف سے دہشتگردوں کی پشت پناہی سے علاقائی امن کو خطرہ لاحق ہے۔ہزاروں پاکستانی دہشت گردی کے واقعا ت میں شہید ہو چکے ہیں، عالمی برادری دہشتگردوں کی پشت پناہی پر افغان طالبان کو جواب دہ ٹھہرائے۔
عالمی منڈی میں خام تیل کی قیمت 100 ڈالر فی بیرل سے بھی تجاوز کر گئی
یورپی یونین کی رپورٹ پر دفتر خارجہ نے ردعمل دیا کہ پاکستان کے لیے جاری کردہ جی ایس پی رپورٹ فائنل ہے، پاکستان 27 کنونشن پر عمل درآمد کررہا ہے، جی ایس پی پلس درجہ پاکستان کی معیشت کے لیے فائدہ مند رہا ہے، ہم یورپی یونین کے ساتھ مسلسل رابطے میں ہیں، پاکستان انٹرنیشنل کنونشن پر عملدرآمد کرتا رہے گا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار