کراچی کے علاقے صدر میں ٹھیلے والوں کی بدمعاشی، ٹریفک پولیس افسر پر تشدد، ایک ملزم گرفتار
اشاعت کی تاریخ: 14th, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی کے مصروف تجارتی علاقے صدر میں تجاوزات کے خلاف کارروائی کے دوران ٹھیلے والوں کی بدمعاشی کا ایک اور واقعہ سامنے آ گیا، جہاں ٹریفک پولیس کے افسر کو تشدد کا نشانہ بنایا گیا۔
واقعے کی ویڈیو سوشل میڈیا پر وائرل ہونے کے بعد عوامی حلقوں میں شدید تشویش پائی جا رہی ہے۔
پولیس کے مطابق واقعہ اس وقت پیش آیا جب ٹریفک پولیس افسر نے سڑک پر لگے ٹھیلے کو ہٹانے کی کوشش کی تاکہ ٹریفک کی روانی بحال کی جا سکے۔ اس دوران ایک ٹھیلے والے نے مشتعل ہو کر پولیس افسر پر حملہ کر دیا اور اسے دھکے دے کر زمین پر گرا دیا۔
وائرل ہونے والی فوٹیج میں واضح طور پر دیکھا جا سکتا ہے کہ تشدد کے دوران دیگر پتھارے والے اور کچھ ٹریفک پولیس اہلکار بیچ بچاؤ کی کوشش کرتے رہے، تاہم حملہ آور نے افسر کے ساتھ بدتمیزی اور ہاتھا پائی جاری رکھی۔
پولیس کا کہنا ہے کہ واقعے کا مقدمہ درج کر لیا گیا ہے اور تشدد میں ملوث مرکزی ملزم عبدالقادر کو گرفتار کر لیا گیا ہے، جبکہ اس کا ایک ساتھی موقع سے فرار ہو گیا، جس کی تلاش جاری ہے۔
واقعے کے بعد شہریوں نے سوال اٹھایا ہے کہ تجاوزات کے خلاف ڈیوٹی پر مامور اہلکاروں کی سیکیورٹی کو کیوں نظر انداز کیا جا رہا ہے، جبکہ پولیس حکام کا کہنا ہے کہ قانون ہاتھ میں لینے والوں کے خلاف سخت کارروائی کی جائے گی اور کسی کو بھی سرکاری اہلکار پر حملے کی اجازت نہیں دی جائے گی۔
.
ذریعہ
ذریعہ: Jasarat News
کلیدی لفظ: ٹریفک پولیس
پڑھیں:
لاہور میں وین ڈرائیور سے بدتمیزی ٹریفک وارڈن کو مہنگی پڑ گئی
لاہور میں نجی کوریئر کمپنی کی وین کے ڈرائیور سے بدتمیزی کرنے پر ٹریفک وارڈن کو معطل کر دیا گیا۔
سی ٹی او لاہور سید عبدالرحیم شیرازی نے فوری ایکشن لیتے ہوئے واقعے کی تحقیقات کے لیے ایس پی صدر کو انکوائری کا حکم دے دیا۔
ٹریفک پولیس افسر کا کہنا تھا کہ انکوائری رپورٹ کی روشنی میں مزید کارروائی ہوگی، شہریوں سے حسنِ سلوک پر کوئی سمجھوتہ نہیں کیا جائے گا۔
سی ٹی او لاہور نے ٹریفک پولیس میں نظم و ضبط اور عوامی احترام اولین ترجیح قرار دیتے ہوئے کہا کہ اختیارات کے ناجائز استعمال کی اجازت نہیں دی جائے گی، انکوائری مکمل ہونے پر حقائق عوام کے سامنے لائے جائیں گے۔
شہری کے مطابق ٹریفک وارڈن نے رکنے کا اشارہ کیا لیکن اشارہ نظر نہیں آیا، تاہم آگے جا کر رکا جس پر ٹریفک وارڈن نے گاڑی کے اندر سوار ہو کر تشدد کا نشانہ بنایا اور گالم گلوچ کی۔ موقع پر وارڈن نے آن لائن چالان بھی جمع کروایا۔
وزارت آئی ٹی نے 1.67 ارب روپے سے زاید کے فنڈز طلب کرلیے