لاہور کو 3 ٹرافیاں جتوا دیں، اب پاکستان کے لیے کپ جیتنے کی کوشش کروں گا، شاہین آفریدی
اشاعت کی تاریخ: 14th, January 2026 GMT
قومی ون ڈے ٹیم کے کپتان شاہین شاہ آفریدی نے کہا ہے کہ لاہور کو 3 ٹرافیاں جتوا دینے کے بعد اب پاکستان کے لیے ٹرافی جیتنے کی کوشش کروں گا۔
مزید پڑھیں: بابر اعظم بھی انسان ہیں، کوشش کررہے ہیں کہ بیٹنگ میں بہتری لے آئیں، شاہین شاہ آفریدی
لاہور کی ایک مقامی یونیورسٹی میں پی ایس ایل فرنچائز لاہور قلندرز کے کھلاڑیوں کے لیے ’میٹ اینڈ گریٹ پروگرام‘ کا انعقاد کیا گیا، جس میں شاہین شاہ آفریدی، فخر زمان، سلمان مرزا اور محمد نعیم نے شرکت کی۔ اس موقع پر لاہور قلندرز کے سی ای او عاطف رانا اور سی او او ثمین رانا بھی موجود تھے۔
شاہین آفریدی نے کہاکہ کوشش ہوگی کہ لاہور قلندرز میں بہترین کھلاڑی منتخب ہوں۔
قومی ٹیم کے بلے باز فخر زمان نے کہاکہ بھارت کے خلاف اچھی پرفارمنس دینے کی پوری کوشش کریں گے۔ 2017 کی شاندار پرفارمنس کو دہرانے کا وقت آ گیا ہے اور اس مرتبہ ہم اپنے فینز کو مایوس نہیں کریں گے۔
لاہور قلندرز کے سی او او ثمین رانا نے کھلاڑیوں کی ریٹینشن کے حوالے سے کہاکہ وہ چاہتے ہیں کہ ٹیم کے بہترین کھلاڑی ہمیشہ ٹیم کا حصہ رہیں۔
مزید پڑھیں: انجری کا شکار فاسٹ بولر شاہین شاہ آفریدی کا اہم بیان سامنے آگیا
انہوں نے مزید کہاکہ پاکستان کے سب سے بہترین بلے باز بابر اعظم ہیں، لیکن وہ پشاور کی ٹیم سے کھیلتے ہیں، اس لیے پشاور کے شائقین سے درخواست کریں گے کہ اب انہیں لاہور کے لیے کھیلنے کا موقع دیا جائے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پی ایس ایل ٹرافی شاہین آفریدی لاہور قلندرز وی نیوز.
ذریعہ
ذریعہ: WE News
کلیدی لفظ: پی ایس ایل ٹرافی شاہین ا فریدی لاہور قلندرز وی نیوز لاہور قلندرز شاہین شاہ کے لیے
پڑھیں:
لاہور میں 6 گھنٹے تک طوفانی بارش سے شہر پانی میں ڈوب گیا
فوٹو: آن لائنلاہور میں 6 گھنٹے تک طوفانی بارش سے شہر پانی میں ڈوب گیا، ڈی ايچ اے اور ہربنس پورہ انڈر پاس پانی سے بھر گئے، ٹریفک کے لیے بند کردیے گئے۔
تاج پورہ اور ایئرپورٹ کے قریب علاقوں میں پانی گھروں میں داخل ہوگیا، گاڑیاں ڈوب گئیں، موٹرسائيکلیں بند ہوگئیں، فیروز پور روڈ پر موٹرسائیکل پھسل کر کھمبے سے جا ٹکرائی، جس کے نتیجے میں دو بھائی جاں بحق ہوگئے، چھت گرنے کے واقعات میں چار افراد زخمی ہوئے۔
بارش رکنے کے بعد ایم ڈی واسا نے تمام انڈر پاس کلیئر کر دینے کا دعویٰ کیا، بارش کے باعث 99 فیڈرز بھی متاثر ہوئے، بحالی کا کام جاری ہے، ڈیفنس میں بارش کے پانی میں ایک منچلا کشتی لے آیا۔
گوجرانوالا میں مسلسل تیسرے دن بھی بارش برسی، نکاسِ آب کے لیے لاہور سے مشینری طلب کرلی گئی، شکر گڑھ میں تیسرے روز بھی موسلادھار بارش ہوئی، نالہ بئیں اور بسنتر سے ملحقہ نشیبی دیہات میں پانی داخل ہوگیا۔
منڈی بہاء الدین میں بارش سے سیکڑوں ایکڑ پر کھڑی دھان اور چارے کی فصلیں تباہ ہونے کا خدشہ ہے۔
دوسری جانب دریائے چناب میں نچلے سے درمیانے درجے کا ریلا گزرنے کا خطرہ ہے، تریموں بیراج پر پانی کی سطح بلند ہونے لگی، سرگودھا میں طالب والا کے مقام پر اکتالیس دیہات متاثر ہونے کا خدشہ ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار