ایپل نے اپنے اے آئی ماڈل کی اپ گریڈیشن کے لیے گوگل سے شراکت داری کرلی
اشاعت کی تاریخ: 14th, January 2026 GMT
ایپل نے اپنی متعدد سروسز میں بہتری لانے کے لیے گوگل کی اے آئی ٹیکنالوجی پر انحصار کرنے کا اعلان کیا ہے، جس میں اس کے ورچوئل اسسٹنٹ سری کا زیادہ ذاتی نوعیت والا ورژن بھی شامل ہے۔
دونوں ٹیکنالوجی کمپنیوں نے کہا کہ یہ کئی سالہ تعاون ایپل صارفین کے لیے نئے اور جدت انگیز تجربات فراہم کرے گا۔
یہ بھی پڑھیں: ایپل اور گوگل میں 1 ارب ڈالر کا معاہدہ، کیا ’سری‘ گوگل کے جیمنی اے آئی سے چلے گا؟
اس شراکت داری کے تحت ایپل کچھ اہم تکنیکی خصوصیات گوگل کے جیمنی اے آئی ماڈلز پر مبنی کرے گا، ماہرین کے مطابق یہ اقدام ظاہر کرتا ہے کہ ایپل کی اپنی اے آئی ٹولز تیار کرنے کی محتاط حکمت عملی نے اسے دوسرے اداروں پر انحصار کرنے پر مجبور کر دیا ہے۔
آئی ڈی سی کے تجزیہ کار فرانسسکو جیرونیمو کے مطابق گوگل کی اے آئی ٹیکنالوجی پر انحصار کر کے ایپل یہ تسلیم کررہی ہے کہ قلیل مدت میں اس کی داخلی کوششیں جیمنی کی صلاحیت اور دائرہ کار کے مقابلے میں کمزور تھیں۔
تاہم ماہرین اور صارفین کے لیے یہ پیشرفت خوش آئند ہوسکتی ہے، کیونکہ بہت سے آئی فون صارفین اے آئی فیچرز کی مانگ کررہے ہیں، جبکہ گوگل، سام سنگ اور دیگر اسمارٹ فون کمپنیوں نے اپنی ڈیوائسز میں اے آئی شامل کرنا شروع کردیا ہے۔
یہ بھی پڑحیں: ایپل نے عالمی اسمارٹ فون مارکیٹ میں سبقت حاصل کر لی
ایپل اور گوگل کے مطابق ایپل انٹیلیجنس اب بھی ایپل کے پرائیویٹ کلاؤڈ کمپیوٹ سسٹم پر کام کرے گی اور ایپل کی پرائیویسی اسٹینڈرڈز برقرار رہے گی۔
یہ پہلا موقع نہیں ہے جب ایپل نے اے آئی کمپنی کے ساتھ معاہدہ کیا ہے، جون 2024 میں ایپل نے چیٹ جی پی ٹی بنانے والی اوپن اے آئی کے ساتھ شراکت داری کی تھی، جس کے تحت چیٹ بوٹ اب ایپل کی جنریٹو اے آئی سروسز میں شامل ہے۔
تاہم گوگل اور ایپل کی یہ شراکت داری کچھ ماہرین اور ریگولیٹرز کے لیے ریڈ فلیگ بھی ہوسکتی ہے، کیونکہ ایپل اور گوگل پہلے ہی متعدد شعبوں میں مارکیٹ میں بالواسطہ قبضہ رکھتے ہیں۔
یہ بھی پڑھیں: ایپل کی اوپن اے آئی سے شراکت داری، نئے فیچرز کیا ہیں؟
برطانیہ کے ریگولیٹر سی ایم اے کے مطابق دونوں کمپنیوں کے پاس موثر ڈوپولی موجود ہے اور انہیں اسٹریٹجک مارکیٹ اسٹیٹس حاصل ہے، جس سے ریگولیٹرز ضرورت پڑنے پر کمپنیوں پر اصلاحات نافذ کر سکتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اپ گریڈیشن ایپل جیمینی سری گوگل.
ذریعہ
ذریعہ: WE News
کلیدی لفظ: اپ گریڈیشن ایپل گوگل شراکت داری کے مطابق ایپل نے ایپل کی کے لیے اے آئی
پڑھیں:
اڈیالہ جیل، بانی پی ٹی آئی اور بشریٰ بی بی کی 40 منٹ طویل ملاقات
راولپنڈی: اڈیالہ جیل میں بانی پاکستان تحریک انصاف (پی ٹی آئی) اور ان کی اہلیہ بشریٰ بی بی(bushra bibi) کے درمیان ہفتہ وار ملاقات کرائی گئی، جو تقریباً 40 منٹ تک جاری رہی۔
جیل ذرائع کے مطابق ملاقات جیل کے کانفرنس روم میں ہوئی جہاں دونوں نے ایک دوسرے کی خیریت دریافت کی اور مختلف امور پر تبادلہ خیال کیا۔ ملاقات جیل حکام کی نگرانی میں مقررہ ضابطوں کے مطابق کرائی گئی۔
دوسری جانب ملاقات کے دن کے باوجود بانی پی ٹی آئی سے کسی وکیل یا خاندان کے دیگر افراد کی ملاقات نہ ہو سکی۔ جیل ذرائع کے مطابق معمول کی ملاقاتوں کے حوالے سے سیکیورٹی اور انتظامی اقدامات برقرار رہے۔
ادھر وزیراعلیٰ خیبر پختونخوا سہیل آفریدی کی جانب سے نامزد نمائندے اور صوبائی حکومت کے بعض عہدیدار بھی اظہارِ یکجہتی کے لیے اڈیالہ جیل پہنچے، تاہم انہیں بھی بانی پی ٹی آئی سے ملاقات کی اجازت نہ مل سکی۔
مزید پڑھیں:فورسز کی بلوچستان کے مختلف علاقوں میں کارروائیاں، 17 دہشتگرد ہلاک، آئی ایس پی آر
اسی دوران بانی پی ٹی آئی کی بہنیں علیمہ خان، نورین نیازی اور عظمیٰ خان بھی اڈیالہ جیل پہنچیں، تاہم پولیس نے انہیں فیکٹری ناکے سے آگے جانے کی اجازت نہیں دی۔ ذرائع کے مطابق سیکیورٹی وجوہات کی بنا پر انہیں جیل تک رسائی نہیں دی گئی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ