گوگل فوٹوز کا بیٹری بچانے والا فیچر لانچنگ کے لیے تیار، صارفین کو بیک اپ بند کرنے کی ضرورت نہیں ہوگی
اشاعت کی تاریخ: 14th, January 2026 GMT
گوگل فوٹوز ایک نئے بیٹری فوکسڈ فیچر پر کام کر رہا ہے جو بیک گراؤنڈ میں فائلز کے بیک اپ کی فریکوئنسی کو محدود کرے گا۔ یہ فیچر گوگل فوٹوز کے ورژن 7.59 میں سامنے آیا ہے، جس میں ایک نیا آپشن شامل کیا گیا ہے جو بیک اپ کو بیٹری لائف کے مطابق بہتر بناتا ہے۔
یہ بھی پڑھیں: گوگل فوٹوز نے ویڈیو ایڈیٹنگ کے جدید فیچر متعارف کروا دیے
یہ فیچر بیک گراؤنڈ میں بار بار ہونے والی سنکنگ کی وجہ سے بیٹری کے زیادہ استعمال کو کم کرنے کے لیے تیار کیا گیا ہے، جبکہ بیک اپ سروس بدستور فعال رہے گی۔ اس سے قبل گوگل فوٹوز میں بیک اپ سیٹنگز زیادہ تر موبائل ڈیٹا کے استعمال تک محدود تھیں، جیسے وائی فائی پر ہی بیک اپ، سیلولر ڈیٹا کی پابندی یا موبائل ڈیٹا پر سنکنگ بند کرنے کے اختیارات شامل ہیں۔
بیٹری کے استعمال سے متعلق صارفین کے پاس اب تک محدود انتخاب تھا، کیونکہ اگر بیک اپ زیادہ بیٹری استعمال کر رہا ہو تو واحد حل بیک اپ بند کرنا تھا۔
نئے بیٹری آپٹیمائزیشن فیچر کے فعال ہونے کے بعد گوگل فوٹوز بیک گراؤنڈ میں تصاویر اور ویڈیوز کم وقفوں سے بیک اپ کرے گا، جب تک صارف خود ایپ استعمال نہ کر رہا ہو۔ اس کا مقصد بیک گراؤنڈ ایکٹیویٹی کو کم ترجیح دے کر بیٹری بچانا ہے۔
یہ بھی پڑھیں: موبائل فون کی بیٹری ٹائمنگ کیسے بڑھائیں؟
اس فیچر کے نفاذ کے بعد صارفین کو یہ محسوس ہو سکتا ہے کہ نئی لی گئی تصاویر ویب یا دیگر ڈیوائسز پر فوراً ظاہر نہیں ہوتیں، کیونکہ بیک اپ بعض صورتوں میں ایپ کھولنے پر ہی شروع ہوتا ہے۔ اس طرح فوری بیک گراؤنڈ سنکنگ کے بجائے بیٹری بچانے کو ترجیح دی جائے گی۔
یہ نیا فیچر ان صارفین کے لیے ایک متوازن حل ثابت ہو سکتا ہے جو بیک اپ بھی رکھنا چاہتے ہیں اور غیر ضروری بیٹری خرچ سے بھی بچنا چاہتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news بیٹری بیک اپ گوگل فوٹوز موبائل فون.
ذریعہ
ذریعہ: WE News
کلیدی لفظ: بیٹری بیک اپ گوگل فوٹوز موبائل فون بیک گراؤنڈ گوگل فوٹوز بیک اپ کے لیے
پڑھیں:
پنجاب بھر میں دفعہ 144 کے نفاذ میں توسیع
لاہور: پنجاب بھر میں دفعہ 144 کے نفاذ میں توسیع کردی گئی۔محکمہ داخلہ پنجاب کے مطابق صوبہ بھر میں کھلی فضا میں ڈرون اُڑانے پر مکمل پابندی برقرار ہے، دفعہ 144 کے تحت آؤٹ ڈور ڈرون اڑانے پر عائد پابندی میں 30 روز کی توسیع کر دی گئی ہے۔حکومت پنجاب نے یہ فیصلہ سکیورٹی خدشات کے پیشِ نظر کیا ہے۔اعلامیے میں کہا گیا ہے کہ ہالز اور مارکیز کے اندر تقریبات کے دوران چھوٹے ڈرون کے محدود استعمال کی اجازت ہے، جبکہ اندرونی تقریبات میں ڈرون کے محفوظ استعمال کی ذمہ داری منتظمین پر عائد ہوگی۔حکومتی ہدایت کے مطابق قانون نافذ کرنے والے ادارے اور انٹیلیجنس ایجنسیاں اس پابندی سے مستثنیٰ ہوں گی اور وہ اپنے فرائض کے مطابق ڈرون سمیت دیگر ٹیکنالوجی استعمال کر سکیں گی۔
وزارت آئی ٹی نے 1.67 ارب روپے سے زاید کے فنڈز طلب کرلیے