8 فروری کو احتجاج کی کال بانی پی ٹی ائی کی نہیں اپوزیشن اتحاد کی ہے: علیمہ خان
اشاعت کی تاریخ: 14th, January 2026 GMT
data-id="863a0a8" data-element_type="widget" data-widget_type="theme-post-content.default">
اسلام آباد: بانی پاکستان تحریک انصاف (پی ٹی ائی) اور سابق وزیراعظم عمران خان کی ہمشیرہ علیمہ خان نے واضح کیا ہے کہ 8 فروری کو احتجاج کی جو کال دی گئی ہے وہ بانی پی ٹی آئی کی جانب سے نہیں بلکہ اپوزیشن کے مشترکہ اتحاد کی جانب سے دی گئی ہے، عمران خان نے کسی بھی موقع پر ذاتی طور پر عوام کو سڑکوں پر نکلنے کی ہدایت نہیں کی۔
بانی پی ٹی ائی عمران خان کی ہمشیرہ علیمہ خان نے اپنے وکیل فیصل ملک کے ہمراہ میڈیا سے گفتگو کرتے ہوئے کہا کہ عدالت کو آگاہ کیا گیا ہے کہ بانی پی ٹی آئی نے ہمیشہ عدلیہ کی آزادی اور قانون کی بالادستی کے لیے پُرامن جدوجہد پر زور دیا ہے۔
انہوں نے سوال اٹھایا کہ اگر انصاف میسر ہوتا تو آج حالات اس نہج تک نہ پہنچتے، اڈیالہ جیل کے باہر قرآن خوانی جیسے عمل کو بھی جرم بنا دیا گیا ہے، جو بنیادی حقوق کی کھلی خلاف ورزی ہے۔
انہوں نے الزام عائد کیا کہ عمران خان کو غیر قانونی طور پر قیدِ تنہائی میں رکھا گیا ہے جبکہ کارکنوں اور اہلِ خانہ کو مسلسل دباؤ اور ہراسانی کا سامنا ہے، گزشتہ رات روات تھانے کی پولیس نے ان کے قافلے کے افراد کو گرفتار کیا اور متعدد گاڑیاں تحویل میں لے لی گئیں۔
علیمہ خان نے بتایا کہ تین خواتین کارکنان کو بھی گرفتار کیا گیا، جبکہ آٹھ سے زائد گاڑیاں پولیس کی جانب سے قبضے میں لی گئیں، کارکنوں سے گاڑیاں چھوڑنے کے عوض بھاری رقم طلب کی جا رہی ہے اور بعض افراد نے مجبوراً پولیس کو پیسے ادا کیے۔
ان کا کہنا تھا کہ ایسے حالات میں یہ سوال پیدا ہوتا ہے کہ قانون کی خلاف ورزیوں کے خلاف شکایت کہاں اور کس سے کی جائے، عمران خان عدلیہ کی آزادی کے لیے آواز بلند کر رہے تھے، مگر اس کے جواب میں گرفتاریوں اور جبر کا سامنا کرنا پڑ رہا ہے۔
علیمہ خان نے یہ بھی بتایا کہ عمران خان کے لیے کچھ کتابیں عدالت کے ذریعے جیل بھجوائی گئی ہیں اور اس ضمن میں انہوں نے عدالت کا شکریہ ادا کیا۔
آخر میں علیمہ خان نے ایک بار پھر مؤقف دہرایا کہ 8 فروری کی احتجاجی کال بانی پی ٹی آئی کی نہیں بلکہ اپوزیشن اتحاد کی ہے، جبکہ عمران خان نے سہیل آفریدی کو اسٹریٹ موومنٹ سے متعلق ہدایات دی ہیں۔
ذریعہ
ذریعہ: Jasarat News
کلیدی لفظ: علیمہ خان نے بانی پی ٹی
پڑھیں:
آزاد کشمیر الیکشن، استحکام پاکستان پارٹی اور مسلم کانفرنس کے درمیان انتخابی اتحاد پر اتفاق
مظفر آباد(ڈیلی پاکستان آن لائن)آزاد کشمیر قانون اسمبلی کے انتخابات کے حوالے سے بڑی سیاسی پیشرفت سامنے آئی ہے، استحکام پاکستان پارٹی اور مسلم کانفرنس کے درمیان انتخابی اتحاد پر اتفاق ہو گیا۔
صدر استحکام پاکستان پارٹی آزاد کشمیر سردار تنویر الیاس اور مسلم کانفرنس کے صدر سردارعتیق کی ملاقات میں اہم پیشرفت سامنے آئی ہے۔ آزاد کشمیر کے مختلف انتخابی حلقوں میں سیٹ ایڈجسٹمنٹ کے اصولی فارمولے کی منظوری دے دی گئی۔ دونوں جماعتوں نے انتخابات کےبعد بھی مشترکہ حکمت عملی کےتحت آگےبڑھنے پر اتفاق کیا ہے۔ طے پایا کہ دونوں جماعتوں کی مشترکہ رابطہ کمیٹی امیدواروں کی حمایت کا حتمی اعلان جلدکرے گی۔
لومئیربرادرز اپنی ایجاد پر بہت مسرور تھے، وہ جہاں بھی اپنا سینما لے کر جاتے لوگ ششدر رہ جاتے ، وہ یہ کھیل تماشہ لے کر ہندوستان بھی آئے تھے
دونوں قائدین نے مسلح افواج اوراداروں کی مسئلہ کشمیر اجاگر کرنے کی کوششوں کی تعریف کی۔ ملاقات میں آئی پی پی کی جانب سے سردار امتیاز،سردارافتخار رشید اور سردارمنظور ایڈووکیٹ موجود تھے۔ سردارمحمود خان، سردار شجاع منگول، شبدیزصابر سمیت دیگر آئی پی پی رہنما بھی شریک ہوئے۔ جبکہ مسلم کانفرنس کے سردارعثمان عتیق،ڈاکٹرعرفان اشرف،سردارعفان عتیق،راجاعبدالجبار اور دیگر نے شرکت کی۔
مزید :
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار