آج انٹرنیٹ بند ہوگا یا نہیں پہلے آپس میں فیصلہ کرلیں، نادرا اور پی ٹی اے کے متضاد بیانات پر عوام پریشان
اشاعت کی تاریخ: 15th, January 2026 GMT
نیشنل ڈیٹا بیس اینڈ رجسٹریشن اتھارٹی (نادرا) نے سماجی رابطے کی ویب سائٹ ایکس (سابقہ ٹوئٹر) پر جاری بیان میں آگاہ کیا ہے کہ سب میرین کیبل کی مرمت کے باعث ملک بھر میں انٹرنیٹ سروس متاثر ہونے کا امکان ہے۔ نادرا کے مطابق اس صورتحال کے پیش نظر 15 جنوری 2026 بروز جمعرات دوپہر 2 بجے سے رات 10 بجے تک پاک آئی ڈی موبائل ایپ اور بیرونِ ملک نادرا کاؤنٹرز کے ذریعے فراہم کی جانے والی خدمات متاثر ہو سکتی ہیں۔
دوسری جانب اس معاملے پر سوشل میڈیا صارفین کی جانب سے مختلف ردعمل سامنے آ رہے ہیں۔ ایک صارف نے پاکستان ٹیلی کمیونیکیشن اتھارٹی (پی ٹی اے) کا ٹویٹ شیئر کرتے ہوئے طنزیہ انداز میں لکھا کہ ’سب ایک ہی پیج پر ہیں، بس یہی نہیں ہیں‘۔
سب اک پیج ہیں، بس یہی نہیں! pic.
— Tayyeb Rafique (@tayyebrafique) January 14, 2026
ابو علقمہ نامی صارف نے کہا کہ آپ یہ کہہ رہے ہیں کہ انٹرنیٹ سروسز جاری رہیں گی جبکہ سرکاری ادارہ نادرا کہہ رہا ہے کہ انٹرنیٹ بند ہو جائے گا۔ آپ دونوں میں سے کون درست ہے اور کون غلط؟
You are saying that the internet service will remain on, while a government institution, NADRA, is saying that the internet will be shut down tomorrow. Between the two of you, who is correct and who is wrong pic.twitter.com/VUSdLdvAQ6
— ابو علقمہ (@leo_fhv) January 14, 2026
ایک ایکس صارف نے کہا کہ پہلے آپس میں فیصلہ کر لو کہ آخر انٹرنیٹ سروسز متاثر ہوں گی یا نہیں۔
پہلے آپس میں فیصلہ کر لو بھائی https://t.co/XbOTf4ycjj
— A.khan???? (@ASK7799) January 14, 2026
سوشل میڈیا پر متعدد صارفین کا کہنا ہے کہ انٹرنیٹ پہلے ہی سست رفتار کا شکار ہے اور امکان ہے کہ آئندہ بھی یہی صورتحال برقرار رہے، اگرچہ مکمل بندش نہ ہو۔ کئی صارفین نے یہ سوال بھی اٹھایا کہ اگر پاکستان ٹیلی کمیونیکیشن اتھارٹی (پی ٹی اے) کا مؤقف درست ہے تو پھر نیاٹیل اور پی ٹی سی ایل جیسے اداروں کی جانب سے یہ الرٹس کیوں جاری کیے گئے ہیں کہ ان کی سروسز متاثر ہو سکتی ہیں۔
واضح رہے کہ پاکستان ٹیلی کمیونیکیشن اتھارٹی (پی ٹی اے) نے اس سے قبل جاری اپنے اعلامیے میں وضاحت کی تھی کہ 15 جنوری کو انٹرنیٹ سروسز میں کسی قسم کی بندش سے متعلق پھیلائی جانے والی خبریں غلط اور بے بنیاد ہیں۔
The Pakistan Telecommunication Authority (PTA) clarifies that information regarding any disruption of internet services on 15 January is incorrect and without factual basis. Internet services across Pakistan remain stable and fully operational.
Routine submarine cable maintenance… pic.twitter.com/Cyjn4pDVoh
— PTA (@PTAofficialpk) January 14, 2026
پی ٹی اے کے مطابق ملک بھر میں انٹرنیٹ سروسز معمول کے مطابق مستحکم اور مکمل طور پر فعال رہیں گی، جبکہ سب میرین کیبل کی مرمت کا عمل معمول کے تحت جاری ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انٹرنیٹ بندش انٹرنیٹ سروسز پی ٹی اے پی ٹی سی ایل میرین کیبل نادرا نیاٹیل
ذریعہ
ذریعہ: WE News
کلیدی لفظ: انٹرنیٹ بندش انٹرنیٹ سروسز پی ٹی اے پی ٹی سی ایل میرین کیبل انٹرنیٹ سروسز متاثر ہو پی ٹی اے
پڑھیں:
پشاور سمیت مختلف اضلاع میں بجلی کا طویل بریک ڈاؤن، شہریوں کو مشکلات کا سامنا
پشاور:خیبرپختونخوا کے دارالحکومت پشاور سمیت صوبے کے متعدد اضلاع میں بجلی کا طویل اور غیر معمولی بریک ڈاؤن شہریوں کے لیے عذاب بن گیا۔
شدید آندھی اور طوفان کے بعد شام تقریباً 6 بجے اچانک بجلی کی فراہمی معطل ہوئی جو کئی گھنٹے گزرنے کے باوجود مکمل طور پر بحال نہ ہو سکی۔
بجلی کی بندش کے باعث پشاور، مردان، چارسدہ، نوشہرہ اور دیگر متاثرہ علاقوں میں شہری شدید مشکلات کا شکار ہیں۔
گرمی اور حبس کے باعث گھروں میں موجود بچوں، بزرگوں اور مریضوں کو سخت پریشانی کا سامنا کرنا پڑا جبکہ کاروباری سرگرمیاں بھی متاثر ہوئیں۔
مزید پڑھیںپشاور سے کراچی تک نئی عوام ایکپریس ٹرین سروس شروع
شہریوں کا کہنا ہے کہ آندھی شروع ہوتے ہی بجلی غائب ہوگئی تاہم طوفان کے خاتمے کے کئی گھنٹے بعد بھی بجلی بحال نہ ہونا متعلقہ اداروں کی کارکردگی پر سوالیہ نشان ہے۔ متعدد علاقوں میں لوگ رات گئے تک بجلی کی واپسی کے منتظر رہے۔
دوسری جانب پیسکو حکام کے مطابق طوفانی موسم کے باعث بجلی کے ترسیلی نظام میں فنی خرابی پیدا ہوئی ہے جس کے باعث مختلف فیڈرز متاثر ہوئے۔
حکام کا کہنا ہے کہ تکنیکی ٹیمیں بحالی کے لیے کام کر رہی ہیں اور مرحلہ وار بجلی کی فراہمی بحال کی جا رہی ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے