پاکستانی عوام کیلئے بڑی خوشخبری
اشاعت کی تاریخ: 15th, January 2026 GMT
سٹی 42:پاکستانی عوام کے لیے بڑی خوشخبری سامنے آ گئی ہے، جہاں عالمی سطح پر پاکستان کی عزت اور وقار میں نمایاں اضافہ دیکھنے میں آیا ہے۔ پاکستانی پاسپورٹ کی عالمی رینکنگ میں بڑی بہتری ریکارڈ کی گئی ہے۔
عالمی پاسپورٹ رینکنگ کے مطابق پاکستانی پاسپورٹ 126 ویں نمبر سے ترقی کرتے ہوئے 98 ویں نمبر پر آ گیا ہے، اس بہتری کے بعد پاکستانی پاسپورٹ کی درجہ بندی میں واضح اضافہ ہوا ہے، جو ملک کے لیے ایک مثبت پیش رفت قرار دی جا رہی ہے۔
15 جنوری کو انٹر نیٹ سروسز مکمل طور پر فعال رہیں گی : پی ٹی اے
وفاقی وزیر داخلہ محسن نقوی نے اس پیش رفت پر سوشل میڈیا پلیٹ فارم ایکس (سابق ٹوئٹر) پر پیغام جاری کرتے ہوئے کہا کہ پاکستانی پاسپورٹ کی رینکنگ میں بہتری حکومت کی مؤثر پالیسیوں اور اصلاحاتی اقدامات کا نتیجہ ہے۔
ان کا کہنا تھا کہ پاسپورٹ سسٹم میں شفافیت، جدید سہولیات اور سیکیورٹی اقدامات نے عالمی سطح پر پاکستان کے امیج کو بہتر بنانے میں اہم کردار ادا کیا ہے۔
وزیر داخلہ نے مزید کہا کہ حکومت مستقبل میں بھی ایسے اقدامات جاری رکھے گی جن سے پاکستانی شہریوں کو مزید سہولتیں میسر آئیں اور پاکستان کا وقار عالمی برادری میں مزید بلند ہو۔
اے ایس پیز کو ایک ماہ کی تربیت کیلئے بیجنگ، چین بھیجا جائے گا: محسن نقوی
ذریعہ
ذریعہ: City 42
پڑھیں:
وزیر اعظم شہباز شریف سے چینی کاروباری وفد کی ملاقات، بزنس ٹو بزنس شراکت داری سے پاک چین دوستی مزید مستحکم ہو گی ، وزیر اعظم
سٹی 42:وزیر اعظم شہباز شریف سے چینی کاروباری وفد کی ملاقات،وزیر اعظم نے کہا بزنس ٹو بزنس شراکت داری سے پاک چین دوستی مزید مستحکم ہو گی ۔
وزیراعظم محمد شہباز شریف سے چینی کمپنی فیمسنFAMSUN کے چیف ایگزیکٹو افسر جیک چین Jack Chen کی قیادت میں وفد کی ملاقات ہوئی ۔ وزیراعظم نے وفد کو پاکستان آمد پر خوش آمدید کہا
وزیر اعظم نے کہا پاکستان اور چین مثالی دوست ہیں، جن کے درمیان معاشی شراکت داری اور دوستانہ تعلقات وقت کے ساتھ مزید مضبوط ہو رہے ہیں۔دونوں ممالک کے درمیان بزنس ٹو بزنس شراکت داری سے یہ دوستی مزید مستحکم ہو گی ۔وزیر اعظم نے چینی کمپنی کا پاکستان میں اجناس کے سٹوریج کے مراکز کو اسٹیٹ آف آرٹ مراکز میں تبدیل کرنے کے منصوبے کا خیر مقدم کیا۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
اس منصوبے سے ملک میں زراعت کے سیکٹر میں جدید ترین ٹیکنالوجی آئے گی اور تجارتی سرگرمیوں کو فروغ ملے گا۔ پاکستان کی افرادی قوت کی ہنر مندی اور تربیت کو ان منصوبوں کا حصہ بنایا جائے۔
جیک چین نے پاکستان میں پرتپاک میزبانی پر وزیراعظم اور حکومت پاکستان کا شکریہ ادا کیافیمسن کے چیف ایگزیکٹو نے وزیراعظم سے انکے حالیہ دورہء چین کے دوران اپنی ہونے والی ملاقات کا بھی ذکر کیا، جس کے نتیجے میں وہ پاکستان کا دورہ کررہے ہیں اور غذائی تحفظ کے حوالے سے قابل عمل منصوبے پر بات چیت کی جارہی ہے۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
جناب جیک چین نے کہا کہ فیمسن پاکستان میں غذائی تحفظ کے حوالے سے بہتر سٹوریج مراکز، ٹیکنالوجی ٹرانسفر اور تربیت فراہم کرنے میں دلچسپی رکھتی ہے۔بریفنگ میں بتایا کہ فیمسن پاکستان میں گرین سائلوز کے قیام کے حوالےسے ڈیمانسٹریشن سینٹر قائم کرے گی سٹوریج سینٹرز کو جدید گرین سائلوز میں بدلا جائے گا ۔فیمسن اور گرین پاکستان انیشئیٹو کے درمیان مفاہمتی یادداشت پر دستخط ہو چکے ہیں
ملاقات میں وفاقی وزیر قومی غذائی تحفظ رانا تنویر حسین، وفاقی وزیر تجارت جام کمال خان، وزیر مملکت برائے خزانہ و ریلوے بلال اظہر کیانی، معاون خصوصی ہارون اختر اور متعلقہ اعلیٰ سرکاری افسران بھی موجود تھے۔فیمسن زراعت، جانوروں کی خوراک اور فوڈ پراسیسنگ کے حوالے سے چین کی بڑی کمپنیوں میں شمار ہوتی ہے۔
بارشی پانی کی نکاسی نہ ہونے سے گاڑیاں اور موٹرسائیکلیں بند، شہری شدید مشکلات کا شکار
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار