ڈسنے کے بعد متاثرہ شخص سانپ کو جیکٹ میں ڈال کر اسپتال جاپہنچا: ویڈیو وائرل
اشاعت کی تاریخ: 15th, January 2026 GMT
data-id="863a0a8" data-element_type="widget" data-widget_type="theme-post-content.default">
بھارت میں ایک حیران کن اور چونکا دینے والا واقعہ سامنے آیا ہے جس نے سوشل میڈیا صارفین کو بھی حیرت میں ڈال دیا۔
سانپ کے کاٹنے کے واقعات تو عموماً سامنے آتے رہتے ہیں، تاہم اس مرتبہ متاثرہ شخص نے جو قدم اٹھایا وہ غیر معمولی تھا۔ بھارتی شہر متھرا میں ایک رکشہ ڈرائیور کو زہریلے سانپ نے کاٹ لیا، مگر وہ اکیلا اسپتال جانے کے بجائے سانپ کو بھی اپنی جیکٹ میں ڈال کر ساتھ لے آیا۔
واقعے کی ویڈیو سوشل میڈیا پر تیزی سے وائرل ہو رہی ہے جس میں دیکھا جا سکتا ہے کہ متاثرہ شخص اسپتال کے اندر موجود ہے اور اپنے ہاتھ پر سانپ کے کاٹنے کا نشان دکھا رہا ہے۔ ویڈیو میں اس شخص کے چہرے پر خوف کے ساتھ ساتھ غصہ بھی نمایاں ہے، جہاں اس کا کہنا تھا کہ اسے بروقت طبی امداد فراہم نہیں کی جا رہی۔
ویڈیو میں جس سانپ کو دکھایا گیا ہے وہ کوئی عام سانپ نہیں بلکہ ناگ یعنی کوبرا ہے، جس کا شمار دنیا کے انتہائی زہریلے سانپوں میں ہوتا ہے۔ کوبرا کے زہر کو نہایت خطرناک سمجھا جاتا ہے اور بروقت علاج نہ ملنے کی صورت میں جان کو شدید خطرات لاحق ہو سکتے ہیں۔ اس کے باوجود متاثرہ شخص نے غیر معمولی حوصلے کا مظاہرہ کرتے ہوئے سانپ کو قابو میں رکھا اور اسے اپنے ساتھ اسپتال لے آیا۔
عینی شاہدین کے مطابق متاثرہ رکشہ ڈرائیور کا موقف تھا کہ وہ سانپ کو اس لیے ساتھ لایا تاکہ ڈاکٹرز کو یہ واضح طور پر بتایا جا سکے کہ کس قسم کے سانپ نے اسے کاٹا ہے، کیونکہ سانپ کی شناخت علاج کے عمل میں اہم کردار ادا کرتی ہے، تاہم اسپتال پہنچنے پر جب اسے فوری طبی امداد نہ ملی تو وہ شدید غصے میں آ گیا، جس کی جھلک وائرل ویڈیو میں بھی دیکھی جا سکتی ہے۔
واقعے کے بعد سوشل میڈیا پر اس شخص کے عمل پر مختلف آرا سامنے آ رہی ہیں۔ کچھ صارفین نے اسے غیر ذمہ دارانہ اور خطرناک اقدام قرار دیا جب کہ بعض افراد کا کہنا ہے کہ متاثرہ شخص نے خوف کے عالم میں یہ قدم اٹھایا اور اس کا مقصد صرف اپنی جان بچانا تھا۔ ماہرین کے مطابق سانپ کے کاٹنے کی صورت میں فوری طور پر اسپتال پہنچنا اور سانپ سے دور رہنا ہی سب سے محفوظ طریقہ ہوتا ہے۔
.
ذریعہ
ذریعہ: Jasarat News
کلیدی لفظ: متاثرہ شخص سانپ کو
پڑھیں:
ایران کے ساتھ مذاکرات جاری ہیں، ڈونلڈ ٹرمپ
امریکا کے صدر ڈونلڈ ٹرمپ نے ایران کے ساتھ مذاکرات معطلی کی رپورٹس کو بے بنیاد قرار دیتے ہوئے کہا ہے کہ ہمارے درمیان مذاکرات جاری ہیں۔
سوشل میڈیا پلیٹ فارم ٹرتھ سوشل پر جاری بیان میں ڈونلڈ ٹرمپ نے کہا کہ یہ جعلی خبریں کہ ایران اور امریکا کے درمیان چند روز قبل بات چیت بند ہوئی ہے، یہ سب غلط اور بے بنیاد خبریں ہیں۔
انہوں نے کہا کہ ہمارے درمیان بات چیت مسلسل جاری ہے جو چار دن پہلے، تین دن پہلے، دو دن پہلے، ایک دن پہلے اور آج بھی جاری رہے ہیں۔
ڈونلڈ ٹرمپ نے مذاکرات کے حوالے سے کہا کہ یہ کہاں تک پہنچتے ہیں کوئی نہیں جانتا لیکن میں نے ایران کو کہا ہے کہ کسی نہ کسی صورت آپ معاہدہ کریں، آپ گزشتہ 47 سال سے یہی کر رہے ہیں اور اس کو کسی صورت مزید جاری رکھنے کی اجازت نہیں دی جاسکتی ہے۔
https://truthsocial.com/@realDonaldTrump/posts/116681581361115247قبل ازیں امریکی سیکریٹری اسٹیٹ مارکو روبیو نے سینیٹ کی خارجہ کمیٹی کو بتایا ہے کہ ایران کے جوہری پروگرام پر مذاکرات میں چند ماہ کا عرصہ لگ سکتا ہے اور اس کے لیے ماہرین کی ٹیم درکار ہوگی جو معاملات طے کرے گی۔
انہوں نے کہا کہ ایران کے ساتھ معاہدے کے لیے بغیر ٹول کے آبنائے ہرمز بحال کرنے کی ضرورت ہے جبکہ امریکا نے آبنائے ہرمز کی بحالی کے لیے ایران کو پابندیوں میں نرمی کی پیش کش نہیں کی ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے