گوگل نے جیمنائی میں پرسنل انٹیلی جنس متعارف کرا دی، اے آئی صارف کے ذاتی ڈیٹا سے جواب دے گا
اشاعت کی تاریخ: 15th, January 2026 GMT
data-id="863a0a8" data-element_type="widget" data-widget_type="theme-post-content.default">
ٹیکنالوجی کے عالمی ادارے گوگل نے اپنے آرٹیفیشل انٹیلی جنس ماڈل جیمنائی میں اب تک کی سب سے بڑی اپ ڈیٹ متعارف کروا دی ہے، جسے کمپنی نے “پرسنل انٹیلی جنس” کا نام دیا ہے، یہ اپ ڈیٹ اے آئی کے شعبے میں ایک اہم سنگِ میل ثابت ہو سکتی ہے، کیونکہ اب جیمنائی صارفین کے ذاتی ڈیٹا کو بروئے کار لا کر زیادہ تفصیلی اور ذاتی نوعیت کے جوابات فراہم کرنے کی صلاحیت رکھتا ہے۔
بین الاقوامی میڈیا رپورٹس کے مطابق نئے فیچر کے ذریعے جیمنائی گوگل کی مختلف ایپس جیسے گوگل سرچ، جی میل، گوگل فوٹوز اور یوٹیوب تک رسائی حاصل کر سکے گا اور صارف کی سرگرمیوں اور معلومات کا تجزیہ کر کے انفرادی نوعیت کے جوابات دے گا۔ اس کا مقصد جیمنائی کو ایک حقیقی ڈیجیٹل پرسنل اسسٹنٹ میں تبدیل کرنا ہے جو صارف کے سوالات کا حل براہِ راست ان کے ڈیٹا کے مطابق پیش کر سکے۔
مثال کے طور پر، اگر کوئی صارف اپنے گاڑی کے مسئلے کے بارے میں پوچھے، تو پرسنل انٹیلی جنس جیمنائی صارف کی خریداری کی معلومات دیکھ کر جان سکے گا کہ وہ کس گاڑی کا مالک ہے، گوگل فوٹوز سے گاڑی کی موجودہ حالت کا اندازہ لگا سکے گا اور یوٹیوب پر موجود رہنمائی ویڈیوز کے ذریعے حل تجویز کر سکے گا۔
گوگل کے مطابق یہ فیچر پہلے مرحلے میں امریکا میں دستیاب ہوگا اور صرف گوگل اے آئی پرو اور اے آئی الٹرا سبسکرپشن پلانز کے صارفین اس سے فائدہ اٹھا سکیں گے۔
کمپنی نے اعلان کیا ہے کہ آنے والے مہینوں میں اس فیچر کو دیگر ممالک اور مفت صارفین تک بھی توسیع دی جائے گی اور اسے گوگل سرچ کے اے آئی موڈ کا حصہ بھی بنایا جائے گا۔
تجزیہ کاروں کے مطابق پرسنل انٹیلی جنس جیمنائی کو صارف کی ذاتی معلومات کی بنیاد پر مزید انفرادی، مؤثر اور عملی جوابات دینے کے قابل بناتا ہے، جس سے یہ ٹیکنالوجی کے استعمال میں انقلاب لانے کی صلاحیت رکھتی ہے۔
گوگل کی یہ پیش رفت اس بات کی علامت ہے کہ مستقبل میں اے آئی صرف معلومات فراہم کرنے تک محدود نہیں رہے گا بلکہ صارف کے ڈیٹا اور ترجیحات کے مطابق ذاتی نوعیت کے حل بھی فراہم کرے گا۔
ذریعہ
ذریعہ: Jasarat News
کلیدی لفظ: پرسنل انٹیلی جنس کے مطابق اے آئی سکے گا
پڑھیں:
سرکاری ملازمین پنشن میں اضافہ، خیبرپختونخوا حکومت کا بڑا ریلیف اعلان
پشاور: سرکاری ملازمین پنشن میں اضافہ کے حوالے سے خیبرپختونخوا حکومت نے اہم فیصلہ کرتے ہوئے صوبے کے پنشنرز کی نیٹ پنشن میں 7 فیصد اضافے کی منظوری دے دی ہے۔ اس فیصلے کا اطلاق یکم جولائی 2026 سے ہوگا، جبکہ اس حوالے سے محکمہ خزانہ نے باضابطہ نوٹیفکیشن بھی جاری کر دیا ہے۔
جاری کردہ اعلامیے کے مطابق یہ اضافہ 30 جون 2026 تک وصول کی جانے والی نیٹ پنشن کی بنیاد پر دیا جائے گا۔ حکومت کے اس اقدام سے لاکھوں ریٹائرڈ سرکاری ملازمین اور ان کے اہل خانہ کو مہنگائی کے موجودہ دور میں مالی سہارا ملنے کی امید ہے۔
نوٹیفکیشن میں واضح کیا گیا ہے کہ یکم جولائی 2026 یا اس کے بعد ریٹائر ہونے والے سرکاری ملازمین بھی اس 7 فیصد اضافے سے مستفید ہوں گے۔ اسی طرح فیملی پنشن حاصل کرنے والے افراد اور کمپیشنٹ الاؤنس لینے والے مستحقین پر بھی یہ اضافہ یکساں طور پر لاگو ہوگا۔
محکمہ خزانہ کے مطابق بیرون ملک مقیم وہ پنشنرز بھی، جو خیبرپختونخوا حکومت کی پنشن کے اہل ہیں، مقررہ قواعد و ضوابط کے تحت اس اضافے سے فائدہ اٹھا سکیں گے۔
حکومت نے یہ بھی واضح کیا ہے کہ یہ اضافہ پہلے سے دی جانے والی کسی بھی خصوصی اضافی پنشن پر لاگو نہیں ہوگا، بلکہ صرف بنیادی نیٹ پنشن کی بنیاد پر ادا کیا جائے گا۔
ماہرین کے مطابق سرکاری ملازمین پنشن میں اضافہ کا یہ فیصلہ بڑھتی مہنگائی کے پیش نظر ریٹائرڈ ملازمین کے لیے اہم ریلیف ثابت ہوگا اور ان کے ماہانہ اخراجات پورے کرنے میں مدد فراہم کرے گا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا