بنگلہ دیش کے قومی سلامتی کے مشیر کی واشنگٹن میں امریکی حکام سے اہم ملاقاتیں، دوطرفہ اقتصادی تعان پر تبادلہ خیال
اشاعت کی تاریخ: 15th, January 2026 GMT
بنگلہ دیش کے قومی سلامتی کے مشیر ڈاکٹر خلیل الرحمان نے واشنگٹن میں امریکی محکمہ خارجہ کے اعلیٰ حکام سے اہم ملاقاتیں کیں، جن میں بنگلہ دیش کے آئندہ عام انتخابات، دوطرفہ تجارت و اقتصادی تعاون، روہنگیا مہاجرین کے بحران اور خطے کی مجموعی صورتحال پر تفصیلی تبادلہ خیال کیا گیا۔
یہ بھی پڑھیں: بنگلہ دیش کا امریکا کو پیغام، غزہ مشن میں شامل ہونے پر آمادگی
ڈاکٹر خلیل الرحمٰن نے انڈر سیکریٹری برائے سیاسی امور ایلیسن ہوکر اور اسسٹنٹ سیکریٹری آف اسٹیٹ پال کپور سے ملاقاتوں کے دوران فروری میں متوقع عام انتخابات کی تیاریوں سے آگاہ کیا اور عبوری حکومت کی حمایت پر امریکا کا شکریہ ادا کیا۔ امریکی حکام نے بنگلہ دیش میں جمہوری منتقلی کے لیے مکمل حمایت کا اعادہ کرتے ہوئے شفاف، آزاد اور قابل اعتماد انتخابات کی امید ظاہر کی۔
ملاقاتوں میں دوطرفہ تجارت اور اقتصادی تعاون پر بھی گفتگو ہوئی، جس میں امریکی زرعی مصنوعات کی بنگلہ دیش میں درآمدات میں اضافے اور تجارتی تعلقات کے فروغ پر زور دیا گیا۔ ڈاکٹر خلیل الرحمٰن نے بنگلہ دیشی کاروباری افراد کے لیے ویزا پابندیوں میں نرمی کی درخواست کی، جس پر امریکی حکام نے ویزا پالیسیوں پر نظرثانی کے امکان کا عندیہ دیا۔
یہ بھی پڑھیں: امریکا سے تجارتی مذاکرات، بنگلہ دیش کے لیے نئے مواقعوں کے امکانات روشن
روہنگیا مہاجرین کے مسئلے پر بات کرتے ہوئے ڈاکٹر خلیل الرحمٰن نے انسانی امداد فراہم کرنے پر امریکا کا شکریہ ادا کیا، جبکہ امریکی حکام نے بنگلہ دیش پر پڑنے والے بوجھ کو تسلیم کرتے ہوئے عالمی سطح پر ذمہ داریوں کی منصفانہ تقسیم پر زور دیا۔
اس کے علاوہ ڈاکٹر خلیل الرحمٰن نے بنگلہ دیش کے نجی شعبے کے لیے امریکی ترقیاتی مالیاتی ادارے کی معاونت اور سیمی کنڈکٹر شعبے میں تعاون کی خواہش کا اظہار کیا۔ دونوں جانب سے علاقائی اور عالمی امور پر قریبی رابطے جاری رکھنے پر اتفاق کیا گیا۔
یہ بھی پڑھیں: بنگلہ دیش اور امریکا کے مابین بارہویں دفاعی مذاکرات کا آغاز
بعد ازاں ڈاکٹر خلیل الرحمان نے بنگلہ دیش میں نئے امریکی سفیر برینٹ کرسٹینسن کی حلف برداری کی تقریب میں شرکت کی، جہاں دونوں ممالک کے درمیان تعلقات کو مزید مضبوط بنانے کے عزم کا اظہار کیا گیا۔
12 جنوری کو ڈاکٹر خلیل الرحمٰن نے نیویارک میں بنگلہ دیشی قونصل خانے کا دورہ بھی کیا، جہاں انہیں بیرون ملک مقیم بنگلہ دیشی شہریوں کی آئندہ انتخابات اور ریفرنڈم میں شرکت کے انتظامات پر بریفنگ دی گئی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news امریکا بنگلہ دیش تجارت دوطرفہ تعاون روہنگیا.
ذریعہ
ذریعہ: WE News
کلیدی لفظ: امریکا بنگلہ دیش دوطرفہ تعاون روہنگیا ڈاکٹر خلیل الرحم ن نے نے بنگلہ دیش بنگلہ دیش کے امریکی حکام کے لیے
پڑھیں:
کراچی: ڈاکٹر آکاش قتل کیس میں گرفتار 3 ڈاکو ساتھیوں کی فائرنگ سے ہلاک
کراچی (نوائے وقت رپورٹ) ڈاکٹر آکاش قتل کیس میں گرفتار تینوں ساتھیوں کی فائرنگ سے ہلاک ہوگئے۔ سپیشل انویسٹی گیشن (ایس آئی ایو) نے دعویٰ کیا کہ گلشنِ معمار، عمر بروہی گوٹھ میں گرفتار ڈاکوؤں کی نشاندہی پر ان کے فرار ساتھیوں کی گرفتاری کے لیے چھاپہ مارا تو ملزموں نے فائرنگ کردی جس سے پولیس اہلکار بھی زخمی ہوگیا۔ ڈاکٹر آکاش قتل کیس میں گرفتار تینوں ڈاکو اپنے ہی ساتھیوں کی فائرنگ سے مارے گئے۔ 13 جولائی کو کراچی کے علاقے کلفٹن میں بنک کے باہر ڈاکوؤں کی فائرنگ سے نوجوان ڈاکٹر آکاش جاں بحق ہوگیا تھا جب کہ ملزم بنک سے نکالے گئے 50 لاکھ روپے میں سے 25 لاکھ لوٹ کر فرار ہو گئے تھے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی