مصنوعی ذہانت کے فروغ کیلئے’’انڈس اے آئی ویک 2026‘‘کا اعلان
اشاعت کی تاریخ: 16th, January 2026 GMT
اسلام آباد: (نیوزڈیسک)وفاقی وزیر برائے انفارمیشن ٹیکنالوجی و ٹیلی کمیونیکیشن شزا فاطمہ خواجہ نے آج پاکستان میں مصنوعی ذہانت کے فروغ کے لیے ایک اہم قومی اقدام انڈس اے آئی ویک 2026 کے انعقاد کا اعلان کیا، جو 9 سے 15 فروری 2026 تک منعقد ہوگا۔
انڈس اے آئی ویک 2026 پاکستان کو ایک ایسے ملک کے طور پر پیش کرتا ہے جو بڑے پیمانے پر مصنوعی ذہانت کے فروغ کے لیے پُرعزم ہے۔
اس اقدام کا مقصد حکومت، صنعت، تعلیمی اداروں، اسٹارٹ اپس اور وسیع تر ایکو سسٹم کو ایک پلیٹ فارم پر لا کر آگاہی بڑھانا، صلاحیت سازی کرنا، ذمہ دارانہ استعمال کی حوصلہ افزائی کرنا اور مختلف شعبوں میں عملی اطلاق کو فروغ دینا ہے۔
وزارتِ آئی ٹی و ٹیلی کمیونیکیشن کی جانب سے پبلک پرائیویٹ پارٹنرشپ کے تحت منعقد کیا جانے والا انڈس اے آئی ویک ایک کھلا، جامع اور ہفتہ بھر پر مشتمل قومی پلیٹ فارم ہے، جو مصنوعی ذہانت کی تعلیم، تحقیق اور شمولیت کے مواقع فراہم کرے گا۔
اس میں اسلام آباد سمیت ملک بھر سے پالیسی ساز، ٹیکنالوجی ماہرین، صنعت کار، جامعات، اسٹارٹ اپس، طلبہ اور عام شہری شریک ہوں گے۔
اس ہفتے کے دوران قومی سطح پر ٹیکنالوجی نمائش، جدت اور اسٹارٹ اپ اسپاٹ لائٹس کے ذریعے سرمایہ کاروں کو کنیکٹ کرنے کے مواقع، طلبہ اور پیشہ ور افراد کے لیے مہارتوں کی تربیت اور سرٹیفکیشن، گیمنگ اور تجرباتی اے آئی ایرینا، اور عوامی سطح پر انٹرایکٹو سرگرمیوں کا انعقاد کیا جائے گا۔
ان تمام سرگرمیوں کا مقصد مصنوعی ذہانت کو عام فہم بنانا، اس تک رسائی کو وسیع کرنا اور معاشرے میں عملی سیکھنے، اپنانے اور تعاون کو فروغ دینا ہے۔
تقریب کے اعلان کے موقع پر وفاقی وزیر شزا فاطمہ خواجہ نے کہا کہ گزشتہ برس پاکستان کی نیشنل اے آئی پالیسی کے اجرا کے ساتھ ہم نے ذمہ دارانہ اور جامع مصنوعی ذہانت کی ترقی کی بنیاد رکھی۔
انہوں نے کہا کہ انڈس اے آئی ویک ہمارے اس عزم کی عکاسی کرتا ہے کہ ہم مکالمے سے آگے بڑھ کر عملی اطلاق کی جانب بڑھیں۔
وفاقی وزیر نے کہا کہ پالیسی، صنعت اور افرادی قوت کو باہم جوڑ کر یہ اقدام پاکستان کو عالمی اے آئی ایکو سسٹم میں ایک قابلِ اعتماد شراکت دار کے طور پر پیش کرتا ہے۔
شزا فاطمہ نے مزید کہا کہ ہم بین الاقوامی شراکت داروں، سرمایہ کاروں اور جدت کاروں کو پاکستان کے ابھرتے ہوئے اے آئی منظرنامے سے جڑنے کی دعوت دیتے ہیں۔
انڈس اے آئی ویک کا آغاز 9 فروری کو جناح کنونشن سینٹر، اسلام آباد میں انڈس اے آئی سمٹ سے ہوگا جس کے بعد 9 اور 10 فروری کو اسلام آباد اسپورٹس کمپلیکس میں انوویشن، لرننگ اینڈ انگیجمنٹ ایرینا منعقد کی جائے گی۔
9 سے 15 فروری تک ملک بھر کی جامعات، کمپنیاں، سرکاری ادارے اور ایکو سسٹم پارٹنرز انڈس اے آئی ویک کے بینر تلے مشترکہ اے آئی سرگرمیوں کا انعقاد کریں گے۔
انڈس اے آئی ویک 2026 اس امر کی علامت ہے کہ پاکستان قومی ترقی اور بین الاقوامی تعاون کے ایک اہم ستون کے طور پر مصنوعی ذہانت کو اپنانے کے لیے تیار ہے۔
.
ذریعہ
ذریعہ: Daily Mumtaz
کلیدی لفظ: مصنوعی ذہانت اسلام ا باد کہا کہ کے لیے
پڑھیں:
: نائب وزیرعظم و وزیر خارجہ اسحاق ڈار کی شنگھائی تعاون تنظیم وزرائے خارجہ کونسل اجلاس میں شرکت
سٹی 42: نائب وزیرعظم و وزیر خارجہ اسحاق ڈار نے کرغز جمہوریہ میں شنگھائی تعاون تنظیم وزرائے خارجہ کونسل اجلاس میں شرکت کی۔
ترجمان دفتر خارجہ کے مطابق اسحاق ڈار نے اجلاس کے کامیاب انعقاد پر کرغز قیادت اور وزیر خارجہ ژین بیک کلوبائیف کا شکریہ ادا کیا۔ایس سی او کے 25 سال مکمل ہونے پر اسحاق ڈار کی رکن ممالک کو مبارکباد، تنظیم کے کردار کو سراہا۔ اسحاق ڈار نے کہا پاکستان شنگھائی اسپرٹ، علاقائی تعاون، رابطہ کاری اور مشترکہ ترقی کے لیے پرعزم ہے۔
روس کا سب سے جدید اور خطرناک جنگی طیارہ گر کر تباہ
ترجمان دفتر خارجہ کے مطابق اسحاق ڈار نے اسلام آباد مذاکرات اور اسلام آباد مفاہمتی یادداشت کو پاکستان کی امن و سفارتکاری کی کوششوں کی مثال قرار دیا،ایس سی او وزرائے خارجہ نے خطے میں امن و استحکام کے لیے پاکستان کی کوششوں کو سراہا، اسحاق ڈار نے کہا پاکستان ستمبر 2026 میں ایس سی او سربراہان کونسل کی چیئرمین شپ سنبھالنے کے لیے تیار ہے ۔
اسحاق ڈار نے 2027 میں ایس سی او سربراہی اجلاس میں شرکت کے لیے تمام رکن ممالک کو پاکستان آنے کی دعوت دی۔
رانا ثنا اور امیر مقام کی برطانوی بزنس مین سے ملاقات، راجہ وسیم نے غلاف کعبہ بطور تحفہ پیش کیا
بھارت سے جنگ اور افغانستان میں کارروائی خارج ازامکان نہیں، وزیردفاع