پاکستان اور امریکا کے درمیان مشترکہ فوجی مشق ’’انسپائرڈ گیمبٹ 2026‘‘ جاری
اشاعت کی تاریخ: 16th, January 2026 GMT
راولپنڈی: پاکستان اور امریکا کے درمیان مشترکہ فوجی مشق انسپائرڈ گیمبٹ 2026 جاری ہے۔ یہ مشق پاک فوج اور امریکی فوج کے درمیان 8 سے 16 جنوری تک منعقد کی جارہی ہے۔پاک فوج کے شعبۂ تعلقاتِ عامہ (آئی ایس پی آر) کے مطابق دو ہفتوں پر مشتمل یہ مشترکہ مشق انسداد دہشت گردی پر مرکوز ہے. جس کا مقصد دونوں افواج کے درمیان پیشہ ورانہ مہارتوں کا تبادلہ، مشترکہ تربیت اور باہمی تعاون کو مزید فروغ دینا ہے۔بیان میں کہا گیا ہے کہ انسپائرڈ گیمبٹ کا سلسلہ سنہ 1995 سے جاری ہے اور یہ اس دو طرفہ تربیتی پروگرام کی 13 ویں مشترکہ مشق ہے جو پاکستان اور امریکا کے درمیان عسکری تعاون کی عکاس ہے۔مشق کے دوران نیشنل کاؤنٹر ٹیررازم سینٹر پبی میں وزیٹرز ڈے کی تقریب کا بھی اہتمام کیا گیا۔ اس موقع پر امریکی قائم مقام ناظم الامور سینئر امریکی فوجی عہدیداروں اور کمانڈر راولپنڈی کور نے شرکت کی۔آئی ایس پی آر نے بتایا کہ معزز مہمانوں کو مشق کے مقاصد، دائرہ کار اور مختلف تربیتی مراحل سے متعلق تفصیلی بریفنگ دی گئی جب کہ مشق میں شامل دستوں کی پیشہ ورانہ صلاحیتوں اور تربیتی معیار کو بھی اجاگر کیا گیا۔بیان میں مزید کہا گیا ہے کہ ایسی مشترکہ مشقیں دونوں ممالک کی افواج کے درمیان اعتماد سازی، آپریشنل ہم آہنگی اور دہشت گردی کے خلاف مشترکہ کوششوں کو مضبوط بنانے میں اہم کردار ادا کرتی ہیں۔
.
ذریعہ
ذریعہ: Nawaiwaqt
پڑھیں:
وزیر ریلوے کی اطالوی قومی دن کے موقع پر اٹلی کی حکومت اور عوام کو مبارکباد
اسلام آباد(اُردو پوائنٹ اخبارتازہ ترین - این این آئی۔ 02 جون2026ء) وزیر ریلوے محمد حنیف عباسی نے اطالوی قومی دن کے موقع پر اٹلی کی حکومت اور عوام کو مبارکباد پیش کرتے ہوئے کہا ہے کہ پاکستان اور اٹلی کے درمیان دیرینہ دوستانہ تعلقات باہمی احترام، اعتماد اور تعاون پر مبنی ہیں۔منگل کو اپنے بیان میں انہوں نے کہا کہ اٹلی پاکستان کا ایک اہم یورپی شراکت دار ہے اور دونوں ممالک کے تعلقات وقت کے ساتھ مزید مستحکم ہوئے ہیں۔ وزیر ریلوے نے کہا کہ پاکستان اٹلی کے ساتھ تجارت، سرمایہ کاری، تعلیم اور ثقافتی روابط کے فروغ کو خصوصی اہمیت دیتا ہے۔انہوں نے کہا کہ اطالوی قومی دن دونوں ممالک کے درمیان دوستی اور تعاون کے مزید فروغ کے عزم کی تجدید کا موقع فراہم کرتا ہے۔ انہوں نے اٹلی میں مقیم پاکستانی برادری کے کردار کو سراہتے ہوئے کہا کہ یہ برادری دونوں ممالک کے درمیان تعلقات کو مضبوط بنانے میں اہم کردار ادا کر رہی ہے۔(جاری ہے)
وزیر ریلوے نے کہا کہ پاکستان اٹلی کے ساتھ اقتصادی، تجارتی اور عوامی سطح کے روابط کو مزید وسعت دینے کا خواہاں ہے ،دونوں ممالک کے درمیان مختلف شعبوں میں تعاون کے وسیع امکانات موجود ہیں جو مشترکہ ترقی اور خوشحالی کا ذریعہ بن سکتے ہیں۔انہوں نے کہا کہ پاکستان اور اٹلی کے مضبوط تعلقات باہمی مفادات کے تحفظ اور بین الاقوامی تعاون کے فروغ میں اہم کردار ادا کر رہے ہیں اور یہ دیرینہ دوستی مستقبل میں مزید مضبوط اور نتیجہ خیز شراکت داری میں تبدیل ہوگی۔ انہوں نے اطالوی قومی دن پر پاکستان اور اٹلی کے عوام کے لیے امن، ترقی اور خوشحالی کی نیک تمناں کا اظہار کیا۔
وزارت آئی ٹی نے 1.67 ارب روپے سے زاید کے فنڈز طلب کرلیے